يوميات تجاري مطحون

[vampire1188]

احم احم ..

من يومين كنت بقول ان اولي (ز) مش هاتجيبها لبر ..

لكن النهارده انا بطلب منهم طلب وحيد .. انهم يدعوا ربنا انهم مايشيلوش ادارة !!!

انا اللي هاحكي عليه دا انا ماحضرتوش .. بس واحد صاحبي حضره وحكالي عليه

بيقولي دكتور هشام البحيري بتاع الادارة .. دخلهم وبيشرح عادي

ووسط الكلام وهوا بيكتب على البروجيكتور فيه كلمة كدا في النص كانت مش واضحة .. اللي هيا كلمة product

اظاهر ان القلم بتاع الماركر اللي بيكتب بيه كان طخين فا حرف ال u اتكتب a .. غصب عنه يعني ..

المهم قام واحد من الناس الاذكية جداااا اللي في المدرج قام باعتله ورقة وكاتب فيها الاتى >>>

اما انتا مابتعرفش تتكتب انجليزي بتكتب ليه ؟ .. فالح بس تيجي تتفزلك علينا وبس !!!!!!!!

عارفين ؟ .. اقسم برب العزة انا لو مكان الدكتور وربنا المعبود لاشيل المجموعة كلها المادة

ومافيش حد هايحول انتظام ..

اصلا سواء كدا او كدا .. الدكتور فعلا بجد بدأ يتخنق من اولي (ز) جامد جدا ..

عشان قلة الزوق معاه بقت كبيرة اوي !! ..

وصلت لدرجة ان العيال بيجروا وراه في العربية ويخبطوا عليها وهوا راكب جواها !!

عموما .. الدكتور مش هايعدي الموضوع بالساهل .. وهايجبلكوا امتحان نيلة .. وابقوا افتكروا كلامي !