رأيى فى الكادر والنتيجه

[fawzyramdan]

السلام عليكم ورحمة الله وبركاته
كل عام وأنتم بخير بمناسبة حلول شهر رمضان الكريم
بعد الشكر لجميع الأعضاء والمشرفين إنى أحبكم فى الله جزى الله خيرا كل من ساهم فى المساعده لزملائه
رأيى ياجماعه بعد نتيجه الكادر اللى هاينجح مش عارف هو نجح ليه واللى مش هاينجح نفس الكلام لأن فى أسئله تم إجابتها بالحظ ولو مجاوب صح الصح مين اللى ها يخليك تشوف ورقتك تانى ولا تفتكر 100 سؤال وأجابتهم ها يسمعوا كلام مين ولا مين يعنى من الأخر الموضوع منتهى وكل واحد هايرضى بالنتيجه اللى هاتطلع بمزاجه وبمزاجه برده .
ماحدث :
بالنسبه للعربى للجميع أسئله تعجيزيه ( تتويهيه) يعنى لو مركز ومذاكر تتوه مع الأختيارات الحلوه اللى جايبها الناس اللى بتأخذ فلوس علشان تقرفنا . مدرسين العربى نفسهم بيختلفوا على إجابه بعض الأسئله مع احترامى أولا واخيرا لجميع الأخوه الزملاء فى كل التخصصات
وبالنسبه للتربوى أسئله غريبه ومش عارف هو عاوز ايه وعاوز يوصل ل أيه
بالنسبه لمادة التخصص انا مدرس حاسب ألى اعدادى وبالنسبه للأسئله اللى كانت على المنتديات انا كنت منزلها من فتره وهى تخص المملكه العربيه السعوديه بس في ناس استغلت هذا الموضوع ووضعت عليها بادج وزارة التربيه والتعليم المصريه واللى مش عارف وبيع وكسبو مكاسب على حساب المدرسين اللى وزارتهم(وزارتنا جميعا) مش عامله لهم منهج أو مرجع أو دورة تدربيه أو دوره تأهيليه وسيباهم يخمنوا الأسئله لحد أول يوم أمتحان ويشوفوا المفاجأه الكبرى وحسبنا الله ونعم الوكيل
يوم امتحان الحاسب الألى دخل الأمتحان مدرسي الأعدادى ومدرسين الثانوى وأخصائيين التكنولوجيا والموجهين وكل اللى ذكرته امتحان واحد ولجنه واحده مع اختلاف ترتيب الأسئله مش فاهم ازى !!!!!!!!!وازاى المعلم إمتحانه يكون نفس امتحان المعلم أول والمعلم أول أ وكبير المعلمين
كمان الأسئله فى مادة التخصص المفروض يمتحنك فىالمنهج اللى بتدرسه علشان يعرف كفائتك ومستواك ولو عاوز تترقى يمتحنك فى حاجه أكبر فى المستوى وهكذا
ومن ضمن المهازل انه يعمل رقم جلوس لواحد مأخذش المرحله الأولى من الكادر ولا قدم استماره علشان المفروض تروح الأكاديميه اللى مش عارف مكانها فين واللى يعرف يقولى علشان نعمل رحله ليها أجازة نصف العام
كلام من الأخر وأنا أسف للأطاله بس انا بتكلم مع أخوانى
هذه الأمتحانات ليست مقياسا صحيحا لقياس كفاءة المدرس والمدرس سوف تظل مكانته عاليه رغم أنف هؤلاء وكمان المدرس سو ف يؤدى الواجب والرساله اللى عليه بعيدا عن الماديات والكادر