مواقــف من حياتنــا ..

[MoHaMeD ELsHeRbEnY]

السلام عليكم ورحمة الله وبركاتة

ازيكم يافضل اعضاء فى افضل منتدى

يارب تكونو بخير

لأن موضوعي اليوم يدور حول هذا المحور..لأننا دائما ما نتذكر الذكريات الرائعة ونسردها في كل مكان..ولكن ربما تكون لأوقات الشدة والمرارة والعذاب حلاوة بعد ذلك..فعندما نتذكر تلك الأوقات تنتابنا إبتسامة خفيفة..

على العموم طرأت على بالي هذي الفكرة.. أتمنى يكون في تفاعل مع هذة الفكرة..

الله يبعد عنكم وعنا الشر..ولكن ربما مرت على البعض حالات مرضية ..أو حالات كادت حياته أن تنتهي لولا العمرالمكتوب..أو حادثة ..أو فترة مرض صادتكم......الخ
خلونا نعيد شريط الذكريات..علشان نتحمد ليكم السلامة حتى لو متاخرة هههههه ونشوف مجرى حياتنا كان ازاى ؟..

طبعا المفروض انى انا انا الى ابدا ب انا مش هقل غير فى الاخر علشان الكل يقول الى حصل لة براحتة

على العموم في إنتظار ردودكم جميعا..ومع موقف ثاني مني ومنكم..
الموضوع دة عجبنى فى احدى المنتديات قلت لازم اجيبة لحبايب قلبى

"شاركونا ..

"ولكم مني أرق تحية"

[bosy .. mostafa]

بسم الله الرحمن الرحيم
هو انا حصلي موقفين واحد كان حادثة عربيه و التاني كان عمليه
خليني احكي العمليه بلاش الحادثه احسن تقولوا عني مجنونه ولا حاجه
انا كان جاي عليا فتره و جالي قيء دموي فكنت فاكره انه عادي مافيش حاجه و ماقلتش لحد خصوصاً اخويا لإنه دكتور جهاز هضمي و هيقلق بقى
المهم كنت في المدرسه و انا تعبانه كده فأغمى عليا و المديره طلبت بابا .. فبابا جه و معاه اخويا و ودوني المستشفى اللي هو شغال فيها
ففوقت من الإغماء ده و لقيت اهلي كلهم حواليا و اول واحد شوفته كان اخويا واقف ادام السرير .. فضحكت له بضعف كده و كنت بموت بجد و لقيت محاليل و حاجات عجيبه كده و بقيت اردد الشهادتين .. اي حد بيكلمني مش مركزه معاه قاعده بردد في الشهادتين ..
المهم جه احويا جنبي و سألني انتِ كنتِ بتعاني من ايه فرديت عليه بضعف و بكلام متقطع زي ما اكون في فيلم بجد يعني
المهم قولت له بصراحه انا كنت برجع دم و كده
اخويا اتصدم طبعاً و كل اللي حواليا اتصدموا و انا كنت حاسه اني بجد قربت اموت .. خلاص مش ينفع ان حد يعالجني ولا حتى اي ادويه ولا عمليات
المهم اخويا تاني يوم لما ردت ليا صحتي شويه عمل لي منظار و المنظار ده بجد عذااااااااب و بجد خلاني ارجع دم اكتر من اللي كنت برجعه طبيعي يعني
المهم طلع انه عندي قرحه في المعده و انا اهملتها عادي جداً .. و اضطريت اعمل عمليه و اخويا اللي عملها و بجد كنت بمووووووت ربنا مايوريها لحد العمليه دي لإنها بشعه
لما فوقت من البنج كنت بقول كلام غريب اخويا الوحيد اللي كان فاهم انا بقول ايه
و كنت بتشاهد برضو لإني حاسه انه روحي بتروح مني
و انصحكم بجد اوعوا حد يهمل اي حاجه زي دي
انا كنت فاكره اني زوري هو اللي متعور فنزل دم
هبل بعيد عنكم

شكراً يا عم قلبت علينا المواجع ههههه

[M.Sherif]

انا بئا كان زماني في العالم الاخر بتاع خمس ست مرات
منهم مرة جالي حفاف مع ان انا دلوقتي مليان
ومنهم مرة البوتاجاز كان والع وانا عندي تلات سنين وعليه حاجة فيها لمون سخن بالسكر مولع
رحت شادد اللمون وقع علي صدري اتحرقت حرق لسه ماثر فيا الي الان في الصدر تحت الرقبة مباشرة ولولا ساتر ربنا كان زماني مودع.... ومن كام يوم بالظبط في جسر السويس وانا بعدي الطريق فوجئت بعربية غاية في السرعة طلعت منين؟ انا والله لحد دلوقتي معرف مع ان الطريق شوفته بعنيا فاضي ...طب ربنا انقذني منها ازاي؟ اقسم بالله لحد دلوقتي ماعرف
انا جالي حالة اسبهلال وبس
تنحت ووقفت في مكاني بلا حركة من شدة سرعة العربية
لكن الحمد لله وسبحان الله العظيم
فعلا اذا اجتمع اهل الارض علي ان يضروك بشئ لن يضروك الا بشئ قد كتبه الله عليك

[MoHaMeD ELsHeRbEnY]

شكرا على الردود واتمنى ان ينال الموضوع اعجاب الجميع