ارجو من كل عضو الدخول ويقول راية بصراحة!!!!

[محمود الخطيب]

بسم الله الرحمن الرحيم

اولا بسلم على كل زملائي في المنتدي واعذروني لقلة مشاركاتي
حبيت اخد رايكم في موضوع مهم
هي حاجة حصلتلي في حياتي ومش عارف اخد فيها قرار


انا شربت سجاير من فترة قصيرة


طبعا في ناس منكم هتزعل وتقول اني لسة صغير على كدة مع العلم اني عندي 17 سنة

وناس هتاخدالموضوع عادي زي وجهة نظري باظبط
السؤال بقة

هل الموضوع فعلا كبير ولا هو طيش شباب وهيعدي ولا اية
ولو كملت فيها عادي ولا هخسر كتير

ارجو الرد واللي يرد يقول لية


والسلام عليكم ورحمة الله وبركاتة

[**Dina**]

طبعا الموضوع كبير ولو استمريت هتدمن السجايروطبعا معروفة ان السجاير مضرة جداااااااا بالصحة
يعنى هتخسر صحتك وفلوسك على الفاضى
وبعدين السجاير بتسبب مرض خطير زى سرطان الرئة ...........اللهم اكفينا شر الامراض

[mena1990]

اكيد هتخسر وهتخسر كتيييييييييييييييييييييير جدا
اولا:هتخسر رضى الله عليك لانها من المحرمات
ثانيا:هتخسر صحتك لانها بتسبب امراض خطيرة
جداااااااااااااااااااااااااااااااااااااااااااااا
ثالثا:هتخسر فلوسك على الفاضى وبما انك شاب
يبقى اكيد محتاج كل مليم عشان مستقبلك
واهم حاجه انك هتخسر سيطرتك على نفسك
لانك هتبقى قاعد تحت رحمه ماده قاتله
واللى هى بتدخل فى تصنيع السجائر
ارجوك اخى ان تمنعها وتعاهد الله انك لن تعود
لها مرة اخرى
فى رعايه الله

[E/GOGO]

اولا انا نفسى اسئلك
انت لية شربتها اصلايعنى عاوز تثبت حاجة ولا اية
ثانيا هتخسر فعلا كتير اوى لو استمريت فى شربها
انت لسة شباب حرام تضيع صحتك من دلوقتى
اتمنى ان يبعد عنها جميع شباب المسلمين

[bosy .. mostafa]

لو كملت هتخسر كتير
هتخسر اهلك , صحتك , قربك من ربنا
سيب السجاير قبل ما يحصل حاجات تندم عليها بعدين

[الضوء الشارد]

أنا عايز أنصحك نصيحة أخوية . رسولنا الكريم بيقول لا تزول قدم عبد حتى يسأل عن أربع عن عمره فيما أفناه وعن شبابه فيما أبلاه وعن ماله من أين أكتسبه وفيما أنفقه ... وأنت كده بتضيع مالك وشبابك وعمرك وممكن تتعرض للحساب من ربنا فأرجوك تبطل تدخينمن بدرى احسن مايبقى صعب عليك تبطله لما تكبر .
عايز أستفسر منك عن معلومة هو الوالد بيشرب سجاير ادامك . اذا كان كده يبقى ده سبب شربك السجاير . او سبب تانى الصديق السوء ارجوك تبعد عنه

[الشفق الباكي]

ياااااااااااااااه انت صريح اوى انك تقولنا ماعلينا من دى
اولا السجاير دى حاجه وحشه جدا وبعدين انا شخصيا اللى بشوفهم بيشربوا سجاير بينزلوا من نظرى والناس اعتقد كلها كده
على فكرة صدقنى انت بتعمل حاجه غلط اقولك ليه انت اعتقد تخاف تقول لاهلك حاجه زى كده يبقى دى حاجه غلط
وصدقتى كمان هيبقى شكلك وحش اوى قدام زمايلك يعنى السجاير دى لا رجوله ولا اى حاجه دى فاضى وقله عقل ومعلش لكل المدخنين بس دى الحقيقه
انا لما بشوف واحد زميلى بيدخن يعنى زمايلى دول لسه اولى جامعه بصراحه بزعل عليهم وبقرف من تصرفهم دا
يالا طولت عليك بس ياريت تكون فهمتنى وفهمت كل اللى ردوا عليك احنا كلنا اخواتك وعايزين مصلحتك بس صدقنى اللى انت عملتوا دا حاجه غلط ولو انت حاسس انها شكلها مش وحش خاف على صحتك