المرافعة التاريخية النهائية فى قضية تيران وصنافير لخالد على

[محمد محمود بدر]

10 روايات ::
احتلال دون اخطارهم
احتلال بارداة منفردة واخطارناهم ورقصوا وقالوا تسلم الايادى
تأجير
انتفاع
وضع خاص
حق إدارة
تنازل لمدة 90 سنه

10 روايات بمستندات ومفيش رواية واحدة ان الأرض دى مصرية
مفيش ورقة واحدة بتوضح حقيقة العلاقة حتى خطاب الملك عبد العزيز روحنا جبناه من الكتب اللى اشرف عليها الدكتور مفيد شهاب ... دار الوثائق القومية اللى بقت عزبة وبوتيك بالتليفون المستند يطلع وبالتليفون ميطلعش فاضطرينا اننا بعد ما روحنا اكثر من 5 مرات ومش عايزين يجيبوا المستندات وفى الأخر بيردوا على حضرتك ويقولوا جارىالبحث
جارى البحث عن وثائق عن وثائق بقالهم اكثر من 70 و80 سنه .. عملنا ضدهم محضر اثبات حالة

وزارة الخارجية قلنا ليها هاتولنا الوثائق مش عايزين بس ايه اللى حاصل يا ريس ان الاختام اختامهم .. الطاعنين اللى هم خصومنا هم مين: رئيس الجمهورية . رئيس مجلس الوزراء رئيس مجلس النواب وزير الدفاع وزير الداخلية وزير الخارجية

كل الاختام عندهم افتح يا سمسم سمسم يفتح واختام على ودنه طيب هاتوا مستند طبيعة العلاقة اللى انتم بتقولوا عليها تنازل عقد ايجار تنازل لمدة 90 سنه زى ما هم قالولنا .. كل الخطابات دى لم يقدموها ولم يقدموا خطاب الملك عبد العزيز ولا فتوى المستشار وحيد رأفت ولا الماكتبات ما بين وزارات الحربية والخارجية والمالية ولا خطابات السفارات ليه ؟


لأن الامر يا ريس هم يملكوا السيطرة المادية على الاختام وعشان كده هاتنقل يا ريس الى الجزء الثانى في كلامى

[محمد محمود بدر]

اذا كانت الطبيعة القانونية للعلاقة بين مصر والسعودية بشان الجزيرتين مش واضحه وفيه تعتيم وتعمد لاخفاء المستندات الامر بلغ حد اصطناع المستندات وتم نسبته الى المرحوم عصمت عبد المجيد

... فضيحة ...

والدكتور عاطف صدقى واختاروا كل اللى توفاهم الله عشان ماحدش هيقدر يدافع عن نفسه ـ يشير الى مستندات بيده ـ هي مش دى حوافظ هيئة قضايا الدولة محضر مجلس الوزراء بتاريخ 4/3/1990م بيعرضوا بيقولوا ان السعودية بعتت لينا واحنا نقترح نرد عليهم بالشكل الفلانى فمجلس الوزراء فوضه في الرد رد بالمضمون دا فالتسلسل المنطقى ايه ؟ ان اجتماع مجلس الوزراء أولا ثم الرد ثانيا لكن لان الاصطناع بلغ حد السذاجه ولان ربنا بيحمى هذه الأرض فكتبوا عل ى اجتماع مجلس الوزراء تاريخ 4/3 والخطاب اللى المفروض بتبعت بعد اجتماع مجلس الوزراء كتبوا عليه 3/3 طيب ازاى وبعدين جاى النهارده بيفسر دا بايه بيقولك اصل دا المشروع !!! والمشروع اتعمل قبل اجتماع مجلس الوزراء !!! وحياة ربنا ما هو المشروع وحياة ربنا مش مشروع ولو مشروع هيتكتب عليه مشروع ومش هيتختم دا الجواب نفسه لو مشروع يتكتب عليه مشروع مقدم الى مجلس الوزراء
هكذا تدار الدول وليس عشش الفراخ

لما جبنا تقرير مجلس الشورى كانت أهميته بالنسبه لى ايه ان تقرير مجلس الشورى بيقول ان الأرض مصرية أهميته بالنسبة لى ايه ان استمع فيه بيان الى الدكتور عصمت عبد المجيد والمشير محمد عبد الحليم أبو غزاله وطلبنا يجيبوا لنا محاضر الاعمال دى نشوف هيئة قضايا الدولة قالت لنا ايه في محاضر الاعمال دى

حافظة رقم 8 بناريخ 5/12 تم مخاطبة مجلس الشورى زى ماتم مخاطبة دار الوثائق وقالوا لسه بندور ( في العصر الحجرى ) مجلس الشورى قال ان كافة محاضر الاعمال الثمانية اجتماعات لمجموعة العمل الخاصة باعداد تقرير اللجنة المشار اليها وغيرها من البيانات الواردة في كتابكم البيانات التي وردت في الكتاب وهو بيان المشير محمد عبد الحليم أبو غزلة بيتاريخ 4/1/87 وبيان د/ عصمت عبد المجيد بجلسة 18/1/87 حصل فيها ايه يا دولة ؟!! قد التهماها حريق مجلس الشورى عام 2008
اكن تيران وصنافير قاعدة ما انتوش عارفين تدورا الحريق كالها والكتاكيت كلتها مفيش ورقة ....

الدكتور عصمت عبد المجيد اللى بتقولا انه بعت جواب في بيانه قال ايه في بيانه أتكلم عن الجزر واتكلم عن المضيق واتكلم عن الصراع العربى الاسرئيلى وعشان كده قدمت التقرير نفسه مش كده وبس ياريس بيطعنوا في التقرير وقدموا محضر اجتماع 16 طيب ما محضر اجتماع 16 اهو رئيس المجلس بيقول : هل توفقون حضراتكم على ما جاء بالتقرير ؟ موافقة بالاجماع على ما جاء بالتقرير موافقة بالاجماع على ما جاء بالتقرير

ومع ذلك

[محمد محمود بدر]

اذا كان الدكتور عصمت عبد المجيد الله يرحمه مش موجود ويتم التقول عليه لكن في النهاية لازم نوضح حاجه تاريخية كده بسيطة احنا مفيش خلاف بينا وبين الشعب السعودى هو شعب شقيق الخلاف بينا وبين بعضا لكن من عادة المملكة العربية السعودية ان الدول لما بتمر بضائقة مالية بتتدخل في الحالة دى ودا اللى حصل مع جزر اليمن ألا تلاحظوا التاريخ اللى هم بيدعوه

1990 والازمة الاقتصادية التي كانت في مصر عام 1989م وكانت مصر معرضة للافلاس لحد ما صدام دخل الكويت في أغسطس اتغيرت الخريطة وكل الدول بقت عايزة الجيش المصرى يحميها بقت عايزة الجيش المصرى يروح حفر الباطن ويدافع عنها كله سكت وتنازلوا عن ديوننا ومحدش فتح بقه عايزين حنودنا وضباطنا يحموا أراضيهم
ايه اللى حصل تانى
مبارك وانا باقول اهو مبارك ما تنازلش ونقاط الاساس اللى عملها مبارك سنة 90 دى مجرد نقاط لبداية القياس كون ان السعودية تيجى في 2010 تعمل نقاط قياس تحط فيها الجزيرتين وانت تيجى النهارده ما تفتحش بقك يبقى فيه مشكلة عندك انت مش عند مبارك ليه ؟!! لان مبارك راح عامل ايه قانون المحميات الطبيعية كان صادر من سنة 1980 عمل ايه مبارك راح عامل قرار برقم 2035 لسنة 96 ونشره في الجريدة الرسمية في 3/8/96 وتضمن الجزيرتين باعتبارهم محميات طبيعية
السجل المدنى 2015 واقسام الشرطة وعندنا قانون الجنسية بيقول ايه قانون الجنسية المصرية : " كل من تواجد على الاراضى المصرية قبل عام 1914 هو مصري الجنسية" كنا عاملين سجل مدنى في تيران وصنافير لنا ومش بتاعتنا ..

أليس ذلك مظهر من مظاهر السيادة