ملف التحويل بين الكليات والجامعات (أسئلة وأجوبة)

[رونالدينهوو]

عندى سؤال يا استاذ اشرف انا من الشرقية وجايب 360.5ومجموعى مش جايب تربية الزقازيق ومجموعى جايب تربية فى محافظات تانية ينفع اروح تربية فى المحافظات دى والا التوزيع الجغرافى هيسبب مشاكل ياريت الرد بسرعة قبل بدأ التحويل

[lamiaa10005]

لو سمحت انا اختى جابت 385 وجالها علوم اسكندريه وعايزه تحول بيطرى كفرالشيخ والكليه واخده 388 ينفع تحول واحنا اساسا من كفرالشيخ

طيب هى تعرف ان فى اماكن فاضيه فى الكليه منين؟

معلش طولت عليك

[وفاء البحر]

انا عايزه اعرف التحويل امتي وازي احول من ع النت

[rania_alix]

المشاركة الأصلية كتبت بواسطة رونالدينهوو

عندى سؤال يا استاذ اشرف انا من الشرقية وجايب 360.5ومجموعى مش جايب تربية الزقازيق ومجموعى جايب تربية فى محافظات تانية ينفع اروح تربية فى المحافظات دى والا التوزيع الجغرافى هيسبب مشاكل ياريت الرد بسرعة قبل بدأ التحويل

سورى انى هرد على سؤالك لانك عايز استاذ اشرف هو اللى برد عليك.

بس انا هقولك المعلومه اللى عندى وممكن انت تتاكد منها انا اللى اعرفه ان التربيه مفيهاش اقاليم

لانها توزيع اقليمى.

وانا عرفت الحكايه دى لما جيت اكتب رغباتى على النت لما جيت اختار تربيه اسكندريه.

بعد ماالورق اطبع لقيت مكتوب كليه تربيه ( توزيع اقليمى )


وسورى على الاطاله...

واتمنى انى اكون افدتك.


وربنا معاك.

[rania_alix]

المشاركة الأصلية كتبت بواسطة وفاء البحر

انا عايزه اعرف التحويل امتي وازي احول من ع النت

التحويل هيبدا يوم 14/8 يعنى يوم الخميس القادم

وهينتهى يوم 20 /8

وانتى هتحولى الى كليه مناظرة ودى بتم فى حدود قبول 10% من الطلبه مع اخذ الطلبه الاعلى مجاميع لتقليل الاغتراب


ثانيا : الى كليه غير مناظرة ودى لازم تكونى جايبه الحد الادنى للكليه اللى انتى رايحلها.


واتمنى اكون افدتك

وبالتوفيق..

[Mr Nasr Anis]

سأحول لابنتى من بترول السويس لهندسه عاديه : فهل الهندسه تعتبركليه مناظره واللا غير مناظره لبترول السويس؟
وشكرا مقدما لكل من يرد بالمعلومه المؤكده

[mega_269]

يعني يا استاذة رانيا التحويل غير المناظر شرطه الوحيد نكون جيبين الحد الأدنى للكلية ولا الإستيعاب مكن يفرق ؟؟

[gygy_love 2008]

وانبى حد يرد عليا انا قلقانه اوى

[alimosa]

السلام عليكم
ممكن حد يعرفنا التقديم للكلية الي جتلنا الأول ولا التحويل
تحياتي

[Eslamcooo]

يا جماعه ملوش لزمه محدش بيرد

[alimosa]

شكراً يالي ملكش لازمة

[memoo_heroo]

يا جماعه قواعد التحويل هيا هياها بتاعه كل سنه انك لو عاوز تحول لكلية تانيه لازم تكون جايب الحد الأدنى لهذه الكليه
مثلا أنت جايب 400 وجالك صيدله وعاوز تحول طب (أى طب) ما دام مجموعك اعلى او يساوى حد الطب تقدر تحول

بس الجديد انهم عملوا قاعده استثنائية للتحويل وهيا التحويل للكليات المناظره (من طب الى طب او من هندسه الى هندسه الخ)
بشرط واحد فقط ان الكليه الجديده اللى انت هتحولها لازم تكون فى توزيعك الجغرافى أ ومش شرط المجموع
بس الأعلى 10% هما اللى هيتقابلوا بس وديه فرصه للى جايبين اقل من الحد الأدنى للكليه

التحويلات مستمر حتي 21 اغسطس وربنا يوفقكم

[gygy_love 2008]

انت نتاكد من الكلام ده
دم لو صح تبقى مصيبه انا كده هادخل تجارة english ومش هادخل السن على 0.5درجه

[alimosa]

انا جاتلي كلية دار العلوم جامعة القاهرة مجموعي 294,5
هل ينفع احول تجارة انساب موجة السويس ج قناة السويس وهي بتاخذ من مجموع 308,5
علشان انا من السويس
وشكراً ( يارب حد يرد علشان نفسي اعرف )

[Zikovalcon]

السلام عليكم انا جايبة 292وجاللى حقوق الزقازيق وكان نفسى ف اداب اسماعيلية استنى لما الكليات درجاتها تنزل ولامش هينفع انى احول مع العلم بان درجتها307ارجوكم تردوا عليا