حملة.. " حجاب المرأة المسلمة " متجدد !!

[COoL HEaRT]

المشاركة الأصلية كتبت بواسطة emoo

بالنسبه لحتة الخمر انا معاكى فيها
بس فى نقطه
الخمر حرام حرام و ميختلفش عليها اتنين
بس النقاب عليه اختلاف
و فيه اراء
زى الحديث اللى قلتى عليه
فى ايات او احاديث بتبين انه فرض
و الخلاف رحمه
صحيح مفيش شك انه الاحسن للبنت
بس برده مش بيتاخد زى الخمر لان الخمر حرام و كل الناس متفقه على كده
بس انا كان قصدى اضربلك المثل ده عشان حاجه تانيه
ابينلك ان على حسب الحاله الدينيه اللى عند الشخص
انتى بتكلميه على اساسها
يعنى اما قلت فى الاول منزلش ايه تحرم الخمر صرف
عشان لسه الناس مكنتش تقدر تتقبل ده
برده واحده مش محجبه او حجابها مش حلو
مينفعش نكلمها عن النقاب لسه
سواء النقاب فرض او سنه
هوا الاحسن للبنت
و بتاخد عليه ثواب
محدش فرضه عليكى
او يفرض عليكى حاجه فيها اختلاف
رغم انى اميل للرأى اللى بيقول انه واجب فى زمن الفتنه
بس هيا اللى نزل الموضوع الاول
كان بيتكلم بالادله اللى بتأكد انه فرض
و الادله صح و فى علماء اتفقو عليها
انتى ممكن تاخدى باراء العلماء اللى قالو سنه برده
بس كده
فهمتى قصدى؟

تانى لا دى تالت مره تقولها والله فاهمه ... بس موضوع زمن الفتنه اللى انت بتقول عليه مش فاهمه الصراحه ايه المقصود؟؟
ايامنا دى مش بتفرق تكون محجب او غيره انت اكيد شفت اللى بيحصل فى الشارع
لا المنقبه مرحومه ولا غيرها مرحوم
وفى حاجه انت عارف اللى بيحصل من موضوع النقاب كام بنت اتخطفت وكام وحدها اتازت بسبب الموضوع ده
هتقولى العيب مش فى النقاب
طيب اوكيه ...انا مقلتش حاجه بس احنا فى واقع مش كلام اشعار وان البلد زى الفل
ممكن اى واحد معندوش ضمير يستخدمه بطريقه وحشه
يبقى زمن الفتنه بيفرض علينا عدم ارتدائه لغايه مالناس تنضف وحلها بقى عبال مينضفو
انت عارف النقاب انك بتتعامل مع حد مش عارفه وسيبك من ده كله
الكليات مثلا
واحده فى اعلام تتنقب
مش بقول انها تروح بالكت والمينى جيب
بس كفايه حجاب محترم
يعنى فى ظروف حياتيه بتفرض كده
هتقولى طبعا مفيش حاجه فى الدنيا تفرض علينا ان نعصى ربنا
هو ده اللى عاوزه اوصله
ان عدم ارتدائه مش معصيه للمولى
الدين يسر مش عسر
وعشان زمن الفتنه ده
انا من رايي انه ميتلبسش
واللى خايفه ع نفسها ممكن تعد فى البيت لانها مش هتسلم من اذى بيه او بغيره
الدنيا معدتش حلوه يا ايمن الناس اتغيرت
وصعب انك تامن لحد انت شايفه
مبالك حد مش شايفه
واحد قتل وراح لبس نقاب ومشي بينا ولا كانه عمل حاجه
مش هتقدر تقله اقلعى النقاب اصلك ممكن تكونى المجرم اللى بندور عليه
يعنى والامثله اكتر من كده
بس انا مش عاوزه اقول حاجه لان انت والكل عارف اللى بيحصل كويس جداا
مكنش نفسي اقول الكلام ده
واعرفوا انى مش بعيب النقاب انا بعيب اللى بيحصل بسبب ناس اساؤا استخدامه
وشكرا .............