بشرى عظيمة للساقطين في الكادر فقط

محمد عبد العظيم وسية · #1 31-08-2008, 02:18 AM

والله أنا فكرت في الرد على الطلاب والمدرسين والعائلة والأقارب وكل من حولي ......... بعد نتيجة الكادر
وماذا سأقول لهم ؟؟؟؟ إن ـ قدر الله ـ ورسبت ....

من هنا جاءت الفكرة

أقترح على إخواني الساقطين ـــــ ( إن شاء الله أنت مش منهم ما تخافش ) ــــــ أقترح هذا الاقتراح العبقري

...... من أول يوم في الدراسة تبدأ تفتح أنت نفسك موضوع امتحان الكادر دا أمام الطلاب بنوع من السخرية والفكاهة والكوميديا ، وتحوله لشبه مسرحية هزلية .........
........ وبالطريقة العبقرية دي ... هتقدر تستفرغ كل الأقوال والانفعالات عند الطلاب وساعتها هتقفل الموضوع بعد كده وتريح دماغك

وقبل نتيجة الكادر برضه اعمل نفس الموضوع وخد المسألة كلها بنوع من الاستخفاف واللامبالاه

الأسلوب دا ـ على فكرة ـ ناجح جدا ـ أنا شخصيا ـ غالبا باستخدمه في حياتي العادية .. يعني لو حسيت إن فيه حد هيمسك عليا فرصة أو هيتريق ــ أنا اللي ببدأ بالتريقة على نفسي بشكل جمالي وبيتقلب الموضوع فكاهي
وساعتها بقفل الباب على أي حد يفكر بعد كده أنه يتريق

وبحذرك .. لو ما استخدمش الأسلوب دا ....... وخد الموضوع على أعصابك وغضبت من الطلاب اللي هيتريقوا عليك

حاجة من تلاتة :
1ـ يا إما يجيلك جلطة وتروح فيها ، وتبقى الأستاذ المرحوم ــــــ شهيد الكادر .
2ـ يا إما ت*** كام طالب من الفصل بتاعك وتبقى الأستاذ المسجون ــــ مجرم الكادر .
3ـ يا إما صواميل دماغك تفك وتشتغل في مدرسة الأمراض النفسية والعصبية ، وتبقى الأستاذ المجنون ـــ ضحية الكادر ...

أرجو أن تعذروني أني استعملت العامية المصرية .. لأخفف وطأة الموضوع ، وخاصة أنه موجه للراسبين فقط ................ إن شاء الله أنت لست منهم ( مالك كده وشك اصفر ) ؟؟