المدرس بتاعى عصبى جدا ( حد يقولى اعمل ايه)

[كــارمن]

السلام عليكم ورحمه الله وبركاتة

انا فى مدرس باخد عندة عصبى جدا وبيتعصب من اقل حاجة

لدرجة انة ساعات بيسئلنى فى حاجة وببقى عارفاها من كتر ما بكون خايفة مبعرفش اجاوب

وطول الحصة بيبقى كل تفكيرى انة ممكن يزعقلى من غير اى سبب وهو عامل رعب للمجموعة كلها

وانا مش هعرف امشى من عندة لانى يعتبر خلاص استقريت وكمان هو احسن مدرس فى المنطقة بتاعتنا

وانا بجد مش عارفة اعمل اية وفى الفترة الاخيرة مبقتش افهم منة عشان كل تفكيرى فى جزئية انة ممكن يزعقلى

وبقيت اخاف اجاوب وبخاف اسئلة وبقعد فى الحصة مش بنطق ولا كلمة

[مس رانيا حسن]

ممكن توضحيلى اكتر عصبيته دى بسبب
لو كانت بسبب بعض سلوكيات لزمايلك
اللى مش بتعجبه
ممكن تتفقى مع زمايلك انهم يحسنوا من اسلوبهم وسلوكياتهم

اما لو كان المدرس عصبى بطبعه
فيه حلين
الحل الاول
انك تتكلمى معاه بشكل غير مباشر
عن المشكله ..... مثلا تقوليله يا مستر
انا محتاجه مشورة حضرتك فى موضوع مهم
وتكلميه عن انك بتعانى من مدرس عصبى والمعامله دى
مسببه ليكى قلق وبتاثر على تحصيلك الدراسى
هوا اكيد هيفهم ان الكلام عليه
يمكن وقتها يغير من نفسه والله المستعان

الحل التانى
انك وزملائك تشتركوا مع بعض
وتجيبوا هديه ليه وتقولوا له ان ده تقدير بسيط
مننا لحضرتك ومجهودك معانا
يمكن الهديه دى تكون خير
( تهادوا تحابوا )
ربنا يوفقك وييسر لكى الامر
فى امان الله

[كــارمن]

هو يامس بيتعصب مثلا لما يسأل حد وميجاوبش وكمان لما حد يعارضة فى جزئية فى المادة لكن والله انا عارفة ان حقة يزعل من كدة لكن ساعتها بيتفوة بالفاظ غريبة ومبيبقاش عارف هو بيقول اية

وبيهزق جامد جدا وبيقول الفاظ خارجة

رغم انه ماشاء الله قريب من ربنا جدا وحج اكتر من مرة

وساعات بيطرد المجموعة من غير سبب او لسبب هايف جدا مع العلم اننا بنرحلة من سفر بعيد
وبيعقدنا بالمتحانات الصعبة وبيقول لنا الى هيجيب فى امتحان ليا 15 من50 هيدخل احسن كلية فى مصر ياريت حضرتك تساعدينى
انا الحمد لله من المتفوقات وجبت العام الماضى 99.3 ورغم كدة بقيت اكرة المادة بتعتة ومبقاش عندى ثقة وانا بحل فيها

[مس رانيا حسن]

معاكى يا قمر
ونتكلم على الخاص
فى امان الله

[marwa.m]

ربنا معاكى بجد مش عارفة المدرسين بيعملوا كدة لية

انتى واصحابك حاولو تكلموة واقنعوة ان كدة نفسيتكوا بتتعب

او اى حد من اهلكوا يكلموا

[bosy .. mostafa]

حاولي انتي و زمايلك تتكلموا معاه و تفهموه بلاش العصبيه دي عشان تقدروا تفهموا
يا اما تدوري على مدرس تاني و تريحي دماغك

[طالبه متفوقه]

والله انا مدرس اللغه الالمانيه مثل هيك
ولما تكلمنا معه قال ان احنا اللي بنعصبه
والله هذا مو حقيقي هو اللي بيعصب علينا من اقل شئ

[Hamset_Etab]

والله انى بتقولى بالظبط اللى كنت هقوله دى فعلا شخصيه استاذى بس تعرفى اتاقلمت عليها
هقولك مثلا احنا بنبقى قاعدين فى المجوعه اقل حاجه ميه واحد والمكان زحمه مش ينفع يسمع لكل واحده فاهمه ايه ومش فاهمه ايه انا بسمع الحصه معاه واما بيخلص بطلع له بره واساله براحتى وهو بيحاوب عليا
اما بقى حكايه الضرب والشتيمه دى عادى مش بتفرق معايا لان الانسان المحترم مش بيجيب لنفسه الشتيمه ولا الضرب .......... وربنا معاكى ان شاء الله

[كــارمن]

المشاركة الأصلية كتبت بواسطة bosy 2

والله انى بتقولى بالظبط اللى كنت هقوله دى فعلا شخصيه استاذى بس تعرفى اتاقلمت عليها

هقولك مثلا احنا بنبقى قاعدين فى المجوعه اقل حاجه ميه واحد والمكان زحمه مش ينفع يسمع لكل واحده فاهمه ايه ومش فاهمه ايه انا بسمع الحصه معاه واما بيخلص بطلع له بره واساله براحتى وهو بيحاوب عليا

اما بقى حكايه الضرب والشتيمه دى عادى مش بتفرق معايا لان الانسان المحترم مش بيجيب لنفسه الشتيمه ولا الضرب .......... وربنا معاكى ان شاء الله

صح زى ما قولتى انا لما بسألة بعد الحصة بيكون هادى

[بنوتة زملكاوية]

المشاركة الأصلية كتبت بواسطة طالبه متفوقه

والله انا مدرس اللغه الالمانيه مثل هيك
ولما تكلمنا معه قال ان احنا اللي بنعصبه
والله هذا مو حقيقي هو اللي بيعصب علينا من اقل شئ

احنا بقى بيتعصب علينا منغير مانعمل اى حاجة

[E/GOGO]

دةبقى نفس مدرس العربى معانا وحتى بعد الحصة مبنقدرش نتكلم معاه
ولا بيجى بهداية ولا حورات
بس انا ادعوت عليه فى تانية
بس هوالصراحة مش على طول عصبى
ولما بيتعصب بيعمل بلاوى

[uoua]

ربنا يهديه انا لما كان ف مدرس عربى بيعمل كده بصراحه سبته اصل انا من نوع العصبى مش بحب حد يزعقلىلو زعقلى مش هسكت بس انتوا حولوا معاه تكلمى معاه حاسسه انكم بتحبه

[Dr|shereen]

انا مشكلتى فى لفيزياء دى انى بحس انى مش بفهم اوى من المدرس بتاعى وكمان المجموعه عددها كبيير والمستر مبيحلش كتييير وكمان نا لما بحل وتقف معايا اسئله مبعرفش اوديها له امتى والمشكله التانيه ان المستر بيميز ناس عن ناس فى المجموعه من غير سبب وبيهتم بناس معينه انهم يفهموا ويفضل يبص لهم ويستنى اسئلتهم على الجزئيه اللى شرحها ودى حاجه بتضايقنى جدااا المشكله ان فكرت انى اسيبه بس خايفه لانه مشهور فى لمنطقه بتاعته وخايفه احسن اندم بعد كده انا فكرت نى افضل بس اخد درس تانى بحيث ن الدرس يتشرح لى مرتين ويمكن تلاته كمان لو واظبت على المدرسه انتوا ايه رايكوا ولا هتشتت وهضيع وقت اعمل يه انا حاسه انى مش كويسه اوى فى الفيزياء ونتوا عارفين امتحان لسنه اللى فاتت كان عامل ازى انتوا ايه رايكوا ولا ماخدش درس تانى دلوقتى وستنى لترم لتانى تكون لفيزياء بقت صعبه اكتر يريت يا جماعه حد يرد بسرعه

[**تسابيح**]

انا السنة اللي الفاتت كان المستر بتاع الكيمياء كان مكهرب كل المجموعات
اللي عنده_كناية عن الرعب_كنا بنعمل لحصته دي الف حساب بس هو برده
كان بيطرنا بس بجد اكتشفنا ان كل حاجة في الاخر كانت عشان مصلحتنا غير كدا
لما تتعمل مع المستر دا في غير الدراسة هتلاقيه شخصية تانية غير الدراسة وكدا
بصي بقي انت مش تخافي طول ما انت بتحفظي وبتذاكري وبتجاوب ومجتهده وكل شيء
واقلمي نفسك علي العصبية دي ومش يهمك حاجة وتوترك دا اللي هيجيب لورا ركزي
بس وربنا يوفقك