اقتباس:
المشاركة الأصلية كتبت بواسطة Mahmoud.Khalifa
ممكن حد من الدفعات اللي فاتت يساعدني في الموضوع ده :
انا في الفزيا بحل من كتاب الامتحان والوسام وهم حلوين يعني جدا بس المشكلة في الشرح اذاكره من كتاب الامتحان ولا من مذكرة لان حاسس ان الملخص مش كامل في الشرح
ثانيا قصة العربي اذاكرها من مذكرة اسئلة ولا النص الاصلي لاني بخاف من المذكرات لتنسى تكتب حاجة وكده او يلعب في سؤال قصة وخدش بالي منه
ومتشتت اذاكر منين
|
ذاكر من كتاب الامتحان ولو فيه كلام زيادة لقيته في اي مكان تاني دونه في الهامش بتاع الكتاب.. اما لو لقيت افكار مسائل مينفعش تدونها ع الهامش لانها كبيرة.. هات ورق فلوسكاب مثلا او كشكول واكتب كل فكرة جديدة تقابلك في المسائل لانك هتحتاجها جدا في الاخر وهبقى اكلمكم عن الحكاية دي..
اما كمصدر مذاكرة خليك مع الامتحان زي ماقولتلك وزود عليه براحتك بس في المعقول بردو (اللي هيخليك تفهم بس).. اما لو قصدك هيجي آخر السنة كلام من بره كتاب الامتحان.. لا متخافش اعمل بس اللي قولتلك عليه..
قصة العربي.. قولا واحدا..ذاكرها من النص الاصلى وحبها وانت بتقرأها اعتبر نفسك بتقرأ قصة مش مفروضة عليك تقرأها هتفرق على فكرة.. اقرأها كتير بحيث على اخر السنة تكون حافظها وتقول الكلام قبل ماتقرأه.. كده هتقفل السؤال ده بإذن الله.. لازم على اخر السنة تكون شبه حافظ النص الاصلي وزي ماقولت قبل كده.. بعد ماتقرأ الفصل من النص الاصلي اقرأ معاني الكلمات وعلم بالماركر ع المعاني اللي مكنتش هتعرفها من نفسك.. وبعدها روح ل ملزمة مستر عبد العزيز كويس لان الاسئلة اللي فيها اهم اسئلة وشاملة وهي اللي بتيجي اخر السنة فعلا.. زي ما انت قولت.. هيلعب وهيجيب سؤال محدش يعرفه غير اللي عارف النص الاصلي.. كويس انك خدت بالك للحاجات دي من بدري 😍
اوعى تشتت نفسك اختار حاجة وخليك ثابت عليها للآخر..
ربنا معاك
14-10-2016, 10:33 AM
العرض الشجري
