سؤال لطلبة صيدلة عين شمس وارجو المساعدة

kemodvdkemo · #1 06-10-2008, 11:49 AM

انا طالب شهادات معادلة نتيجة التنسيق بتاعتنا بتتأخر شويه وبعدين ظهرت نتيجتي في محافظة وقدمت تحويل لصيدلة عين شمس وانشاء الله يتم قبولي ومعاد النتيجة غير معروف ويقال الاسبوع ده .....

مقدمة طويلة وملهاش لزمه معلش....

وسؤالي لو تم قبولي في الجامعه فهل سيكون فاتني الكثير لأنني عرفت ان في ادوات وكتب يتم حجزها في بداية العام وان جدول اعدادي نزل من فترة والسكاشن تقريبا بدأت وانهم قريبا هيخدوا عملي فممكن تقولولي ايه هيكون الحل لو تم قبولي في الجامعه وشكرا "واسف على الازعاج" .............

kemodvdkemo · #2 06-10-2008, 02:19 PM

ممكن حد يرد ويساعدني

kemodvdkemo · #3 07-10-2008, 01:47 PM

يا جماعة التحويل ظهر ورحت صيدلة عين شمس ممكن حد يرد يقول اي حاجة يا جماعة ممكن تفدوني كتير ومهما كانت معلومتك مش مهمة في رأيك او بسيطة هي مهمة ليا وكبيرة في نظري لان الواحد معندوش اي خلفية .....ارجو الرد

* dr.sara* · #4 07-10-2008, 05:55 PM

بص يا اخ كيمو احنا اخدنا عملى من اول اسبوع فى الدراسة سكشنين بوتانى
1-الميكروسكوب وتركيبه وكيفية اعدادد السلايد
2- rice and potato starch وشوفناهم تحت الميكرسكوب وعلرفنا شكل الحبوب بتاعتهم والكلام ده موجود فى كتاب البراكتيكال ممكن تشتريه من غرفة التحضير فى الدور التالت
وسكشن زولوجى (تكوين السكيليوتن للضفدعة ورسمناها ) وسكشنين ان اورجانيك كيمسترى
1- كروبونات وبيكربونات
2- سالفر جروب
انت ممكن تاخد كشكول اى حد وتنقل السكاشن دى بس المشكلة انك لازم تكون ارف تعملها عملى
فممكن تروح للدكتور او الدكتورة اللى بتديك وتطلب منها انها تشرحلك وهم دكاترة محترمين جداااااااا وهيساعدوك ان شاء الله
لكن المحاضرات هى اللى يعتبر اخدنا كتيير فيها

kemodvdkemo · #5 08-10-2008, 05:34 AM

كل ده في اسبوعين استنيت فيهم النتيجة .... شكرا يا دكتوره جدا وسؤال اخير ممكن بس توصفيلي مكان الجامعة لاني عرفت انها مش في الحرم الجامعي وانها مبنى مستقل خارج الجامعة وشكرا

* dr.sara* · #6 08-10-2008, 08:06 AM

بص هتنزل محطة منشية الصدر وبعدين تاخد ميكروباص للباب الاخير هتعدى الناحية التانية من الشارع ناحية مستشفى عين شمس التخصصى هتلاقى باب تبع الجامعة هتدخلا هتلاقى كلية تجارة وجنبها السن وهتلاقى فى الوش كده معهد الدراسات البيئية ادخل منه هيوصلك للكلية موجودة ورا المعهد ده

kemodvdkemo · #7 08-10-2008, 12:44 PM

شكرا جدا يا دكتوره ولو عندك اي معاومات لطلبة اعدادي من خلال خبرتك في الجامعة 3 اسابيع ( اقبل منكم بيوم في الجامعة يعرف عني بعشرين سنة في نظامها ) يبقى كتر خيرك اوي كده

* dr.sara* · #8 08-10-2008, 05:26 PM

بص يا اخ كيمو احنا عندنا 7 مواد فى اعدادى بس يعتبيروا 6 لان الانجلش مقرر تكميلى لا يضاف للمجموع
المواد هى :
1- in organic chemistry كيمياء غير عضوية ودى تبع قسم analytical chemistryوبتدينا دكتور لبنى وشرجها كويس اووووووى
واخدنا فى اول محاضرة نظرية بلانك وبور وماكسويل وقانون حساب طاقة اللى بيمتصها او بيبعثها الالكترون وحلينا مسائل عليها
وتانى محاضرة النظرية الذرية الحديثة واعداد الكم الاربعة ومسائل عليها
والمرة الجاية هنبدا فى الجدول الدورى
2-zoologyحيوان وده عبارة عن كورسين كورس فسيولوجى وبيديه دكتور محمد مصطفى وكورس اناتومى بيديه دكتور حمدى السيد ودول دكاترة جايين من كلية علوم المرة اللى قاتت اللى هى اول امبارح اخدنا مع دكتور محمد اول محاضرة فى الفسيولوجى وكانت سهلة وعن الكربوهيدات والسكريات الاحادية والثنائية والجلسرين وفوائدهم والكيميال فورمال بتاعهم وامثلة عليهم
3-botany نبات بناخد مع دكتور شيرويت اول محاضرة كانت مقدمة عن علم الفارماكوجونزى واهميته وتصنيف النباتات الطبية
واصل الدواء الحيوى والتجارى والجغرافى
والمحاضرة التانية عن زراعة النباتات الطبية واهميتها
4-terminologyمصطلحات طبية واخدنا فيه roots -prefix -suffix بيدينا كذا دكتور لحد دلوقتى دكتور امانى ادتنا محاضرتين ودكتور آسر
5-physicsواخدنا فيه قوانين الحركة والحركة الدائرية وبيدنا دكتور عاطف من علوم
6-math بيدينا دكتور رضا البرقوقى من هندسة بس لسه ما اخدناش حاجة غير مقدمة عن النهايات والدوال
اتمنى اكون افدتك

kemodvdkemo · #9 08-10-2008, 08:06 PM

طبعا اكيد وشكرا جدا انا بجد مش عارف اقولك ايه ربنا يكرمك كده وشكرا تاني