طلاب سنة اولى ثانوى عام خليكـوا معايا ثوانى

[Omnia mony]

السلام عليكم ورحمة الله وبركاتة

ازيكـم جميعا ........ يارب بخــير

بداية كدة انا طالبة فى اولى ثانوى عام
باخد الترم الاول دة فيزياء وجغرفيـا وفلسفة و الفرنش المادة التانية اللى كانت اختـيارى

انا كويسة الحمد لله فى الرياضة وفى الفرنش بقفلهم ومش محتاجة فيهم حاجة
وكويسة شويـا فى الانجلش

محدش بقا يسالنى على الباقى مهبله فيهم هبل ومش فاهمة لية
انا السنة اللى فاتت كنت شاطرة اوى يمكن مازلت بس مش حاسة انى زى الاول
مش مستصعبة المنهج بس بجد هو كبييير ومش عارفة المة درجــات متفرحش حد فى امتحانات الشهور
ومش انا لوحدى دا انا وناس صحابى كانوا احسن منى كمان بس حاجة غريبة بتحصل مش دة مستــوانا

المهم يعنى لو حد كويس فى سنة اولى
او حاليـا فى تانية

حاولوا تساعدونى طريقة اعرف انظم بيهم الامور
انا مش بفتح الجغرفيا غير قبل امتحان الشهر
تقدروا تقولوا مش عارفة فيهـا حاجة
والعربى البلاغة هتجننى بس والادب بس يعنى يعتبر كويسة شويـا
اما الفلسفة بس مش عارفة احفظ بعرف او بحاول افهمهـا لو مفهمتش مش بعرف اعمل فيها حاجة


بيبقا عندى سعات كتير وقت فاضى وايام مش بيبقا فية خالص بس ساعة ما ببقا فاضية بلاقينى مش عايزة اعمل حاجة مش عارفة ابدأ منين ولا منين


لو حد عامل جدول يمشى عليــة عرفونى هــا

والموضوع ممكن كل واحد فى اولى يفيد التانى

بالتووووفـــييييق والنجاح
لينــا جمــيعا ان شاء الله

[. ahmed-gamal]

السلام عليكم

انا باخد فيزياء وجغرافيا وفلسفة زيك وعارف العك اللى موجود
حاولى تحفظى الفلسفة وتراجعى على اللى تحفظيه باستمرار انا فى اول السنة مكنتش عارف ازاكر حاجة فى الفلسفة لكن بدات احفظ واراجع باستمرار والحمد لله انا حافظ معظم المنهج صم
والجغرافيا برده لازم تحفظى وتراجعى باستمرار وانصحك تحفظى فى وقت الصبح
الفيزياء لو عندك كتاب الامتحان اقرأى الدرس وحاولى تفهمية واحفظى القوانين وحلى التدريبات
اما بالنسبة للعربى اللى هو مشكلة بالنسبة لناس كتييير البلاغة صعب ان الواحد يفهمها لوحده بدون مدرس
لكن لو فيه واحدة صاحبتك شاطرة فى البلاغة خليها تشرحهالك البلاغة منهجها صغير ومتعقديش نفسك بالتشبية الضمنى لانه نادراااا ما بيجى فى الامتحانات والادب حاولى تحفظية
وانصحك بكتب الامتحان فى الفلسفة والجغرافيا والفيزياء
وكتاب الاضواء فى العربى
وربنا يوفقنا كلنا يا رب

[Dark Tulip]

بالحضن يا امنية
انا نفس الحوار و بحاول اتجاوز الموقف
و انا فيزيا و جغرافيا و فلسفة بردو
احساسى ناحية المنهج انه سهل اوى بس طويل محتاج مذاكرة
و الجغرافيا سهلة جدا حاولى تفهميها و تطبقيها على معلوماتك العامة هتحفظيها بسهولة
الفيزيا زي ما احمد قال اقرى الدرس كويس و حلى التدريبات
بالنسبالى مشكلتى فى حفظ القوانين و الرموز << بفتكرها اما بربط بينها و بين اللغة يعنى مثلا : طاقة الوضع بتتكتب Pe عشان هى بالانجلش Potential Energy
و هكذا ..
اما العربى حاولى تتعاملى معاه على انه عربى مش هندى و حبيه كدا و بالمذاكرة هتلاقيه سهل

و حكاية انك اما بتبقى فاضية مش بتحبى تعملى حاجة
اختارى الصبح بدرى انسب وقت للمذاكرة و اكتر وقت ذهنك بيكون صافى
و حاولى تحطى دايما قدام عينيكى ان عندك هدف ان شاء الله هتحققيه و المذاكرة هى الوسيلة فى تحقيقه
دا هينشطك و يفكرك ان لا مفر من المذاكرة .. بالذوق بالعافية هنذاكر

اسفة طوِّلت عليكى
بس بجد شكرا يا امنية .. و شكرا يا احمد
افادتونى كتير ,, و بالتوفيق ان شاء الله ^^

[فن المذاكرة]

اولى ثانوى سنة بسيطة جدا زى اى سنة بس فى الاول هتكون صعبة بعد كدة هتبقى سهلة ...توكلى على الله