خبر هام جدا

[semsama]

سوف تصرف ان شاء الله فلوس الكادر مع طلعة شمس شهر ديسمبر فعلى الجميع تصوير ورقه النجاح وارسالها لشئون العاملين بالإدارات والمدارس لعمل اللازم وشكرا

[محمد سعد صقر]

الله يبارك فيكي ياسمسمه
ياريت يصدقوا فى كلامهم

[shemogaber]

شكرا على المعلومة
والف مبروك للناجحين

[super_adam888]

اذا سمحتي يا سمسمة انا والدتي في شهر 9 اللي فات خرجت على المعاش وقامت باداء اختبارات الكادر ولما طلعت النتيجة الحمدة لله نجحت واجتازت جميع الاختبارات فهل يمكن ان يتم اضافة الكادر على المعاش ارجو الاجابة

وشكرا

[wms]

شكرا يا أبله سمسمه ولكن هل نحن اللى هنصور ونبعت ولا هتم بشكل تلقائى
منتظر ردك

[mohsen ghareeb]

كما عهدنا من وزارتنا إللى مافيش زيها

تصريحات اليوم تلغيها مش تصريحات الغد بل تصريحات الأمس!

ربنا يسمع منك ويغلطوا ويصدقوا فى كلامهم المرة دى!

ألف ألف مبروك لجميع الناجحين

[ashrafnassr]

المشاركة الأصلية كتبت بواسطة semsama

سوف تصرف ان شاء الله فلوس الكادر مع طلعة شمس شهر ديسمبر فعلى الجميع تصوير ورقه النجاح وارسالها لشئون العاملين بالإدارات والمدارس لعمل اللازم وشكرا

ما اظنش ان فيه داعى لكل ده لان النتيجه المعتمده هى الورقه اللى هتوصل للادارت يعنى الادارة حتكون نقطة البداية مش النهاية فى معرفة النتيجة الرسميه ماتنسوش ان احنا فى مصر يعنى الورق هوه الاساس
و النتيجة اللى عالنت دى مجرد سبوبه للموقع و الناس اللى عاملينه ولو كان عندهم ذرة تفكير المفروض يطبعوا النتيجة من قاعدة البيانات عشان تطلع متطابقة تماما للى موجود عالنت ولو ماعملوش كده ........... عادى احنا فى مصر السبوبة اولا و قبل كل شىء وبعد كل شىء كمان
وبعدين الصرف مع مرتب ديسمبر (ده فى احسن ظروف التفاؤل مع انها المفروض من يوليو بس كلها مصروفات)
يعنى الصرف مع مطلع شمس يناير ان شاء الله و غروب شمس ديسمبر

[صقر المنوفية]

أخوانى الناجحين على حسب القانون يجب الصرف من 1/7/ 2008 وهذا قانون الكادر الذى وقع علية الرئيس ومجلس الشعب
مادة(89)
يمنح شاغلو وظائف التعليم المشار إليها في المادة (70) من هذا القانون الموجودون بالخدمة في تاريخ العمل بهذا الباب أو الذين سيعينون مستقبلاً بدل معلم وقدره 50٪ من أساسي الأجر ، وتسرى عليهم العلاوة السنوية المقررة،وكل زيادة في الأجور تمنح للعاملين بالجهاز الإداري بالدولة ، وتتم ترقيتهم للدرجة المالية الأعلى وفقاً للأحكام المنصوص عليها بقانون نظام العاملين المدنيين بالدولة ،وتطبق عليهم الأحكام الأخرى الواردة بهذا الباب .
ويصدر قرار من وزير التربية والتعليم بتحديد الوظائف المقابلة لوظائف المعلمين الواردة بالجدول المرفق.
ويمنح شاغلو وظائف المعلمين المشار إليها في المادة (70) من هذا القانون وبقرار وزير التربية والتعليم طبقاً للفقرة السابقة بدل اعتماد بنسبة تتراوح ما بين 50٪ إلى 150٪ من الأجر الأساسي ، على النحو المبين بالجدول المرافق وذلك عند نقلهم من الوظائف المشار إليها في الفقرة الأولى من هذه المادة لشغل وظائف المعلمين بعد استيفائهم متطلبات الشغل والاعتماد المقررة لها ، مع احتفاظهم بصفة شخصية بالأجور التي يتقاضونها ولو تجاوزت نهاية الأجر المقررة للوظائف المنقولين إليها ، وبحيث يبدأ في التطبيق في موعد لا يتجاوز 1/7/2008

ويكون ترتيب الأقدمية بين المنقولين إلى وظيفة واحدة بحسب أوضاعهم السابقة فى حالة استيفائهم الشروط والمتطلبات في ذات التاريخ .
امتحان وامتحنا نجاح ونجحنا عايزين حقنا بقى

[أسامة أحمد عبدالله]

يا سمسمه اخوكى (اسامه ) سمسم معندوش مانع يصور الالنتيجة وانا كمان والأسرة الكريمه بس نصرف فى ديسمبر

[m_nagib_2010]

امتحان وامتحنا نجاح ونجحنا عايزين حقنا بقى

[ناصر الفخرانى]

مش عارف ليه مش مصدق إنهم هيصرفوا من ديسمبر ........

وخايف يقولوا الصرف مع السنة المالية الجديدة

أصل الجواب بيبان من عنوانه ( ظهور النتيجة متأخرة أكبر دليل ) .

عموماً يارب يصرفوا من أول أمبارح .... مش من أول ديسمبر ...

[leprince]

المشاركة الأصلية كتبت بواسطة ناصر الفخرانى

مش عارف ليه مش مصدق إنهم هيصرفوا من ديسمبر ........

وخايف يقولوا الصرف مع السنة المالية الجديدة

أصل الجواب بيبان من عنوانه ( ظهور النتيجة متأخرة أكبر دليل ) .

عموماً يارب يصرفوا من أول أمبارح .... مش من أول ديسمبر ...

والله يا ناصر انا خايف انا كمان

[تقا]

تموت الأسود فى الغابات جوعا ولحم الضأن يرمى للكلاب وذو جهل ينام على الحرير وذو علم ينام على التراب