الفرق بين الانتظام والانتساب

[رونه2008]

السلام عليكم
ياجماعه انا كنت عايزة اعرف الفرق بين الانتظام والانتساب فى كلية التجاره و ياريت لو حد يعرف اى معلومه عن كلية التجارة يساعدنى بيها

[Boy of alex]

كلية التجارة اسكندرية عشان انا منها واخدة من 85.7

اما الفروق بين الانتظام والانتساب فى ناس بتقول فرق 350 جنيه وناس تانيه بتقول 500 جنيه والله اعلم

فى ناس بتقول الانتساب ليها مادة زيادة وناس بتقول ملهاش مش عارف اتوصل لحل

[midoxp]

وعليكم السلام
اولا عندنا فى عين شمس مصاريف الانتساب 539 والانتظام اظن 200
والمواد كلها واحد لكن الاحتلاف فى الامتحانات والسنة دة كانت امتحانات انتساب اصعب من امتحانات انتظام ماعد مادة او اتنين وربنا معاكى اخواكى تجارة الفرقة الثانية والحمدلله

[رونه2008]

ميرسى على مرورك وعلى المعلومات دى بس انا سمعت ان الانتساب مش بيحضر محضرات زى انتظام فكنت عايزة اعرف

[midoxp]

لا الانتساب بيحضر محضرات زى الانتظام بالظبط

[زبادو]

لا فيه فرق الانتساب اغلى من انتظام وامتحنات الانتساب احسن من امتحنات انتظام وانتساب مجرد انك بتنتسبي للجامعة يعنى مفيش حضور وغياب تيجى اه او متجيش انتظام هى اللى فيها كده بس لما تتخرجى مش هيكتبولك فى الشهادة انتى انتساب ولا انتظام

[رونه2008]

ميرسى يا زبادو وربنا يستر اصل انا جالى اداب القاهرة وعايزة احول وادخل تجارة انتساب بس مش عارفه احول ازاى وكده؟

[زبادو]

مرسي على فكرة تجارة احلى من اداب ده من رائيي بس لو عاوزة اداب انجليزى يبقى مية مية

[شيماء شريف]

انا جالى اداب المنصورة وعاوزة احول تربية طفولة قولولى اداب افضل ولا تربية طفولة

[زبادو]

من رائيي اداب

[midoxp]

المشاركة الأصلية كتبت بواسطة زبادو

لا فيه فرق الانتساب اغلى من انتظام وامتحنات الانتساب احسن من امتحنات انتظام وانتساب مجرد انك بتنتسبي للجامعة يعنى مفيش حضور وغياب تيجى اه او متجيش انتظام هى اللى فيها كده بس لما تتخرجى مش هيكتبولك فى الشهادة انتى انتساب ولا انتظام

اشطة يامان كلام مظيوط 90فى 100
لانى عندنا انتظام عين شمس ولا حضور ولا غياب
وامتحانات انتساب اصعب بكتير من امتحانات انتظام
وشكرا ياباشا

[رونه2008]

ميرسى ياجماعه على الردود بس انا مش عارفه اقدم امتى وبعدين خايفه بعد مالمرحلة التانيه متخلص يكون خلاص مفيش اماكن فى تجارة انتساب القاهرة فمش عارفه اروح اقدم فى اداب واستنى التحويلات ولا مقدمش خالص ولا ايه ياريت لو حد عارف يفهمنى

[زبادو]

لا لا لا امتحنات انتساب اسهل بس فى اول سنتين اصعب ولكن اخر سنة بتبقى انتساب سهلة جدا وروح شوف نسبة النجاح وقولى مين الاصعب فى انتساب اعلى من انتظام ميت مرة

[ميدو الرومانسي2010]

الفرق هو ان الانتساب بيدفع فلوس اكتر من الانتظام وامتحانات الانتظام الصبح والانتساب بعد الظهر

[hoky70]

يا جماعة والله كل سنة بتختلف عن الأخرى بالنسبة لامتحانات انتظام وانتساب بس متقنعنيش ان انتساب افضل من انتظام

السؤال : هل لو بأمكانك تخش انتظام او انتساب هتخش انتساب لا طبعا معتقدش حد يعمل كدة