بيقولولك ايه في البيت

[bosy .. mostafa]

بسم الله الرحمن الرحيم
فكرتني يا عم ليه بس
كلمة (قومي ذاكري) دي مش بتتقال أصلاً
بالعكس دول عايزين يقوموني من عالمذاكره من غير سبب

لكن الكلمات اللي كتيره اوي

اخويا الحبيب
خدي بالك و انتي شايله ليلى -ليلى دي بنته- عشان لسه عضمها طري
سرحانه في مين يا قمر؟ اللي واخد عقلك يرجعه
و لما الموبايل يرن يقوم ماسكه و يقرا لي اسم اللي بيتصل (آل يعني مابعرفش أقرأ)
و يقولي "خدي يا بنتي فيه كائن غريب بيتصل بيكي"
دايماً كلمة كائن دي لازمه معاه ههههههههه
و بيعلق على لبسي مثلا يقولي
العبايه دي يا بوسي طويله عليكي شويه .. مش احسن توديها لعم محمد يقصرها؟
حلوه تسريحة شعرك دي بس مش تطلعي بيها في البلاكونه
و الحمد لله انه اتجوز علشان كنت بعمل له الأكل و الهدوم و كل حاجه

التاني بقى
بوسي معلش عايز الجهاز شويه
يووووه انا عايز اشوف الفيلم الأجنبي
الفيلم ده جه 1489841.22 مره (دايماً بيضرب رقم غريب كده ولا عمرك تسمعه)
فين المستره الحرف تي بتاعتييييي (حتى لو مش عايزها)
مش فاهم قاعده بتدحي و بتحفري ليه ما كل البنات اخرتهم في البيت
بتفكريني ببنت كانت عندي في السيكشن و طردتها و عارفه لما تدخلي الكليه هتنطردي هيه بقى

دول بالنسبه لاخواتي

اما ماما بقى
قومي يا بوسي اعملي لهم الأكل انا تعبانه النهارده
بوسيييي اصحي الساعه بقت 10 (بكون لسه داخله انام اصلي كائن ليلي) و طبعاً بتقولي كده بكل حنان
و وقت العشا دايماً جملتها الشهيره
(معلش يا بوسي انا نسيت العيش في التلاجه قومي هاتيه) دايماً بتنسااااه ههههههه
قومي من عالزفت ده بقى (يا الكتاب يا الكمبيوتر)
خليكي كده انتِ ساحله نفسك في الشغل و في الدراسه
اللي ياكل على ضرسه ينفع نفسه

و بابا بقى
دايماً كل لما يشوفني يقولي (انتِ مش هتكبري .. مش بتاكلي خالص .. و اوعي تاني مره تشتكي و تقولي لي يا بابا انا تعبانه ولا اسمع اني اغمى عليكي والله ما راح اعبرك)
(سيبي الشغل بقى انا مش فاهم مموته نفسك فيه ليه)

دول اكتر جمل بتستفزني بس طبعاً بضحك لما حد بيقولها لي عشان اداري بس هههههه

شكراً للموضوع و اسفه للرغي