أرجو دخول جميع المشرفين

[ayooosh]

المشاركة الأصلية كتبت بواسطة MohammeD.el_SadaT

بسم الله الرحمن الرحيم

السلام عليكم ورحمه الله وبركاته
وعليكم السلام ورحمة الله وبركاته

أنا كان ممكن أنزل الموضوع ده فى الركن الخاص بالإدارين بعيد عنكم لكن الموضوع خاص بيكم إنتم لذلك أنا قررت أكتبه هنه

الموضوع وبكل بساطه حال مشرفى الأقسام

وقبل ما أبدأ كلامى ياريت محدش يفهم كلامى كالعاده خطأ لأنى أنا هدفى التنبيه ليس أكتر


تعالو ندخل فى الموضوع

الركن العام


القسم ده يا جماعه تقريباً أكبر قسم عليه ضغط فى المنتدى عليه


3 مشرفين وهما

Mahmoud_taha, the black rose, mohamed nasser


لو بصينا على ال 3 مشرفين


هنلاقى إن تقريباً


Mahmoud_taha


و


mohamed nasser


نسبة دخولهم أصبحت معدومه الأول بسبب الدراسه والثانى بسبب ظروف سفره يعنى كده فيه 2 مشرفين نسبه دخولهم معدومه ولو دخلو مش هيلحقو يضبطو القسم لأن القسم بينزل فيه يومياً أكتر من 30 موضوع وبترحلو للصفح الخلفيه يعنى مش هيشوفوهم أصلاً

و


المشرفه التالته

the black rose


بجد ربنا يكون فى عونها لأنها فعلاً مش هتبقى على القسم 24 ساعه وخصوصاً إنها ثانويه عامه

وطبعاً يا جماعه أنا مش معنى كلامى إنى بقول إن Mahmoud_tahaو mohamed nasser مقصرين بالعكس الناس دى تعبه بجد وشالو القسم على أكتافهم لكن دولقتى فيه مشكله وعاوزين نتناقش مع بعض فيها عشان نوصل لحل

القسم الثانى

معلومات عامة

والقسم ده عليه 2 مشرفين وهو تقريباً زى الركن العام


والمشرفين اللى عليه


هما


mohamed nasser

و


farouk


ووضع المشرف mohamed nasser شرحناه قبل كده

أما بالنسبه لفاروق ففاروق عضو قدير وقديم معانا من زمان والكل بيشهد له لكن إنقطع فتره طويله جداااً عن المنتدى ووأنا ببحث فى الأقسام لقيته بقى مشرف على قسم عدد المشاركات اللى له فيه 2 مشاركه ومفيش ولا موضوع فأنا على ما أعتقد إن المفروض إن فيه ناس أحق منه

وده مجرد رأيى

القسم الثالث

خبر وتعليق


وده قسم ما شاء الله عليه بينزل فيه مواضيع أخبار كتير جداااً ومعظمها بيبقى من مصادر مش موثوقه وفيه لخبطه كتير ومع ذلك مفيش عليه مشرف


فياريت بردو اللى شايف حد متميز فيه يتفضل بذكر إسمه

القسم الرابع


حي على الفلاح

القسم ده عليه 2 مشرفين الاتنين ما شاء الله عليهم


وهما


شريف الخضري

و


بنوته مسلمه


لكن بنوته مسلمه شبه متقطعه يعنى يوم آه و10 لاء وده بردو بسبب دراستها

القسم الخامس


القرآن الكريم


والمشرفه الل عليه هيا


ayooosh

ومش لاقى ليها غير 7 موضوع فى القسم غير كده غير إن القسم تقريباً بقى شبه مهجور وأنا من وجهة نظرى ده تقصير من المشرف لأن المفروض المشرف ينزل كل ما هو جديد بإستمرار ويحاول يشجع الأعضاء يعمل مواضيع مسابقات ينشط المواضيع يتحرك فى القسم يجذب الأعضاء لكن مفيش حاجه من دى بتحصل خالص

بص انا هتكلم عن اللى هيخصنى انا الحمد الله متابعه القسم كويس وبدخله باستمرار وانا مش شايفه فيه اى تقصير لو حد شايف ممكن يقولى انا فعلا مش بكتب مواضيع فيه كتير بس الفتره اللى فاتت دى كان عندى ظروف خارجه عن ارادتى فياريت تسامحونى ع التقصير لو قصرت وان شاء الله انزل مواضيع جديده

القسم السادس

سيدنا محمد رسول الله

وده المشرفين اللى عليه هما نفسهم المشرفين اللى على قسم حي على الفلاح يعنى نفس المشكله وبيعانى من نفس مشكله قسم القرآن الكريم

القسم السابع


صوتيات ومرئيات


والقسم ده ما شاء الله ربنا يحفظها المشرفه السابقه فتاة الاسلام بجد ربنا يحفظها لكن هى حالياً تنحت عن الإشراف بعد ما مشيت بالقسم مشوار طويل فياريت تقترحو مشرف على القسم ده يكون بنفس الكفاءه عشان القسم ميفقدش مكانته

القسم الثامن

الشاب المسلم


القسم ده قسم مهم ورسالته جميله وهو عليه مشرف لسه متولى الإشراف جديد وربنا يوفقه ويقدر ينظمه


sai


لكن بردو القسم بيعانى من نفس مشكله قسم سيدنا محمد رسول الله و القرآن الكريم بحس إنهم أقسام شبه مهجوره

القسم التاسع

البنت المسلمة


القسم ده بجد أنا لما بدخله بحس إنه مثال جميل يجب أن يحتذى به لذلك حبيت أهنى مشرفه القسم


مروج البحر


ربنا يقدرها وتفضل على نفس المستور

وهنه تتلخص مشكله الأقسام الدينيه إن معظمها شبه مهجور وعاوز نشاط أكبر من كده بكتير وأنا عن نفسى بقترح رجوع " أحمد " المجاهد فى سبيل الله " كمشرف سوبر على جميع أقسام القسم وأى مشرف عنده أى إقتراح أى شخص كفىء يتفضل يقوله

القسم العاشر

الركن الأدبي

والقسم ده عليه المشرف


a.shawky

القسم الحادى عشر


أبداعات الأعضاء


والقسم ده عليه إتنين مشرفين


وهما


Drowns in a sea grief


و


نجم المشاعر

أنا بالنسبه للقسمين دول إحتكاكى بيهم بسيط جداااااً لكن أنا شايف إن تعين بندق__2007 مشرف سوبر على القسمين هيكون أفضل

القسم الثانى عشر

فلاسفة تحت التمرين


وده عليه إتنين مشرفين وهما


الرهينه


و


الاسطورة الحزينة


بيتهيألى إن المشرفهالرهينه مقصره جداااااااً فى حق القسم ده لكن " رامى " فبجد الاسطورة الحزينةالرجل المناسب فى المكان المناسب وهو أدرى واحد بالقسم ده لأنه مسكه قبل كده فتره طويله جداااً

القسم الثالث عشر

الركن الطبي

وده عليه الدكتور دكتور تامر المصرى والدكتور دكتور تامر المصرى طلب رفع إشرافه من فتره طويله جداااً ومع ذلك لسه مشرف على القسم يعنى حالياً المشرف من غير قسم ياريت إقتراح أحد الأعضاء ويفضل إنه يكون فى كليه طب

القسم الرابع عشر

التنمية البشرية

القسم ده بجد أنا حاسس إن فى مقدمه الأقسام المهجوره فى المنتدى والقسم ده عليه المشرفه


الرهينه

وبجد أنا حاسس إن كلمه مقصره شويه على القسم ده المفروض يكون فيه شغل أكبر من كده شويتين يا جهاد

القسم الخامس عشر


اهداءات ومناسبات وتعارف


والقسم ده عليه المشرفه


ayooosh


وهو تقريباً قسم معدوم المخالفات

اه الحمد الله معلوش اى مخالفات حاليا

القسم السادس عشر


ملفات مصرية

والقسم ده مفيش عليه مشرفين فياريت اللى شايف فى حد إنه يستحقه يتفضل يذكر إسمه

القسم السابع عشر


القضية العربية

وده عليه المشرفه أرق ملاك وهى على فكره طلبت رفع إشرافها من فتره طويله جداااً ومع ذلك لسه مشرفه على القسم

يعنى مشكله القسمين


ملفات مصرية و القضية العربية هى إنهم أقسام بدون مشرفين فاللى شايف حد جدير بيهم يتفضل بذكر إسمه

القسم الثامن عشر

اجتماعيات طالب

وده عليه الأستاذه القديره نداء الجنة وبجد هى أهل بالقسم ده ربنا يعنها عليه

القسم التاسع عشر


مكتبة البرامج


وطبعاً القسم ده عليه مشرف قدير جداااً وبجد نشاطه واضح جدااااً


وهو

General

القسم العشرين


موقع اعجبني

وده قسم بجد أنا كنت فى الأول مش مؤيده لأنى مكنتش عارف الغرض منه لكن بعد ما عرفت الغرض الأساسى منه فبجد أنا بأيده جدااااً

لكن المشرف اللى عليه

farouk


أنا بجد مش شايف له أى شغل فى القسم نهائى بالعكس اللى قائم بالشغل كله فى القسم ده المشرف السوبر


ell0rd

القسم الحادى والعشرين


الهواتف النقالة


فهو عليه المشرف السوبر ell0rd والقسم ده محتاج كمان مشرف عليه بعد تولى محمد إشراف سوبر على أقسام امجموعه بحالها

القسم الثانى والعشرون

ICDL

القسم ده بجد بيأدى دور مهم جدااااً وله فائده عظيمه لكن للأسف على ما أعتقد مفيش عليه مشرف لأن ell0rd كان فى الأساس مشرف شروحات الحاسب يعنى القسم يعتبر حالياً مفيش عليه مشرف مختص فياريت اللى شايف عضو مناسب للقسم يتفضل يقول إسمه

القسم الثالث والعشرون

شروحات الحاسب


وده عليه مشرف


وهو

محمود حسن عبدالعال


والأستاذ محمود لسه جديد على القسم وربنا يوفقه إن شاء الله

القسم الرابع والعشرون

الصور


وده بجد المشرفه " timon&bomba " تستحق كل تقدير على مجهود اللى بذته فيه

و

ربنا يوفق المشرف

Ahmed Salah


ويقدر يكمل معاها المسيره

وحالياً تتلخص مشاكل القسم ده فى التالى


ICDL و الهواتف النقالة و موقع اعجبني

محتاجين مشرفين وبما إن "

ell0rd " هو المشرف السوبر للأقسام السابقه فالبتالى هو أدرى واحد فينا بما يتسحق الإشراف على تلك الأقسام ومنتظرين ترشيحاته

لأنه محمد " ell0rd " بجد بيتعب جداااً بسبب نقس المشرفين على الأقسام اللى معاه

القسم الخامس والعشرون

جرس الفسحة


والقسم ده طبعاً مغلف وأنا أتمنى إننا ناخد هنه فى الموضوع ده بالأغلبيه قرار حاسم من حذف القسم أو إبقاؤه

وأنا أحب هنه إن أقول رأيى


وهو حذف جميع مواضيع القسم مع ترك المواضيع المفيده وهيتم ذلك عن طريق ال 3 مشرفين الموجودين على السقم


وهما

الرهينه


و


sweety girl


و


the black rose

القسم السادس والعشرون

ركن الأذكياء IQ


وده عليه المشرفه


Bossy Cat


لكن فيه نقطه مأخوذه عليها رغم إنها متواجده بإستمرار وهى إنها مبتحذف كثر من المواضيع المخالفه زى النكت وما إلى ذلك

القسم السابع والعشرون

الرياضة للجميع


والقسم ده عليه المشرف


Aco.khaled


وأنا من وجهة نظرى إن مشرف واحد على قسم زى ده مينفعش القسم ده محتاج على الأقل 2 مشرفين يكون واحد أهلاوى والتانى زملكاوى بما إن الشعب المصرى متقسم قسمين أهلى وزمالك عشان نتفادى الخلافات


القسم الثامن والعشرون


المطبخ


والمشرفه اللى عليه


هى


sweety girl


والقسم ده من وجهة نظرى مفيش فيه مخالفات


ده كان بالنسبه للأقسام والمشرفين اللى عليها بصفه عامه ودى أو نقطه فى الموضوع

أما بالنسبه للنقطه الثانيه

فأنا مش عارف إنتو واخدين بالكم منها ولا لاء عمتاً أنا هلفت نظركم ليها وهى

دى إسمها حجره الناظر


خاصه بالمشرفين يعنى لما موضوع بينطرح فيها مطلوب آراء أقل حاجه 70% من مشرفى الأقسام لكن اللى أنا شايفه إن النشاط بيقتصر على 3 ولا 4 مشرفين اللى بيشاركو وفى النهايه تقولو دكتاتوريه طب هو إنتو فين أصلاً ياريت كل مشرف ياخد باله من الجزئيه دى
فعلا شكرا ع التنبيه

النقطه الثالثه

وهى خاصه بالأقسام الخاصه بالكليات أنا شايف إن معظم الأقسام المشرفين اللى عليها بيتعبو جدااااً لأن الأقسام دى بيحصل فيها نوع من التسيب أكتر من باقى الأقسام لأن دول طلاب جامعه ومتعودين على الإختلاص يعنى تبادل رقم الموبيل عادى الإيميل أوك فبتحصل بعض التجاوزات قوانين المنتدى هنه بترفضها ولما يكون شخص واحد هو المسؤل عن قسم من دول فده فيه ظلم ليه لأنه بكده هيتعب ومش هيقدر يلبى كل الطلبات ولا ياخد باله من جميع المخالفات


لذلك أرجو تعين على الأقل 2 مشرف على كل قسم فيها بالإضافه للمشرف السوبر الموجود حالياً لكى يكون مسؤل عنهم وبكده هيستريحو وهنمضمن إن الأقسام دى ميحصلش فيها تجاوزات

ياريت والله عشان القسم الجامعات ده يتحسن بعيد عن اى مخالفات

و


فى النهايه


ياريت الكل يعرف إنى دى وجهة نظر شخص واحد وهو أنا يعنى وجهة نظرى إحتمال تصح فى بعض الأقسام لكن ممكن تخيب فى بعض الأقسام لذلك أرجو من الجميع إبداء رأيهم وبكل صراحه ووضوح لكى نتمكن من تصحيح الأوضاع بالكامل

شكرا ليك على التنبيه
ومجهودك الرائع
ولي عوده

[همس]

المشاركة الأصلية كتبت بواسطة ayooosh

ذلك أرجو تعين على الأقل 2 مشرف على كل قسم فيها بالإضافه للمشرف السوبر الموجود حالياً لكى يكون مسؤل عنهم وبكده هيستريحو وهنمضمن إن الأقسام دى ميحصلش فيها تجاوزات
ياريت والله عشان القسم الجامعات ده يتحسن بعيد عن اى مخالفات

ايه دا يا جماعة للدرجة دي قسم الجامعات وحش

ومحتاج مليون مشرف عشان يكون كويس ؟

يلا

الله المستعان