مش فاهم اى حاجة فى اى حاجة

أحمد2025 · #1 22-09-2008, 03:54 AM

ــ (( والسلام عليكم رحمة الله وبركاته )) ــ
أزيكم ياجماعة عاملين ايه وايه أخباركم يارب فى الجنة جميعا ان شاء الله

بصوا ياجماعة عايز اخد رأئيكم فى حاجة كده
انا المفروض انى فى حقوق انجليش دلوقتى
النهاردة بقى ياجماعة كان عندنا محاضرة INTRUDCTION
حضرت المحاضرة عادى ومفهمتش تقريبا نص المحاضرة علشان انا مش قد كده فى الإنجليش
خلصنا المحاضرة طلعنا استلمنا الكتب وكان فيهم كتابين واحد بتاع INTRUDCTION والتانى بتاع political system
أنا اخدت الكتابين ببص فيهم مش عارف أقرأ كلمة
زعلت بقى قوى وبقيت هعيط وانا راجع فى المترو
روحت البيت قرأت فى الكتب تانى حاولت وبحاول بس مش عارف بقى اعمل ايه
فى ناس بتقول ده بس علشان انت لسه فى اول الدراسة ومش متعود على دراسة الكلية وكده وبيقولوا ليه كمل فى انجليش
وناس بتقولى لا حول عربى قدام مش عارف تظبط نفس فيها وعصفور فى اليد خير من ألف على الشجرة
رأئيكم ايه بقى ياجماعة

والسلام عليكم ورحمة الله وبركاته
مع تحيات
أحمد2025

3amora · #2 22-09-2008, 06:15 AM

خد كورس وظبط نفسك مادام حقوق انجليش مستقبلها احلى من حقوق عربى ... وربنا يوفقك

حسن زغلول · #3 22-09-2008, 11:28 AM

يا عم احمد خليك حقوق عربى حقوق انجلش عوزة واحد امريكى من شكاهوا.......

bassbossa · #4 22-09-2008, 12:13 PM

حقوق انجلش مستقبلها احسن ومنهجها اخف من عربي
وبالتوفيق ان شاء الله

Tomorrow might not come · #5 22-09-2008, 01:24 PM

بص يا احمد الاول السلام عليكم ورحمة الله وبركاته

ثانيا : انت عندك حلين وده يتوقف على قدرتك وثقتك فى فدراتك ومعرفتك بيها

الحل الأول : انك تاخد كورس انجليش علشان تساير التعرفيهات والكلام والدراسة فى حقوق انجليش والله شايف نفسك هتقدر تستفيد وتتعلم الكورس بسرعة بحيث ان انت تلحف مثلا تبقى بيرفيكت قبل نص السنة الدراسية اوك خده شايف نفسك مش هتقدر وهيبقى مجهود فوق طاقتك يبقى اتجه للحل التانى والىل هو

الحل التانى : انك تحول حقوق عربى كده هيبقى كل حاجاة مغهومة ليك اللى مش مفهوم هيبقى تعريفات معينة ولما تذاكرها هتعرفها وبكده تبقى انت ضمنت مسقبلك ان شاء الله

لانك لو كملت فى حقوق انجلش وانت مش قادر عليها هيضيع مستقبلك بعد الشر فزى مانت بتقول عصفور فى اليد خير من الف على الشجرة وبعدين دى مش لعبة ده مستقبلك فانت اعد مع نفسك كده شوية ورتب حياتك وشوف انت ايه نظامك هتقدر على ايه واعمله

وربنا يوفقك

اخوك ::
// BeDoOoOoOOoOo / بهاء

Dr.ahmed91 · #6 22-09-2008, 02:59 PM

اكيد يا احمد كمل انجلش واتعب شوية في الاول

عندك انا اهو في صيدلة وكله انجليزي ومحدش فاهم حاجة

حاول تتعب دلوقتي وان شاء الله تستريح بعد كده

CoMMaNdo · #7 22-09-2008, 03:20 PM

طب اقولك ياحمد
هوا زى مقالك بهاء تاخد قرصات انجليش زياده
بس كمان المنهج الى بتاخده حاول تجيبه بالعربى وتفهمه
وهيبقى سهل انك تحفظه انجليش

أحمد2025 · #8 22-09-2008, 08:39 PM

بجد ياجماعة مش عارف أشكركم ازاى ع ردودكم
وان شاء الله اللى فيه الخير هيقدموا ربنا