دردشة الاهلاوية

[karmin]

مكن يكون هزا المكان خاص بدردشة الاهلاوية :D

[الضوء الشارد]

شفتوا الماتش انهاردة الأهلى ماكانش حلو لكن اللى غاظنى المدرباللى اسمه حسام الى شتم الحكم وبعد الماتش يقولك مش عاجبه الجمهور لكن الأهلى لم يكن فى الفورمة

[Golden Eagle]

صح الأهلي كان وحش خالص يمكن أحسن واحد لعب هو أمير عبد الحميد
شادي محمد كل ما ياخد كورة يرجعها لأمير
وائل جمعة بيلعب علي جسم اللاعب و يسيب الكورة
هوا الحكم غلط برضة كام غلطه بس حتي لو كان إحتسبها ما كانتش هاتصلح النتيجة
أبو تريكة و أحمد حسن كان عليهم مراقبة لصيقة
فلافيو مل لعبش في الماتش غير كورة واحدة علي الجون
جيلبرتو ما رفعش غير كورة واحدة أو إتنين

بس أنا متهيألي أن بتوع المصري كانوا بيلعبوا بخشونة زيادة علي اللازم
أما حسام حسن ده مدرب ممتاز خلي الفرقة كلها تتخلق بأخلاقة
بس بني آدم أقل حاجة أقولها أنه غير محترم و اللي بيعرف يترجم الشفايف هايشوف
" يا حكم يا ...... ( كلمة علي وزن أحول بس إلعب أنت في الحروف و هاتطلع شتيمة ) "
و تحس أنه أصلا ً شغال سباك مالوش ف أخلاق الكورة
و طبعا ً الموضة اليومين دول كل ما مصيبة تحصل يبقي جمهور الأهلي هو السبب

[karmin]

انا بقول يا جماعة يوم ليك ويوم عليك و الاهلى كان وحش امبارح ما علينا هو ان نتكلم فى الى جاى ولا ايه رايكم

[كركركوكو]

هرد لك للأهلي
ومبروك للمصري البورسعيدي

[karmin]

احلى رد عجبنى هو رد كركر كوكو دا غير ان الهلى لسا ادامه الفرصة انشاء الله ولا ايه

[karmin]

اسفه اصدى الاهلى

[Golden Eagle]

المشاركة الأصلية كتبت بواسطة karmin

انا بقول يا جماعة يوم ليك ويوم عليك و الاهلى كان وحش امبارح ما علينا هو ان نتكلم فى الى جاى ولا ايه رايكم

طبعا ً و أنا عايز أقول حاجة
أنا بصراحة متفاجئ أن ما فيش موضوع عمله أي زمالكاوي يشمت في الأهلي فيه و أحب أحيي كل الزمالكاوية اللي الظاهر أنهم هيتخلقوا بروح رياضية

[karmin]

عندك حق تحية جمدة للزاملكاوية

المشاركة الأصلية كتبت بواسطة Golden Eagle

طبعا ً و أنا عايز أقول حاجة
أنا بصراحة متفاجئ أن ما فيش موضوع عمله أي زمالكاوي يشمت في الأهلي فيه و أحب أحيي كل الزمالكاوية اللي الظاهر أنهم هيتخلقوا بروح رياضية

[sahoorra]

الموضوع ده فكرته جامدة
اما الماتش فانا مشوفتش الماتش كله
بس شفت قمة الادب ولاخلاق اللى كان عليها
الكابتن الخلوق حسام حسن هو واخوه
وبصراحة مكانش يستحق يلعب لا للاهلى ولا الزمالك
ولا حتى يدرب المصرى
اما الاهلى ففعلن الله يكون فى عون اللعيبة
باين عليهم الارهق دول حتى معرفوش يشوطوا كورة صح

[كركركوكو]

المشاركة الأصلية كتبت بواسطة karmin

احلى رد عجبنى هو رد كركر كوكو دا غير ان الهلى لسا ادامه الفرصة انشاء الله ولا ايه

جزاكم الله كل الخير
لكم مني كل التقدير والاحترام

المشاركة الأصلية كتبت بواسطة Golden Eagle

طبعا ً و أنا عايز أقول حاجة
أنا بصراحة متفاجئ أن ما فيش موضوع عمله أي زمالكاوي يشمت في الأهلي فيه و أحب أحيي كل الزمالكاوية اللي الظاهر أنهم هيتخلقوا بروح رياضية

للعلم انا زمالكاوي
والحمد لله لاشماته في اي فريق

المشاركة الأصلية كتبت بواسطة karmin

عندك حق تحية جمدة للزاملكاوية

شكرا وجزاكم الله كل الخير

[_ELDALY_]

النادى الاهلى لمل يستزاء بل الفريق بيتغلب

[الضوء الشارد]

ياجماعة كان لازم الهزيمة.......... عارفين ليه ده قلم يفوق اللعيبة قبل ماتش أفريقيا لأن الدورى سهل والفرق اللى بتتنطط دى كلها هتتغلب لكن الأهم أفريقياولا ايه

[Nemo_92]

المشاركة الأصلية كتبت بواسطة الضوء الشارد

ياجماعة كان لازم الهزيمة.......... عارفين ليه ده قلم يفوق اللعيبة قبل ماتش أفريقيا لأن الدورى سهل والفرق اللى بتتنطط دى كلها هتتغلب لكن الأهم أفريقياولا ايه

اعتقد ان كلامك صعب شوية لان لازم اللعيبة تجتهد وتعمل اللى عليها فى كل الماتشات وماتفرقش بين دورى وافريقيا لان الاتنين بطولتين مهمتين ولازم نكسبهم ان شاء الله