اقتباس:
المشاركة الأصلية كتبت بواسطة mohamed dokdok
بص الاول صل على النبي بس واسف لو ممكن اتطرق بعيدا عن الثانوية والدراسة شوية
انا من 1 ثانوي بيجيلي حالة كده مش بتنفس تماما و اطرافي مش بتتحرك اول ما اتعصب او اتضايق او حاجة تزعلني و مكانش فيه اي سبب عضوي واي حد كنت بروحله كان بيقول السبب نفسي + ان طبعا كان اقل اقل حاجة بتعصبني جدا فجيت كده على شهر 1 بدأ الضغط يزيد شوية وحصلي حاجات ضايقتني جدا جدا صدمتني فالموضوع بدأ يرجع تاني فمن ساعتها مبقتش شايل هم اي حاجة طول مانا بتعب وبعمل اللي عليا ومن كتر الحاجات اللي كنت بدعي ربنا بيها وطلعت في الاخر شر كبير ليا وربنا بعدها عني بقيت واثق من ان ربنا كاتبلي الخير من غير ما ادعي فمش لازم يكون عندي طاقة سلبية وكده طول ما انا بتعب وبجتهد وده ميمنعش اني في اوقات كتير بكون مقصر
بس بعيدا عن الثانوية يعني هي تعتبر من ضمن يعني غيرت بصراحة نظرتي للحياة مبقتش ازعل من حاجة او حد وحسيت ان الدنيا افنى بكتير من ان اضيع لحظة فيها مكشر او خايف او قلقان ومفيش حد او حاجة تستحق اني ازعل وبقيت معظم الوقت بحاول اضحك واهزر واكبر دماغي والتمس العذر للناس
الفكرة مش بجد اني بحاول اخليكم تتفائلوا وخلاص بس بجد امبارح كان فيه بوست نازل بيتكلموا فيه عن الثانوية و ناس كانت كاتبة انها بدأت تفتح الكتب اول 5 و مجموعهم كسر ال99 فالفكرة ان كلنا بنجتهد ومن اول السنة فالحاجة الوحيدة اللي حتمنعنا من الوصول لده انه ميكونش خير لينا مش اكتر طول ما الواحد بيتعب ربنا كاتبله الخير ايا كان وحاولوا تفكوا وتهزروا الموضوع مش مستحق كل ده و عذرا على الاخطاء الاملائية والنحوية ايه حرام عليك يا محمود هو ده موضوع تعبير 
الثانوية مش سنة مذمومة ولا حاجة معظم الناس قالت ان الثانوية كانت امتع سنة في حياتهم كفاية لمة الدروس وصحابك والمدرسين وكفاية لمتنا هنا على البوابة و اما حد بيحتاج حاجة بيلاقي جيش بيساعده فايه يستدعي يكون جوانا اي طاقة سلبية اصلا طول ما انت شخص بتتعب وبتتقي ربنا و جواك نضيف وبتتمنى الخير لغيرك زي ما بتتمناه لنفسك ايه يستدعي تقلق او تزعل ؟ اسألوني انا وصلت للمرحلة دي بعد انابيب اكسجين كتير ياخوانا
و اسف على الوقت اللي حد حيضيعه في انه يقرى الكلام الفاضي ده  |
اسف ان كنت ضايقت حد منكم بكلمة "مذمومة" بس انا مكنتش اقصد حاجة انا بقول من قبيل الضغط والاجهاد وكده ودي اول خطوة مهمة في حياتك لكن ممكن يكون خاني التعبير شوية لكن عادي يعني :-d وبخصوص اللي بيحصلك ده فيعني بلاش اتطرق للكلام ده عشان محدش يخاف مني :-d المهم اتكل على الله ياهندسة واللي مكتوب هيصير وربنا ليه حكمة في كل شى ء .
28-04-2017, 02:35 AM
العرض المتطور
