حريق فى مجلس الشورى مستنين ايه تانى

[ronyy]

لا اله الا الله
بجد ده اهمال فظيع
شكرا على الموضوع

[Cray_Bird91]

المشاركة الأصلية كتبت بواسطة ronyy

لا اله الا الله

محمد رسول الله


بجد ده اهمال فظيع

قصدك على الحكومة ولا الحربق ولا النظام فى مصر ولا ايه؟؟


شكرا على الموضوع

على ايه قريب حتكونى معايا فى المعتقل

[msamido]

المشاركة الأصلية كتبت بواسطة MoonLife

مش عارفة والله ارد على كلام حضرتك

ممكن اكون فعلا بحلم كثير انى نفسي اشوف البلد دى زى زمان

بس والله اللى بيصعب عليا الناس الكويسة اللى لسة فيها الخير جواها ونفسها تعمل حاجة والحكومة تعذبها باسلوبها الوحشى ده

يكفى يوم الاضراب

بجد حسيت ان اهل المحلة هم اجدع ناس

وصبروا وشوفت المنظر

وبقيت المدن مستخبية ورا الشيش وخايفة تنزل

وزى ما قلت لترافيل حاجات كثير متراكمة ولسة بتتراكم

لا والله حضرتك مطولتش ولا حاجة

نورت الموضوع بالولاعة:D

تتشرف فى اى وقت

اللى حصل فى المحلة يا ندى ده كان سورى يعنى قلة ادب ووقاحة وشعب جاهل ومتخلف أولا اضراب المحلة كان معمول مخصوص علشان عمال شركة الغزل وعمال شركة الغزل من أول لحظة قالوا احنا معملناش اضراب ولا حاجه واحنا موجودين فى شغلنا
لو شفتى بجد اللى حصل فى المحلة مكنتيش قولتى كده لان اللى حصل هو مجرد تدمير وتخريب لمصالح ناس ملهاش ذنب وملهاش اي علاقة بالحكومة لما يكسروا محلات الناس ويولعوا فى عربياتهم تبقى دى جدعنة
اقولك على حاجه احنا اصلا شعب لا يملك ثقافة الإضراب..

المشاركة الأصلية كتبت بواسطة MoonLife

يبقى حضرتك كنت ناوى تولع فى مصر قبل ما تولع فى اسرائيل

لو بإيدى أولع فى الاتنين مع بعض فى نفس ذات الوقت

بس نصيحة بلاش والنبي عشان من حلف بغير الله فقد كفر

حاضر انا كنت ناوى اغيرها بس كذا مره بنسى

المشاركة الأصلية كتبت بواسطة MoonLife

على ايه قريب حتكونى معايا فى المعتقل

ياريت تحجزولى مكان فى المعتقل الرجالى اللى جنبكم

[Cray_Bird91]

المشاركة الأصلية كتبت بواسطة msamido

[/CENTER]

اللى حصل فى المحلة يا ندى ده كان سورى يعنى قلة ادب ووقاحة وشعب جاهل ومتخلف أولا اضراب المحلة كان معمول مخصوص علشان عمال شركة الغزل وعمال شركة الغزل من أول لحظة قالوا احنا معملناش اضراب ولا حاجه واحنا موجودين فى شغلنا
لو شفتى بجد اللى حصل فى المحلة مكنتيش قولتى كده لان اللى حصل هو مجرد تدمير وتخريب لمصالح ناس ملهاش ذنب وملهاش اي علاقة بالحكومة لما يكسروا محلات الناس ويولعوا فى عربياتهم تبقى دى جدعنة
اقولك على حاجه احنا اصلا شعب لا يملك ثقافة الإضراب..

بصراحة ممكن يكون كلام حضرتك صح لانى بعيدة عن المحلة

بس معتقدش ان اهل المحلة حيخربوا بلدهم وينهبوا بيوتهم

يوم لما شوفت الاخبار لقيت الحكومة والعساكر بتضرب فى الناس والشباب وحرايق فى كل مكان والناس كانت

بتدافع عن نفسيها قدام الحكومة

ولما سمعت ان فى ناس بتولع فى عربياتهم معتقدين ان الحكومة حتديلهم حقهم

بس حصل العكس

ماهو كل حاجة بقت بالضرب دلوقتى

واقرب مثال بشوفه قدام عينى الازالة

لما يكون فى ناس عاوزة تكسب بالحلال والحكومة مش مخصصة مكان للناس دى يبقى ملهامش غير الرصيف والكشك

حيعملوا ايه غير كدة

والعساكر جاية وتاخد البضاعة بالعنف وتقبض على البياعين والباقى بيهربوا

يبقى ساعتها الناس حتتصرف ازاى؟

ياريت تحجزولى مكان فى المعتقل الرجالى اللى جنبكم

المكان محجوز لحضرتك تتشرف وتنور المعتقل