كرسى الاعتراف

[احمد رضا]

السلام عليكم
بعد متابعتى للموضوع فى الفترة الأخيرة بس ورجعت شوية لبعض الصفحات القديمة وبما أن اصلا الفكرة عاجبانى من البداية قلت اشارك ولو بسؤال وبما إن استاذ احمد رضا موجود يبقى ممكن نزود ونقول أكتر من سؤال خلينا نشوف الدماغ هتقول ايه _ دماغى أنا على فكره _

هههههههههه انا وانت واحد يااستاذ قباني

بص يا سيدى
1- إنت قلت إنك كنت موجود فى المنتدى فترة كبيرة قبل ما تبدأ تشارك فعلياً ..... ليه كنت بتكتفى بمجرد المشاهدة وامته قررت تبدأ تشارك ... وإيه انطباعك بالتفصيل عن المنتدى فى الفترة اللى كنت فيها مشاهد بس ؟
بالنسبه للجزء الأول من السؤال انا فعلا كنت موجود قبل ما أشارك فعليا ً وكنت مكتفي بالمشاهده لان انا مش من النوع اللي بيرمي نفسه في الحاجة قبل ما يعرف نظامها .. يعني طول عمري مقتنع بأن من عرف لغه قوم ٍ امن مكرهم .. انا كنت كدا بعرف لغه الموجودين وشخصياتهم عشان اقدر اتعامل معاهم

2- بالنسبة للشعر إيه نوع الموضوع اللى يشدك عنوانه وتدخله وتقرأه ولا مثلا بتقرأ لعضو معين بيعجبك أشعاره؟

العناوين الغير مستأنثه والعناوين اللي مشوفتهاش من قبل دي اللي تشدني حتي لو مضمون القصيده مش كويس او الخاطره او اي حاجة اديني استفدت تعبير جديد في معجمي اللغوي والبياني

3- إنت إيه رأيك فى صفحة ابداعات الأعضاء بالتحديد فى فترة المشاهدة فقط وحالياُ؟ وإيه رأيك فى شعراء المنتدى عموما أو رأى مجمل كده بدون تفاصيل لأسماء ولموضوعات؟

مش تمام نهائي وقبل ما اسيب الإشراف بفتره ( أثناء وجودي يعني ) كانت بردو مش تمام نهائي
كان فيه فتره الناس بتحاول تكتب فيها وتصلح وتظبط من نفسها لكن دلوقتي مش عارف ليه حاسس العكس

رأيي في الشعراء اللي هنا كلهم ماشاء الله مجتهدين وفيه اساتذه نقل وفيه اساتذه تعبيرات جديده وجميله وبما إننا مش هنذكر أسماء
فنكتفي بكلمتين دول

اعتقد ده كفايه دلوقتى مش عايز ارخم عليك؟

حبيبي انت تسأل براحتك
يعني معاك من سؤال لتلت اسئله
اوعي تتكسف