سؤال احصاء

[مشمشمة]

-اذا كان س متغير عشوائي متصل ودالة كثافة الاحتمال له هي:
د(س)=
{ أ(س-1) : ك اقل من اويساوي س وس اقل من اوتساوي (ك+2)

صفر فيما ماعدا ذلك

اوجد قيمة ك
كتاب النماذج ص38رقم42

[مشمشمة]

محدش عارف يحل ولا ايه

[مشمشمة]

ياجماعة ارجوكم ساعدوني انا مبخدش درس في الاحصاء

[مشمشمة]

ارجو الرد

[مشمشمة]

يا جماعة قولوا لي طب اعمل ايه

[هند ابراهيم]

يا مشمشه هو فى الف قبل القوس ؟

[هند ابراهيم]

انا بصراحه حاولت يا مشمه لكن للاسف معرفتش
لكن ان شاء اله لو عرفت الحل هقولهولك علىطول

[مشمشمة]

شكرا لكي يا هند
وهو في الف فعلا

[حامل المسك]

سلام عليكم

يا مسهل لما نحاول كده ونشوف

د(س) =

أ ( س-1) ، ك< س < ك+2
صفر ، فيما عدا ذلك


هنجيب الاول طبعا اللي دالة اللي قبل س واللي بعد س ودا بالتعويض في اول جزئية

يعني هنشيل السين ونحط مكانها ( ك ) و ( ك+2 )

د ( ك ) = أ(ك-1)

د ( ك+2 ) = أ(ك+2-1 ) = أ(ك+1)

وبما ان س متغير عشوائي متصل

اذن

{{ د( ك ) + د( ك+2 ) ÷ 2 }} × ك + 2 - ك >> كل دا هيساوى ( 1 ) القاعده اللي بتقول كده

بالاختصار هيبقى

{{ د( ك ) + د( ك+2 ) ÷ 2 }} × 2 = 1

هتلاقي عندك كده لما تكتبيها ان في ( 2 ) تحت و ( 2 ) هيروحوا مع بعض في الاختصار

يبقى الناتيج

د( ك ) + د( ك+2 ) = 1

نبدأ بقى نشيل الدوال دي ونحط القيمه بتاعتها اللي احنا جبناها فوق

أ(ك-1) + أ(ك+1 ) = 1

هنضرب الاقواس بقى

أك - أ + أك + أ = 1

2أك = 1

ك = 1÷2أ


اعتقد هو دا الحل بتاعها يا مشموشه

ومتخفيش انه فيه ألف في الاخر وكده

لأنه كده او كده لازم يطلع ألف لأن في مجهولين في المسأله

ودا اللي كان حصل الصنه اللي فاتت في رياضه واحد

لما كان فيه ناتج برضه بالأف

وناس اتلخطبت وقلتلك لا دا غلط

وكان الحمد لله هو صح

فان شاء الله يكون الحل دا صح

وشوفي كده في حل النماذج عندك

لأني للأسف مش عندي النماذج

حد يسلفهاااااالي

[مشمشمة]

انا متشكرة النتيجة دي وصلتها قبل كده
حوالي سبع مرات حلت فيها المسالة ديه
لكن في الاجابة بيقول

ك= -1
وانا اسفة تعبتك معايا

[حامل المسك]

صراحه معرفش بس بجد اعتقد ان دي غلطة في النماذج

لأن في احيانا فعلا بتكون فيها اجابت غلط دا اول حاجه

وتاني حاجه ان المسأله فيها مجهولين

يبقى اكيد الحل هيطلع في واحد من المجهولين دول

يعني معتقدش ان الحل ممكن يطلع رقم والمسأله فيها مجهولين اصلا

الله اعلم

[هند ابراهيم]

مشمشه انا سالت المستر بتاعى وقالى ان السؤال مكتوب غلط
لان لازم مجهول يطلع بدلاله الاخر
وربنا يوفق الجميع

[مشمشمة]

متشكرة اوي يا هند ريحتي قلبي