كرسى الاعتراف

[marwa.m]

السلام عليكم

مكنتش ناوية ادخل تانى
بس لقيتنى فاضية قلت مينفعش بشمهندس محمود ( قلتها صح المرادى اهوة) يكون قاعد على الكرسى ومكرموش مش اخلاق ولاد البلد
خد عندك كدة كام سؤال مسح زور
مستعد
على بركة الله

1- اية اكتر مادة دراسية كانت مطلعة عينك

2- فرحان بدراسة الهندسة ولا دخلتها لمجرد انها كلية قمة

3-امتى تحتقر الى واقف قدامك

4- اية البلد الى نفسك تروحها برة وجوة مصر

5- شايف ان طول الفترة الى انت عشتها حققت كل طموحاتك ولا لسة عندك تانى

6- لو خيروك بين الدراسة ووظيفة هتقبض منها كتير بس مستواها الاجتماعى مش ولا بد (مش عارفة اوضح قصدى يارب تكون فهمت ) هتختار اية


7- اتسرق منك كام موبايل

8- موبايلك الحالى نوعة اية

9-عندك اصحاب اصحاب ولا اصحاب زمايل يعنى عشان اوضحلك عندك صحاب انتيم

10- بدأت تصلى وانت عندك كام سنة

11- انت بتعيش اليوم بيومة ولا بتفكر فى بكرة

12- بتحب تسمع القراءن الكريم بصوت مين

13- عرفت من اسئلة شيرين انك اهلاوى بما انى زملكاوية احب اعرف فرحان فى الزمالك ولا لا

14- شايف ان حتة انى انقل موضوع من منتدى واجيبة منتدى تانى وخصوصا لو كان موضوع فى العام بيكون عادى من وجهة نظرك ولا بتبقى سذاجة وقلة معرفة من العضو الى بيعمل كدة

15- بعد لما رحت على الجامعة قلت ياريتنى ارجع ثانوى تانى

16- بعد الريس الحالى للبلد شايف مين احسن واحد ممكن يمسكها ومتقولش معرفش لازم تقول:abdoog8:

17- بتحب الاطفال ولا بتزهق من اسئلتهم الكتيرة

18- مين اول عضو ضربت معاة خناقة هنا فى المنتدى ( ربنا ميجيب خلافات يارب)

19- اية الحاجة الى شدتك فى البوابة ملقيتهاش فى كل المنتديات التانية

20- اية رايك فى استايل المنتدى عايز يطور ولا هو كدة حلو

خلاص كفاية كدة ايدى وجعتنى
بس لو كان ليا عمر هاجى تانى
واوعى تعترض
اة لسة سؤال الايموشن
بتدى الايموشن دة لمين فى المنتدى

فى امان الله