|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
21-11-2008, 01:15 AM
|
||||
|
||||
خود في طيرك...
هل سمعت عن تجربة الضفدع <<<< الأخ هياكل دماغنا بعلم النفس بتاعه ولا ايه ؟>>>> لا مش هاكل ولا حاجه بس هقولها خفيف خفيف .. العلماء جابو ضفدع ورموه في ميه سخنه .. الضفدع عمل ايه نط من الميه برا مباشرة ليه ؟ لأن الميه سخنه وما استحملش .. رجعوا العلماء حطوه في ميه عادية ففضل مكانه وشغلوا تحته نار الميه فضلت تسخن تسخن لغايه لما وصلت درجه الغليان والضفدع ما اتحركش لدرجه ان الضفدع اتسلخ في مكانه ومات .... حد فهم انا قصدي ايه من المثل ده ؟ اللي مافهمش بقي يكمل معانا الموضوع للأخر ... خود في طيرك .... كلمه ربما سمعها الكثير وربما يستهجنها البعض وربما يرددها البعض من منطق ركوب الموجه وكله بيقول كده يا معلم .. هذه الكلمه كلمه يراد بها معني وقح وهي دارجه بين قطاع من الشباب واذا اردت المعني الاساسي بوقاحته اضف نقطه فقط لحرف من حروف اخر كلمه وستفاجيء بالمعني اذا كنت جاهلا المشكله ان هذه الكلمة قيلت في فيلم سنيمائي شاهده الكثير بين شباب وفتيات شيبان وشباب وصبيان ولم يعترض احد ضحك من ضحك واستنكر من استنكر وانا لا ادري الي اين نسير . وايضا كلمة a7a ثلاث حروف اتقالت ومرت مرور الكرام علينا وهيا في الاصل كلمه قبيحة او ( درج استخدامها ) كمدلول قبيح والكلمة بتتقال علي التلفزيون قدام الاب والام والاولاد بنات وشباب ولا حد هنا احنا رايحين فين ؟ حد هيقولي يااعم الفيلسوف الكلمة دي في الاساس حرف اعتراض ( حسب الروايه المزعومه يعني ) وخرجت ايام احمد عرابي وكانو بيقولوا ( قحة قحه لا تتنحي ) ........ يا سلام يا جماعة علي المؤرخ الصايع اللي الف الحتة دي المهم ماعلينا ....هأعتبر ان كلامك صح وان معناها كان مش وحش بس انت نسيت حاجه في قاعدة بتقول .. المعروف عرفا كالمشروط شرطا والمعروف ان الكلمة دي درج استخدامها كلفظ قبيح .. هتقولي مش فاهم اوكي اوضح لك : كلمة مأتم ... طبعا الكل عارفها يعني ايه ( الكل في صوت واحد يعني عزا او ميتم ياعم الإور ) طيب تتفاجيء بقي لو قلت لك ان كلمة مأتم في الاساس تعني تجمع الناس في ( حزن او فرح ) ...ركز معايا في الحته اللي جايه دي ( ولكن جري ) استخدامها علي الحزن فغلبت ؟؟؟ أظن واضحة دي .. تقدر تقول لواحد بيعزمك علي فرحه ..( انا هأحضر في مأتمك ) أظن هيكسر راسك ضرب ولا ايه ؟ وكلمه حقيرة ... لو قلت لواحد ( قهوتك حقيره ) ممكن يضربك صح .. لكن معناها في الحاله دي قهوتك قليله لكن جري استخدامها علي لفظ الحقاره والدنائه فغلبت .. مثل كلمه ميناء اصلها اللغوي ( موناي ) ولكنها اقرب للكسر منها للضم فقلبت ميناء تخيل لو قلت لواحد عليها موناي مش هيضحك عليك ؟ هو ده العرف اللي بيخلي الشيء يتغير من وجهه لوجهه واظن وصلت الكلمه ومفهومها .. اننا بقي نلاقي الكلمه دي منتشره والوضع زي ما بيقولوا ( ايزي ) صعب علي راي صحفي بيقولك ممكن تلاقي بنتك داخله عليك في يوم تقولك ( a7a يابابا عايزة اروح عند صاحبتي ) يعني مش سيما بس لا دا سيما وجرايد .... وعلي رأي المثل الشهير ( غطوني وصوتوا ) اضافة الي مصطلحات قذرة اخري في الافلام منها علي سبيل المثال في فيلم ظرف طارق احمد حلمي بيقول للراجل ابو وش احمر ده ( حمـــرة ) ويرد عليه يقوله هي ايه اللي حمره بالظبط .... واظن معظم الشباب فاهمين القصد من ورا الكلمه دي وبعض البنات اصلها واضحه للأعمي واللي عنده الثلاثي كمان ... كلمة شاب بايظ طلعها .. الشباب مسكوا فيها .. تقوم تحطها في فيلم ! وفي فيلم خالتي فرنسا المسماه بعبلة كامل بتقول للبنت .. خلي املك في ربنا كبير لا العمشه بتبور ولا ام ( تسكت لحظات وتكمل ) ولا ام طرطور ...! واللي مش عارف المثل ده ده مثل شعبـــــــــي بجح ( ايوه بجح ) لان الكلمه اللي مكان طرطور دي المفروض انها ( جزء من مكان حساس في جسد الأنثي البالغه ) ومش فاهم ليه نحط حاجه زي دي ؟ وحاجات كتير مش هوجع دماغكو بيها <<< الناس بتسمع الافلام تضحك وده بيسمعها عشان يخنق نفسه ويخنقنا ولا ايه >> معلش انا عارف اني طولت عليكم نرجع بقي لحكاية الضفدع اياه .... <<<< اه صحيح ايه حكايته >>>>> الحكاية وما فيها اننا لو دخلنا علي الناس مره وحده حاجه مش متعودين عليها اكيد هيرفضوها بشكل مباشر زي الضفدع اما نط من الميه السخنه اول ما حطوه فيها في تجربه ( كسر الواقع المحيط ) ... وبالتالي مش هينفع انك تعمل كده مره وحده لازم ايه ياريس وحده وحده .. مره كلمه في فيلم .. مره تعليق في مسرحية ... مره هنا مرة هنا لغايه لما نوصل لمرحله الاعتياد النفسي وساعتها بقي مفيش حاجه هتكون عيب يا معلم ( وعم عشم مات يوم التلات والمعاملة خد وهــــــــــات ) صح ولا ايه ؟ بيــس وصلت فكره الضفدع ؟ ......... ووصلت فكره الموضوع ........ حد بقي يقول لي احنا رايحين فين ؟
__________________
 |
|
#2
21-11-2008, 01:52 AM
|
||||
|
||||
|
موضوع يستحق الرد
وموضوع يستحق المناقشه ولكن الإعلام عمل زيك بالظبط هل الناس متعرفش ان عنوان موضوعك عيب ؟ لأ طبعا كل الناس عارفه ان عنوان موضوعك المعني الأصلي له عيب وإلا كانت اتكتبت " خد فطيرك " لكن هما عملوا زيك للفت الإنتباه عملوا فيلم يحتوي علي كلمه زي دي وتتكتب بالشكل ده وطبعا عارف رد حضرتك عن الجزئيه دي لكن نبل الغاية لا يُبرر شرعية الوسيلة ده مثل خاطئ بنسبه 98% لان بداية الخطأ هو استخدامه في اثبات غرض شريف وعفيف ولكن من منا يُكمل للنهاية ؟ طبيعه الإنسان انه ملول حتي من طبيعته ملول ده بالنسبه للعنوان --- اما بالنسبة لمعلومه مآتم فهي صحيحه 100 % بالنسبة لـحقيرة فهي صحيحة 100 % بالنسبة لـ ميناء فجاري التأكد منها بالنسبة لـ a7a فما ترنو إليه الكلمه يُعتبر لائق في بعض المناطق زي اسكندريه قديما ً لكن دلوقتي بيستخدم كمصطلح غير لائق بالنسبه لمثال الضفدع ده انا كنت عارفه فعلا واحنا البوتقه بتسخن علينا لغاية ما هنتسلخ لكن ده يرجع لمنظومه كبيرة بصراحه مش هقدر اقولك عليها دلوقتي بس عايز اقولك ان الإعلام لما استخدمها استخدمها بغرض لفت الإنتباه لأن الإعلام قبل ما يكون إعلام فهو دراسه انثروبولوجي قبل كل شئ عشان يقدر يتعامل مع كل العقليات ويجذبهم وخصوصا اللي بيقولوا " الفيلم ده مش عاجبني ولا مهتم بيه بس انا داخل اشوف هو بيقول ايه او بيقصد ايه " هو كسب انك شوفت الفيلم ميهمهوش بقي هتقول عليه ايه لان غرضه اتحقق دي منظومه الإعلام بصفه عامه او في بلدك ع الاخص كمان شكرا ع الموضوع 
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ !  آخر تعديل بواسطة احمد رضا ، 21-11-2008 الساعة 02:04 AM |
|
#3
21-11-2008, 02:36 AM
|
||||
|
||||
|
اقتباس:
موضوع جميل فعلا...بس ياريت تغير العنوان وان شاء الله هرد عليه بعد التغيير..
__________________
https://www.facebook.com/islam.nasr.7 |
|
#4
21-11-2008, 02:39 AM
|
||||
|
||||
|
اقتباس:
ايه ياعم ده بس ده....صلي علي النبي وادعي الموضوع ميتحذفش ...ياريت تغير الألفاظ دي بأي مصطلحات تانيه واحنا هنفهم
__________________
https://www.facebook.com/islam.nasr.7 |
|
#5
21-11-2008, 02:56 AM
|
||||
|
||||
|
اقتباس:
انت جريئ قوي زيداة عن اللزوم والفاظك جريئة ايضا بس مش مكانها هنا
انت كنت ممكن تلمح عن الكلمات اللي مش تمام من غير ما تقولها ده بيتهيالي يكون افضل
__________________
؟ عضو مبهم يحمل اكثر من 1100 مشاركة واتمنى ان اظل مبهم ولا يتعرف علي احد
|
|
#6
21-11-2008, 03:03 AM
|
||||
|
||||
|
والله انا شايف انك لم تختلف كتير مع عابلة كامل فى قضية الطرطور
ولا مع الفيلم الى بتنقده والمشهد الاحمر وتقريبا موقف حضرتك مشابة تماما لهما فى حكاية حد فى طيرك يعنى حضرتك تنقدهم بنفس الاسلوب وبنفس الشكل الى مش عاجبك ولو سألتهم هما كمان هايقولوا لك شوية فلسفة
__________________
 |
|
#7
21-11-2008, 03:18 AM
|
||||
|
||||
|
وبعدين انا معترض جدا على عنوان الموضوع
ده منتدى محترم وكان ممكن تختار على الاقل اسم غير ده للموضوع ... واليكن مثلا كلــمـات شـائـعـه بين النـاس رغـم خطـورتهـا .
__________________
|
|
#8
21-11-2008, 03:26 AM
|
||||
|
||||
كان ممكن حضرتك تعرض موقفك بس بصورة افضل بدلا العنوان الــ.......... وبدلا ما تذكر العبارات كنت كنيتها لـــ
لا يخفى: أن الكناية أبلغ من التصريح، وذلك لأنها تفيد اُموراً، منها: 1 ـ القوّة في المعنى، وذلك لأنّها كالدعوى مع البينة، إذ لو قيل (فلان كريم) سئل عن دليل ذلك؟ فاللازم أن يقال: بدليل كثرة رماده، فإذا ذكر أولاً أراح، وأتى بالدعوى مع البيّنة. 2 ـ التعبير عن أمور قد يتحاشى الانسان عن ذكرها احتراماً للمخاطب. 3 ـ الإبهام على السامع. 4 ـ تنزيه الاُذن عمّا تنبو عن سماعه. 5 ـ النيل من الخصم دون أن يدع له مأخذاً يؤاخذه به وينتقم منه. وهناك أغراض كثيرة اُخرى تترتّب على الكناية لا تخفى على البليغ. بتنبه عن الخطا وحضرتك وقعت فيه لانك نقد بنفس الاسلوب واستخدمت نفس العبارات نعم ان العبارات انتشرت كالبرق في مختلف الاماكن بس مش ينفع تتناقش لانها معلومة (مع انني مكنتش فعلا ادرك معاني هذه الكلمات خاصة اللى ما اعتقد قيلت في h دبوووور) وده اكبر دليل على الفساد اللى في جميع انحاء الـــــ ووفين استاذ اشرف ذكي اللي باين نقيب الممثلين يسمح بذلك |
|
#9
21-11-2008, 09:47 AM
|
|||
|
|||
|
اساسا اللي بيقولا الكلام دا ناس ملهموشي لازمة وبتلاقية فئة غبيه حتة ولو كانو ولاد ناس او لو بنتقال عليهم ولاد ناس وانا ميش ف الافلام اصلا انا مبتفرجشي غير ع احمد حلمي لانة ع الاقل بيحترم اللي هيشوفة وبجد الهيد بتاع التوبيك ينرفز وانا كنت سمعت الكلمة دي مرة وادة قبل كدا بس قولت يمكن سمعت غلط بس لما تتكتب تبقي ..............
__________________
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:13 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
