|
||||||
| الأدب العربي قسم يختص بنشر ما يكتبه كبار الشعراء والأدباء قديمًا وحديثًا |
 |
|
|
أدوات الموضوع | انواع عرض الموضوع |
|
#1
21-08-2008, 07:47 PM
|
||||
|
||||
أنا نملة واقعة في راغوة صابون
أنا نملة واقعة في رغوة الصابون قاعد أرَفَّس هل أكون أو لا أكون مجنون لا في تحتي أرض اسند عليها و لا ف إيديا حاجة أمسك فيها أصرخ الحقوني يا ناس ح أموت ،نَفَسي اتقطَع و لا حدَّ حاسس بيّا ،ملغي من الحساب و كأن ربّي حطّني ع الأبجدية سكون ما أنا نملة واقعة في رغوة الصابون * * * و الرغوة من حَوَالَياَّ كبرت زي مارد لسه سايب قمقمه للتو واقف يطقطق ضهره و يشمّ الهوا رِجلُه أمامي و راسه فوق في الجَو بيبُص لي كده باحتقار و أنا في الكرامة مفيش هزار أنا قلت أزعق فيه فتحصل معجزة يمكن إلهي يسخطه مثلاً أو انه يختفي ،و ما هوش بعيد على ربنا ،تبقى تراجيديا تتقلب كرتون ما حصلش طبعاً للأسف و فضلت نملة ف رغوة الصابون * * * نفش الصابون أصبح ميدان تحرير و من الرغاوي وقف مجمّع و البشر طوابير إشارات مرور زحمة و زفّة ماشية بالزمامير باليل تلاقي الإعلانات وَيّا المثقف قايمة بالتنوير و الحُكم للون الرمادي المنتخب بالإختيار الحر للجماهير جماهير إذا ما شفتها لما تقوم الصبح من نومها و تسعى لشغلها دقَّق على الكفين و في الرجلين تلاقي مطرح المسامير يا ميدان سخيف كما حصة التعبير يا ساطور مخيف فوق البشر مسنون أمرك و أمري يهون ما أنا في النهاية نملة و انت رغوة الصابون * * * نَفَش الصابون أصبح بلاد عربية مصحف شهيد رايح يرُدّ الضيم عن أرض العرب مصحف ذهب بيمرجحه صدر البنيَّة ف سلسلة دهبية يا بلاد عجب هزيمتها قطعة عفش جُوا كل بيت أساسية زي الستاير و الكَنَب ،أمة رغاوي بس أحزانها حديد مَلوِي و متزخرف كأبواب القصور و الموت يهاتي مشغّلينه مسحراتي يلف ف كل الشهور مش بس شهر الصوم إصحوا بقى من النوم أو نامي نامي للأبد يا عيون يا أمة ساكن فيها لكن بيها أنا مسكون أمرك و أمري يهون ما أنا في النهاية نملة و انتي رغوة الصابون * * * نَفَش الصابون بقى هوَّ هوَّ الكُون إطلع على القمر الصناعي و شوف تلاقيها ورطة و كلّنا فيها و ما لكش مهرب منها غير ليها ما تشوفش من حواليها إلا سواد و خلطة من العدم و الخوف نقطة و طايرة في الهوا يا نعيش سوا يا نموت سوا كوكب لوحده قوي كأنه طفل تاه من أهله أو مخطوف إنزل من القمر الصناعي و شوف شوف بهلوان وشّه سبع ألوان عمل سلطان قعد ع العرش يحكم عليك، تضحك تقول ده هزار و تُدرك لما يبقى الدم منك للركب ،إنه ما بيهزرش شوف الأمل يوجع كما الروماتيزم في العضم العجوز ،شوف بحر مالح لو تعوز تشرب و لو تشرب تعوز يا سيرك يا للي اسمه اصطلاحاً كون يا ضخم يا زغَنّون أمرك و أمري يهون ما أنا في النهاية نملة و أنت رغوة الصابون * * * نَفَش الصابون بقى موت جاي لي بيجري فاتح الأحضان أهلاً و سهلاً يا حَنون إنشلني من دي الورطة و ابقالك أنا ممنون ما تخافش من دِيّة و لا من تار ده أنا و الله قليل العون خدني و أمري يهون ،ما أنا في النهاية نملة و انت ،حتى انت رغوة صابون 
|
|
#2
21-08-2008, 07:53 PM
|
||||
|
||||
موضوع جميل اوى يا سارة
بس خدى بالك لو انا ما دخلتش الموقع تانى ح تعرفى ان اتمسكت لما رديت على موضوعك  ولا صحيح ما انتى حتكونى ممسوكة معايا :D:D:D
__________________
تمنيت أن أسجد لله سجدة لا أنهض بعدها أبدا" إلا لأرى ربى  اقتباس:
لو دخلتوا الجنة ومالقتونيش ... إسألوا على واشفعولى عند ربى
آخر تعديل بواسطة الاستاذ محمد سرور ، 22-08-2008 الساعة 12:36 AM
|
|
#3
21-08-2008, 08:20 PM
|
||||
|
||||
|
جميل جدا
الف شكر
|
|
#4
21-08-2008, 08:27 PM
|
||||
|
||||
|
جميل اوى تسلمى
__________________
اذا اردت شيئا بشده فاطلق سراحه فان عاد اليك فهو ملك لك الى الابد وان لم يعد فهو لم يكن ملك لك من البدايه
|
|
#5
21-08-2008, 09:21 PM
|
||||
|
||||
|
والله موضوع زى السكر مشكوره يا قمر عليه وعاوزه اشوف مواضيع فى نفس مستوى التميز
|
|
#8
22-08-2008, 05:55 PM
|
||||
|
||||
|
خلاص انا ممكن اكتب مواضيع من دى تانى بس على ضمنتكم انتم ومتخفش يا مستر محمد انا مش هجيب سرتك خالص
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:19 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
