اقتباس:
المهم انه قال ان العشرة الاوائل في المجموعة المميزة هو المسؤل عن توظيفهم (هيشغل اول اتنين معيدين في الكلية وال8 الباقين هيشغلهم في اكبر الشركات واول مرتب لا يقل عن 3000 جنيه مصري )
|
طب ماهو شئ طبيعي .. لإن اللي بيخش المجموعة المميزة اصلا بيبقي جايب جيد جدا .. فاللي هايطلع منها هايبقي من الاوائل على الكلية .. فاطبيعي لازم يشتغل في انضف حتة ..
وعلى فكرة اللي بيجيبوا امتيازات في مختلف الجامعات في مصر في تجارة .. ليهم الحق انهم يقدموا على وظايف البنك المركزي ودي معلومة جديدة انا سمعتها من دكتور حسن عبيد .. بس التوظيف ليها بيبقي عن طريق لجنة وامتحان وانترفيو وبلاوي زارقة !!
بالنسبة بقي ليومياتي العظيمة النهارده .. احب اقول ان كان يوم منيل والحمدلله !
كان عندي من اول الساعة 5 لغاية الساعة 8 بالليل .. ماقولكوش على كمية البشر اللي كانت جوا المدرج كان منظرها ايه !!!! .. من كتر الناس كان المدرج بيطلع صهد .. لا والناس كانت بتتخانق على على السلالم عشان تعرف تقعد عليها كمان ! .. المهم كان عندي محاضرتين .. انتاج و محاسبة .. والحمدلله ولا مادة فيهم فهمت فيها حاجة ..
قاعد عمال اكتب في حاجات غريبة .. في المحاسبة من حساب مش عارف ايه لحساب مش عارف ايه .. وسندات واسهم وصناديق اصدار وحسابات مؤسسين وحاجات غريبة ! .. وفي الانتاج ماشاء الله .. الدكتور طلقة .. بيتكلم بسرعة جدا وبيشرح اسرع .. يخلي اللي قدامه يقوم يضربه ! ..
اسوأ شعور.. ان الواحد ينزل من بيته مخصوص عشان يحضر محاضرتين وفي الاخر مايفهمش حاجة ..
14-10-2008, 10:43 PM
العرض المتطور
