بما انكم ازهر افيدونى

[mr.soliman]

أختى الكريمة
أنا مدرس لغة انجليزية وبدى دروس وعندى مجموعات ازهر وتربية وتعليم
ومستوى الطلبه الازهريين ممتاز واكتر من ممتاز خلى ابنك فى الازهر احسن
ثانيا لو شفتى مجموعات الازهر بنات ومجموعات التربية والتعليم بنات هتعرفى ان الازهر لا يعلى علية

وسيظل الازهر منارة العلم ومصنع الرجال فى كل العصور

[فرحان 2006]

السلام عليكم ورحمة الله
أنا أزهري من ابتدائي و حتى التخرج من كلية العلوم و أدخلت أبنائي الأزهر و الحمد لله خرجتهم منه لأنه أصبح غير زمان يعني مرار على الفاضي كتب المواد الشرعية رغي و جملتين بيتعادو طول الكتاب غير أيامي كنا بندرس كتب تراث و التنسيق في الثانوية تعجيز و بعدين زمان كان القرآن مش تراكمي يعني في الثانوية امتحنت في 3 أجزاء مقرر السنة لوحدها لكن دلوقتي في الثانوية مطلوب القرآن كله و على فكرة العيال ما بيحفظوش و بيغشوا حتى في القرآن و أخيرا مستعجلة على حسم الأمر ليه اصبري لما تشوفي استعداد وقابلية الطفل إن كان استعداده طيب و عنده ملكة الحفظ كويسة خسارة تخرجيه و إن كان بيحفظ بصعوبة ماتغلطيش و تضغطي عليه لغاية ما يكره القرآن والدين كله يمكنك التحويل لغاية الصف الثاني الإعدادي و عموما سنة رابعة يمكن أن تكون حاسمة للموقف كله لأنها بداية الصعوبة 10 أجزاء و تحريري إن تعثر خرجيه على طول و رأيي إن قدرات الطالب هي اللي تحكم البقاء في الأزهر أو التحويل.
و أتمنى من الأستاذ أيمن الوزير عدم التعقيب لأنه لا يجيد أسلوب الحوار الهادئ الذي يحترم الرأي الآخر لازم الناس كلها تؤمن بما يراه صحيحا و إلا ماسورة الهجوم و التجريح جاهزة للإنفجار