انا زهقت...و اكيد انتو كمان

[MohammeD el_SadaT]

الأول حمد لله على السلامه


نيجى بقه للموضوع الموضوع وبكل بساطه إن اللى ميعرفش يقول عدس
يعنى حكم الناس على شخص معين عمره ما هيكون قبول كله ولا رفض كله لأنهم لو إتفقو كلهم على شخص واحد يبقى ملاك ولو رفضو كلهم شخص واحد يبقى شطان وبيتهيألى لسه مفيش حد وصل لدرجه ملاك أو لدرجه شطان


يعنى أنا ممكن أكون معاكى تمام وأخلاق وكويس لكن مع شخص تانى " ...................... " وده بيرجع للراحه لنفسيه للشخص

ممكن أكون حرامى وعارف إنى حرامى وتعبان من جوايا لكن للأسف الظروف مش سامحه ليا إنى أتوب عارف إن ده مش سبب مقنع لكن ده ميمنعشى إنى نفسى أشوف إبنى حاجه كويس وممكن أحلمله إنه يكون ضابط ومش بعيد الحلم يتحقق


بصى مفيش شخص مش نفسه يكون نضيف وكويس وعايش بالحلال كلنا نفسنا نكون طيبين بس أحياناً الظروف اللى بتحكم علينا نكون كده عارف إنك هتقولى ممكن نتحدى الظروف وممكن وممكن بس هل ياترى إنتى إتعرضتى لموقف حقيقى وتحت ضغط رهيب وقررتى ساعتها تتحدى بيتهيألى لاء
زى ما بيقولو
" اللى إيده فى الميه مش زى اللى إيده فى النار "

وبعدين هو عشان الشخص ده وحش يبقى ما ينفعش أبداً ينصحك بإنك تمشى صح يعنى هو أنا عشان مبصليش مينفعش أقولك صلى هو أنا بقولك إوعى تصلى دا أنا بنصحك لمصلحتك هو أنا هستفاد منك إيه هى المشكله كلها إننا لما بناخد فكره سيئه عن شخص والشخص ده إتعدل عمرنا ما بنغفرله ذنبه مع إن ربنا سبحانه وتعالى بيغفر إحنا العبيد مبنغفرش مع العلم إن الشخص اللى عالى فى نظرنا أوى لأقل غلطه منه بينزل فى نظرنا لسابع أرض المشكله قبل ما تكون فى الأشخاص اللى إنتى بتحكومى عليهم فالمشكله فيكى إنتى

ثم ممكن سؤال بسيط
إنتى مين عشان تقيمى شخص وتقولى ده كويس ده وحش دا كذاب دا قلبه كذا دا كذا
" إنما الأعمال بالنيات ولكل إمرأ ما نوى "

مين قالك إن رأيك فى شخص مش ممكن يسقطه فى نظر ناس تانيه مع العلم إنك ممكن تكونى ظلماها مشكلتنا إننا بندور على عيوب بعض بمنقاش ماشين نفصص وراهم على الرغم من إننا من أولنا لأخرنا عيوب
" عيوبى لا أرها وعيوب الناس أجرى وراها "

بين وبيتك أنا لو إتكملت هتكلم كتير وأنا مش عاوز أطول عليكى فهكتفى بالجزء ده من الرد