دفعة ثانوية عامة 2017

[Hope Vs Despair]

المشاركة الأصلية كتبت بواسطة abdo m a

الحمد لله

العربى دوت كانت اكتر ماده متراكمه عليا . اكبر مشكله انه كان بيتنسى بسرعه رهيبه وخصوصا الادب والنصوص . كنت متأخر عن الاستاز بتاعى ، يعنى احنا خلصنا معاه المنهج ١٠ \ ٣ وانا كان لسه عليا حجات فى الادب مفتحتهاش والنصوص واخر كام فصل فى الجزء التانى . المهم بعد ما خلص المنهج قعد من عنده ومن اغلب الدروس معادا الانجليزى والكيمياء ولميت العربى كله على نصف شهر اربعه ، بس كنت بذاكر معاه باقى المواد برضو ، وخلصت مراجعته وحل كتاب الرساله والامتحان على بداية شهر ٥. وسبته خالص لغاية يوم ٢٢مفتحتوش نهائيا .

الانجليزى كنت ماشى تمام مع المستر وبحل من ٤ كتب وبدأنا مراجعه فى اول شهر ٤

الفرنساوى ، بعد ما خلصنا على اخر شهر ٢ سبت المسيو وقعد مع نفسى وبعد كده رحت راجعت شهر عن مسيو جرانه كان بيحل معانا امتحانات

الفيزياء كنت مظبطها تمام زى الانجليزى وكنت حالل كتاب الامتحان وشوية فى الوسام الاحمر وشويه فى الشامل ، بدأنا مراجعه فى بداية شهر ٤

الكيمياء ، كان متراكم عليا اخر جزء فى العضويه الاسترار وسبت المدرس الى كنت بروح عنده وذاكرتها مع نفسى وكنت بسمع ايهاب سعيد بس هو مكنشى شارحها للأخر . وخلصت مذاكرتها على نصف اربعه ، بس كنت لاقى نفسى ناسى فيها كل حاجه ، وبدأت اراجعها واحل امتحانات لغاية نصف شهر ٥ .

الاحياء ، خلصنا مع المستر على ١٠ \ ٣ بس كان متراكم عليا dna وكنت ناسى المناعه . فأخدت معايا مجهود جامد وخلصتها على بداية نصف شهر اربعه وراجعتها لغاية ١٥ فى شهر ٥

الجولوجيا ، الاستاز كان مخلص معانا علىزى دلوقتى كده ، بس انتم زى ما عارفين دى اكتر ماده بتتنسى بسرعه ، بالاضافه ان الباب الرابع بتاع تكتونية الالواح كان واقع منى ، وقدرت اخلصها على اخر شهر تلاته ، وراجعتها لغاية ٢٠ فى شهر ٥

، المراجعه ، انت بتراجع على الدرس وبتحل عليه وبحل امتحانات شامله فى نفس الوقت ، دى افضل طريقه تلم بيها المنهج حتى لو كنت ناسى كل حاجه .

ربنا يباركلك يا دوك انا كنت دايما اتابعكم عالجروب بتاعكم
ولحد دلوقتي بخش اشوفكم كنتم ماشيين اذاي ربنا يوفقنا ونبقى زيكم ويعني ابقى خش من فترة لفترة كده انا عارف انك مشغول وفاهم شغل الكلية بس عشان لو حد محتاس ممكن كلمة منك ترجعه تاني وربنا يجازيك خير باذن الله