|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
|
|
#1
25-09-2008, 07:34 PM
|
||||
|
||||
اقتباس:
انا بقة مشكلتى اكبر فى الفيزيا بدأت من باب الكهربية وهو باب صعب عليا جدا بس هحاول يمكن أخد درس تانى او هحاول اذاكرها واقف ليها وقفة جامدة ومتخافيش كلنا عندنا الاحساس دة
__________________
You can only go as far as you push
 
|
|
#2
25-09-2008, 07:53 PM
|
||||
|
||||
|
انا بقى مشكلتى زيكو فى الفيزياء ساعات بتيجى مسائل ببقى بشد فى شعرى منها والى يجن بقى ان الاستاذ يدينا مسئله نفكر فيها ومش بعرف احلها ويقولنا دى جات 2008 ببقى هولع مش عارفه هو امتحان السنه الى فاتت كان كله كهربيه ولا ايه شكلى هاخد فى الماده دى درسين عشان انا قلقانه منها اوى وخايفه انقص فيها اوى وبرده خايفه اخد درس تانى يضيع وقتى مش عارفه بقى
 انا خلاص اتجننت يخربيت الثانويه وسنينها
|
|
#3
25-09-2008, 08:01 PM
|
||||
|
||||
|
اقتباس:
وانا كمان زيك بالظبط يعتبر جتلى عقدة من الفيزيا وانا عارفة انك بدأة من الكهربية زى انا ناوية اشوف مدرس تانى يلخصلى الفصل التاسع والعاشر ويحل معايا مسائل لان فعلا بالطريقة دى مش هينفع خالص والاستاذ بيدينا امتحانات معقدة ومبعرفش احل مسائل فانا شايفة ان من الاحسن روحى لمدرس كمان يحل معاكى مسائل وبجد انا خايفة من الفيزيا قوى ويارب اكون فدتك
__________________
You can only go as far as you push
|
|
#4
25-09-2008, 10:39 PM
|
||||
|
||||
|
اقتباس:
الفيزيا دي انا حاسه اني لو جبت فيها 10/50 يبقى انجاز عظيم بصراحه انا مش دخلت باب الكهربيه لسه .. و كله بيقولي انه باب تنح تناحه و مش سهل و عشان تفهمي حاجه لازم تقعدي تحلي 888814 مسأله من غير فهم و بعديهم هتبدأي تفهمي  النهارده بجد قاعده بحل في مسائل المنشور الثلاثي و الزاويه الحرجه انا حاسه إني انا و الكرسي اللي قاعده عليه واحد مش فاهمه حاجه .. قمة الجهل بجد مش فاهمه اي حاجه في اي حته  بصوا من الآخر كده اخر درس في الوحده الأولى واقع عندي وقعه منيله بنيله .. وبحاول ألمه مافيش فايده امال لما ادخل في الكهربيه شو راح اسوي !! مش بقولكم لو جبت 10/50 يبقى انجاز عظيم  حرااااام بجد ... انا قرفانه اوي و محبطه جداً و من كتر احباطي العظيم ده بقيت في الدرس النهارده قاعده مش فاهمه حاجه .. ولا عارفه استوعب اي حاجه لإن كل شي و مترتب عاللي قبليه !! و الحمد لله يعني المستر ادانا مسأله كل المجموعه حليتها ما عدا انا .. و كان موقفي زبااله و خرجت بعيط يعني .. مع ان المستر مش قالي حاجه .. بالعكس حاول يحفزني .. بس مش يعرف انه كان بينفخ في قربه مقطوعه .. انا هقرع قريب بسبب هالماده .. لإني بشد في شعري  == صحيح يا بنانيت عايزين نتعرف على بعض كل واحده تقول هي منين و جابت كام السنه اللي فاتت ونفسها تدخل ايه وربنا يحقق لنا كل اللي نفسنا فيه يارب .. بحبكم في الله 
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|
|
#5
26-09-2008, 01:32 AM
|
||||
|
||||
|
اقتباس:
|
|
#6
26-09-2008, 02:27 AM
|
||||
|
||||
|
اقتباس:
فتحت كتاب الإمتحان و حلفت لأحل الأسئله كلها و حطيت كل القوانين ادامي .. مش انكر اني ابتديت استوعب شويه بس مش بالدرجه اللي انا عايزاها و كان فيه متاهات كتيره .. حاسه اني بجد راح اجيب ملحق بهالماده تركيزي مش حاضر معايا خالص و المستر عامل لنا بعد العيد امتحان عالوحده دي .. و انا شكلي بجد راح اجيب فيه درجات بالسالب مش بالموجب !! == حاولي تروقي كده و قومي حلي بالراحه في الكتاب .. و استهدي بالله فهو حسبك ربنا معانا يارب
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|
|
#7
26-09-2008, 04:12 AM
|
||||
|
||||
|
ان شاء الله انا معاكو يا بنات وباذن الله نفيد بعض جامد فى المذاكرةومشاكلنا فى الثانوية الهم دى وانا على فكرة زيكو فى الفيزيا حاسة ان مهما الواحد يذاكر فيها مش بتخلص وبردك تطلعلو حاجات كتيييييييييييير مش عارفها
وعلى فكرة يابوسى انا جايبة زيك فى تانية والموضوع تحفة يا مروة شكرا ليكى
|
|
#8
26-09-2008, 05:33 AM
|
||||
|
||||
|
اقتباس:
المشكلة ان انا فى مجموعة مفيهاش غير 3 بنات وانا مبعرفش احل خالص وببقى فى وش المستر والله كل حصة بطلع مخنوقة واقعد اعيط فى الاوضة لوحدى لدرجة انى فكرت جديا فى الانتحار لان نفس المشكلة عندى فى الاحياء مش فاهمة فيها حاجة ومش عارفة احفظ والمستر نازل مراجعات انا والله امبارح كنت فى قمة الاحباط ولولا ان كان عندنا ضيوف ومقعدتش لوحدى كان زمانى عملت فى نفسى حاجة بس ربنا ستر المشكلة ان اساتذتى فاكرين ان العيب فى رمضان ووالصيام بس انا حاسة ان العيب منى لانى مش عارفة اركز ومش عارفة انظم وقتى وطبعا العربى من اول السنة ابيض اسفة للاطالة
__________________
الحمدلله والله اكبر و لا اله الا الله اتمنى اني مهما غبت عنكم تفضلوا فاكرني دايما
حسبي الله ونعم الوكيل عليكم باذكار الصباح والمساء واذكار المسلم اليومية تسلموا
|
|
#9
26-09-2008, 09:38 AM
|
||||
|
||||
|
رد
انا بقي جبت 96.6% ودخلت رياضه انا احب ادخل هندسه قسم حاسبات او كليه حاسبات ومعلومات
انا بردو كان عندي نفس المشكله مع مسائل الفصل الثالث ومكنتش عارفه اعمل فيها حاجه بس والله لما هديت وحليت شويه بدا الموضوع يوضح قدامي انا فعلا محلتش كتير بس انا اكتشفت ان الفصول اللي فيها مسائل وقوانين متتفهمش غير بالحل الكتير بجد الطريقه دي نفعت وانا ان شاء الله هحاول استمر عليها
__________________
اللهم اني ظلمت نفسي ظلما كثيرا ولا يغفر الذنوب الا انت فاغفر لي مغفرة من عندك وارحمني انك انت الغفور الرحيم
|
|
#10
26-09-2008, 01:06 PM
|
||||
|
||||
|
اقتباس:
تولع الثانوية بحالها الى تخليكى تفكرى كدة الدنيا مش مستهلة تعملى كدة ابدا استعيذى بالله واصبرى لبعد رمضان فى حاجات كتير هتتعدل
__________________
You can only go as far as you push
|
|
#11
30-09-2008, 11:42 PM
|
||||
|
||||
|
اقتباس:
واوعى تقولى كدة تانى مفيش اى حاجة تستاهل ان الانسان يؤذى نفسه عشانها وخصوصا بقى لو كانت الثانوية العامة تروح فى داهية بس احنا نطلع منها كويسين استغفرى ربنا واوعى تقولى كدة تانى وربنا يوفقنا كلنا يارب اه صحيح كل سنة وانتى طيبة العيد بكرة
|
|
#12
01-10-2008, 03:14 PM
|
||||
|
||||
|
اقتباس:
انا اضعف من ان انا ااذى نفسى بس انا بجد تعبت الفيزياء خنقانى والاحياء مموتانى اعمل معاهم ايه كل ما احفظ الاحياء بتتبخر لدرجة انى بدأت انسى الفهم واركز بس فى الحفظ لأن معظم مواد الثانوية عايزة حفظ وانا والله مبحبش الحفظ نهائى بس حاعمل ايه ربنا يستر وانت طيبة وبألف صحة وسلامة مع ان العيد النهاردة كان بايخ جدا مش عارفة ليه
__________________
الحمدلله والله اكبر و لا اله الا الله اتمنى اني مهما غبت عنكم تفضلوا فاكرني دايما
حسبي الله ونعم الوكيل عليكم باذكار الصباح والمساء واذكار المسلم اليومية تسلموا
|
|
#13
01-10-2008, 09:31 PM
|
||||
|
||||
|
اقتباس:
على فكرة انا كمان العيد كان بايخ عندى مش عرفة ليه كدة يمكن عشان حملين هم الثانوية 
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 11:58 PM.
