القلة المندسة البيان الاول

[COoL HEaRT]

المشاركة الأصلية كتبت بواسطة frankenstein

هههههههههههههههههه
احتمال برضه
واللي يعيش ياما يشوف

بس لو حبينا نتكلم بجد
اول 3 او اربع صفحات ف الركن العام
مفيش موضوع واحد منقول مفيد او ع الاقل مش مكرر

واحنا مقلناش حاجه احنا ضد ده وده اللى اتكلمنا عليه المواضيع التافه اللى بتحط
واللى بيحط 10 ولا 20 موضوع ولا ليهم اى لازمه
بس بردو متنكرش ان فى مواضيع منقوله مفيده
ولا حد يقدر ينكر ده
وبيجى هنا دور المشرف اللى مفروض يدولو صلاحيات حذف اى موضوع هو شايفه مش مناسب او مكرر
واللى استغربته النهارده ردود مشرف العام محمود طه ع مواضيع عضوه ماعلينا منها ومشفتش اى
رد فعل اتجاه المواضيع الكتير والمكرره او اللى مش موجوده مكانها
احنا بنحاول نغير للاحسن مش بنقول موت يا حمار لان طول مربنا موجود هيكون فيه امل ان شاء الله

ثانيا ودا الاهم
ايه الفايده م الموضوع المنقول
عقل مغلق هو عقل ميت

سبق ووضحت لحضرتك ان فى مواضيع مفيده منقوله ومش شايفه ان فى ضررمن النقل نهائى فى حاله ان اللى ينقل يتقى ربنا ويقول ويكون عارف هو جايب ايه مش اى حاجه لتزويد المشاركات والسلام
عقل مغلق هو عقل ميت
كويس اووى مهو الراجل بيقلك نحاول مش كل الناس بتعرف تكتب وياريت نراعى ده ..فدول بيدورو ع موضوع فادهم يقولوهولنا
مش شايفه ان عليهم اى غلطه فى كده

لما واحد ينقل موضوع مثلا عن التجربه اللوثرية ف القرن السابع عشر او مفهوم الدوله الثيوقراطية او حتي
انواع السلطه الخضرا
هو استفاد ايه غير شوية ردود بالشكر مفيش منها اي لزمه
لو صاحب الموضوع كتبه سواء كان باسلوب وحش او حلو
استفاد كفايه انه عرف الموضوع بيتكلم عن ايه
مش يبقي زي الحمار لو حد اتكلم ف حاجه والتاني يرد عليه اه معاك حق
واللي دخل الموضوع استفاد فعلا انه لقي نقاش كويس ف الموضوع
ملقهاش طبق رز بلبن
ماشي بردو هايجوا تقولو يع شوفوا مواضيع العام عامله ازاى لما حد يكتب حاجه من دماغه ومتعجبش حد
وطبق الرز باللبن هيكون موجود بردو ..لان مفيش حد عاجبه حاجه ...فى ناس كتير معندهاش الجراه انها تكتب موضوع وبعدين تلاقى رد سخيف فى النص لان احيانا الكلام ده بيجرح ناس وبيتاثرو بيه فاللى بيكتب موضوع بيكون عنده شروط تانيه اول حاجه ثقته بنفسه واللى مش هتلاقيها متوفره فى ناس كتير
يعنى لو واحد كتب موضوع وملقاش رد عليه مع العلم انه موضوع حلو شوف هياثر عليه ازاى فبيكون كل اللى بيعمله انه بيكتفى بالنقل والفرجه
واللى بيكتب موضوع نوعين يا حد واثق من نفسه يااما حد اهبل مش فاهم حاجه فبيجرب فينا

اذكر جمله للكاتب المصري محسن محمد .. عدم القدره ع السمع مضايقه وعدم القدره ع النقاش مأساه

اخر مره لو كنت موجود كان فى مناقشه كانت النهايه الحتميه ليها خناقه
والموضوع الكويس واللى بيناقش قضيه مثلا اسلاميه
خمسه سته يدخلوا يقلولك انت بتتكلم فى الدين ازاى حرام انت كده .......
يعنى محدش فاهم حاجه فى اى حاجه ..
ميعرفوش ان اللى ادالهم العقل ادالهم عشان يفكرو
لان الانسان مخير مش مسير انت اللى بتفكر انت اللى هتقرر

يالا مش مشكله

مـاشي ماعلينا ........افتكر ان كده الواحد خلص اللى عاوز يقوله فى انتظار رد الاداره

ورجاء صغير هو مين تانى فى الاداره غر استاذ عصام
حرام بجد هو كل حاجه هو اللى يعملها

يلا بلاش ادخل فى اللى مش يخصنى