(((___•.¸¸.•الحب ثم الحب ثم الحب•.¸¸.•___)))

[dr.saeed]

علي فكرة انا اتهمت الكلام لانه منقولي من مصدر معتمد علي ذاكرته
مش اتهمت الرجل ذات نفسه
بدليل اني قولتلك متأكد انها فلسفه دينيه متميزه
ومش قولتلك فيلسوف ديني متميز

ايضا عند نقد فتوة العلم للغناء
لم تكن نقد موجه له شخصيا
بل نقد لرأيه
واحب اقول قبل ان اقوم كلامة استاذ احمد

علي فكرة يا جماعه
مش شرط اللي بقوله ده اكون بعمله
عشان محدش يجي يقولي
ضرب لنا مثلا ونسي ..
بس انا بصحح مفهوم الحب الاصلي كما أنزل
مش المفهوم اللي مفروض يبقي في مجتمعنا وظروف عصرنا
احنا بقينا للأسف بنترجم القيم والاخلاق والدين لحاجات غلط وآثمه بهدف مسايره الواقع والاستسلام ليه
لاء لازم مهما تاهت منا المعاني والمفاهيم واختلت افعالنا
نكون عارفين المفهوم الأصلي
عشان لما ربنا يشاء الهدايه
تلاقي الطريق
لكن لو معندكش طريق
منين هتيجي الهدايه ومنين هيجي الطريق اللي هتمشيه ؟!

عشان مش يبقى نفاق
ويبقى الناس عارفه
مين الى بيتكلم
ومش يظن
ان ملاك نازل من السماء
بيتكلم بلسان المنطق
او بوجهة نظره والى فهمه من الدين
لا
انسان
غير معصوم من الخطأ

فى امان الله

[msamido]

حاضر يا استاذ احمد هفصل كل كلامك وننتكلم فيه نقطة نقطة

المشاركة الأصلية كتبت بواسطة احمد رضا

خلاصه قولي انا فقط

* الدين الإسلامي يشمل كل القيم الإنسانيه الساميه
والقيم الساميه تحتوي علي الحب

شئ مفروغ منه شكرا للمقدمة

والدين الإسلامي رافض العلاقه بين الولد والبنت إلا بشروط معينه
ولما بيحدث الحب بتنهار كثير من هذي الشروط

مش شرط أبدا أن تنهار أى من الشروط لمجرد وجود الحب

* مفيش حاجة اسمها فصل بين الحب والعلاقه بين البنت والولد في الحب
اظن دي كانت منسيه في كلامنا كتير
اعتقد ان مفيش شاب دلوقتي ومع اللي بنشوفه في الواقع بيحب بنت من ورا نقاب
او مش بيكلمها - إلا من رحم ربي -

لأ فى وتجارب شخصية انا شوفتها بعينى ومنها أنا عايشتها لحظة بلحظة والحمد لله لم يكن هناك أى معصية لله فى الحب وظل الحب موجود بدون أى علاقة لمدة خمس سنوات حتى ان البنت لم تعرف بحب هذا الولد لها إلا حين تقدم لها بس بعد خمس سنين " قبلهم كان الحب موجود"
مش معنى انتشار الفساد فى الأرض ان القاعدة تكون هى الفساد

* والحب والهيام والتفكير فيها ذات نفسه اعتقد انه ميقبلهوش علي اخته

الحب شئ مش بايدى علشان تحاسبنى عليه مش باختيارى بحب فلانه ومش بحب فلانه وإلا مكنش فى أى حد ينجرح من الحب

احنا لازم نشوف المثاليه عشان لما نيجي نطبق الواقعيه يبقي الغلط مخفف بقدر الإمكان
بالرغم من اننا عمرنا ما هنوصل للمثاليه

المثالية هى أن الحب طاهر وبرئ ومنزه عن كل ما يعصى الله وهنا يبقى مفيش اي علاقة بين الولد والبنت _ المثالية بتقول كده _ يبقى الحب مفصول عن العلاقة

* مهما كانت المبررات اللي بنعملها واللي بنشوفها واللي بنعيشها فمفروض نعترف اننا مخطئين

بداية العودة للصواب الإعتراف بالخطأ

انا بعترف اني اخطأت كتير وبخطئ كتير بس الفرق بيني وبين اي شخص تاني اني عارف اني بعمل غلط ومش بكابر
وبدعي ربنا في كل صلاه ان تيجي لحظه الهدايه اللي اكون باستطاعتي اني اتحمل نتائج هدايتي ( الهدايه مش بالساهل بردو )

شئ جميل منك ربنا يهديك ويهدينا جميعا بإذن الله

* لما بنقد شخص بنقد فيه كلامه وليس شخصيته بشكل كامل لان مش كل الكلام بيدل علي الشخصيه
متأسف انا اللى فهمتك غلط فى الجزئية دى

* شكرا ليكم جميعا ً ولو فيه رد محتاج اني ارد عليه
هرد عليه اكيد ان شاء الله

بعد أداء المتعه الروحيه ( التكليف )

ودى نسخة من الكتاب

http://www.4shared.com/file/58472156/3c9bafbc/l086.html

الكتاب اسمه طوق الحمامة لابن حزم