استفسار حاسبات و معلومات المنصوره

[bluestorm]

انا رحت الكليه اول يوم اخذت الجدول بتاع الفرقه الاولى و روحت و محدرتش المحاضرات لانى كل ما اسال حد يقولى المحاضرات هتبدا بعد العيد و فى ناس بتقول فى محاضرات قبل العيد فياريت حد يقولى لو فى محاضرات قبل العيد ولا لى اصل انا من طنطا

[mazen_eldeeb]

يا احمد كلمني على الايميل

ممنوع وضع اي ايملات على المنتدى

[Tawfeek Yahia]

سلام عليكم

ايوا فعلا احنا اخدنا محاضرات :: محاضرة رياضيات منفصله ومحاضرتين علوم الحاسب ومحاضرة اساسيات برمجه

بس عشان متقلقش كلو كلام هيتعاد تاني او لو مش هيتعاد هيتفهم في السكاشن ودا كلام الدكاتره

وربنا يوفــــــق الجميــــــع

[bluestorm]

يعنى المحاضرات كان كلامها صعب و لا يعنى اساسيات و كمان احنا لازم نحضر اليومين الباقين على العيد ولا ايه

[Eng*dody]

بسم الله الرحمن الرحيم

انا في كلية حاسبات ومعلومات جامعة المنصورة
الفرقة التانية واي حد عنده اي سؤال او اي استفسار عن الكلية انا
مستعده اجاوبكم علي كل سؤال

[mazen_eldeeb]

شكرااا ليكي جدا وكنت عايز اسأل سؤال في الفرقة الأولى انا مرحتش غير يوم واحد بس وهنتظم بعد العيد فهل هيكون حاجة فاتتني في الأول وشكرا ليكي تاني

[الاسطورة]

يا باشا ما تخافش خلاص مش فاضل غير بكرة بس الاثنين
والثلاثاء اجازة رسمية
وصدقنى مش فاتك حاجة
انا شخصيآ روحت ومش حضرت لان مافيش حاجة تستاهل يعنى
بالتوفيق باذن الله

[Eng*dody]

لا عادي جدا مفيش مشكلة انك مرحتش لان ان شاء الله المعيدين هيشرحولكوا كل حاجة تاني في السكاشن
ولازم تنتظم بعد العيد وتخلي بالك جدا من السكاشن وكمان المحاضرات
وكمان في الاول هيكون فيه لخبطه وانك مش فاهم حاجة بس ان شاء الله هتفهم ولازم تصبر شوية
والكلية سهلة جدا بس انته تحبها

[mazen_eldeeb]

شكرااااا ليكي جدا وكان ليا استفسار تاني بالنسبة للكتب هل بيبقى فيه حاجة نجبها ولا الدكتور بيقول عليها ولا ايه بالضبظ

[bluestorm]

شكرا لكم على الرد على بس كان ليا استفسار اخر هو احنا هنحضر كل المحاضرات المكتوبه ولا هو نظام مجموعات اصل انا لقيت مكتوبه جمب المحاضرات مج 1او2 الخ..... فاذا كانت مقسمه اعرف انا فى اى مجموعه ازاى اصل انا سافرت تانى بس معرفتش حاجه فممكن رد على