|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
|
|
#1
29-08-2016, 09:41 PM
|
|||
|
|||
يا جماعة انا بدأت النهاردة أدب و خدنا مدرسة الإحياء و البعث
بس اللي حصل لخبطني شوية و قلقني في نفس الوقت، النهاردة المستر قبل مايدخل في الشرح اتكلم علي مذاكرة الادب بشكل عام و قعد يقول انا بكره جدا الطالب اللي بيحفظ الادب، انت عندك في الكتاب حوالي 40 صفحة اكيد هتنساهم.. و الحتة اللي قلقتني انه قال اركن كتاب المدرسة في الادب دلوقتي لحد شهر 3.. قال نركنه في الادب بس لكن باقي الفروع مهم، لحد شهر 3 عشان ساعتها هنبدأ مراجعات طبعا.. و الكتاب بتاعه اللي عامله شارح فيه كتاب المدرسة و منظمه شوية عشان بيقول كالعادة كتاب المدرسة عقيم و سايح علي بعضه و مش منظم.. و طول شرح الادب النهاردة كان بيشتغل علي فكرة الفهم مش الحفظ خالص، يعني شرحلنا مصر في الوقت ده كانت عاملة ازاي و تأثير ده علي الفنون و الادب و كدا، و اغلب الاسئلة كان بيخلينا احنا نجاوبها بالفهم، بس انا عايز صيغة اكتب بيها في الامتحان.. قال تبقي تبص في الكتاب مع اللي انت فهمته و تكتبهم في ورقة هتلاقي نفسك حفظتهم، بالنسبة لحكاية اننا نركن كتاب المدرسة دي هو كان قصده تقريبا ان الاول نكون فاهمين منهج الادب الاول و بنعرف نجاوب فيه لحد ما نوصل للمراجعات هيكون فاتحلنا كتاب المدرسة فأكيد بعد المذاكرة طول الشهور اللي فاتت اكيد هنبقي فاهمين الكلام اللي فيه حتي لو ملخبط و قال كمان ان حتي كتاب الاضواء غير الكتاب بتاعه غير كتاب المدرسة بس في الاخر كلهم نفس المضمون و بيودوا لحاجة واحدة طبعا انا اللي قالقني ان مفيش حد ماقالش حاجة غير ان الادب اساسي من كتاب المدرسة و يتحفظ صم.. و ده بيقولنا نركن كتاب المدرسة لحد شهر 3.. انتو رأيكوا ايه في النظام ده؟ 
|
|
#2
29-08-2016, 11:48 PM
|
||||
|
||||
|
اقتباس:
قال إن مش ينفع يتحفظ من كتاب خارجي لأنه بيزود والزيادة غير مطلوبه مطلقا وغير مرغوبه الفهم ف الأدب مهم الأستاذ كان بشرح النقط بتاعه أحمد شوقي والبارودي وكده بس من الاخر نموذج الاجابه يجي صفحه كذا الكتاب المدرسه انهم للأسف بيتغاملوا مع الأدب كأنه قرآن أنصحك ابتعد عن الكلام ده دا عبيط انا مش عارف ازاي ممدرس عربي يقول كده
__________________
يحكى أن قلباً يسامح البشر كل ليلة .. فعاش مرتاحاً وأن نفسا ترضى بالأقدار .. فباتت سعيدة .. وأن روحاً تُردد الحمدلله .. فنامت وإستيقظت مبتسمة 
|
|
#3
30-08-2016, 01:01 AM
|
|||
|
|||
اقتباس:
 ده كده هيضيعكم يعم ذاكر من كتاب المدرسة الناس كلها بتقول كده
__________________
قال سبحانه وتعالى: "إِنَّا لَا نُضِيعُ أَجْرَ مَنْ أَحْسَنَ عَمَلًا" سورة الكهف 30
|
|
#4
30-08-2016, 01:13 AM
|
|||
|
|||
|
اقتباس:
الأدب مفهوش حاجه فهم . أنت طول السنه بتحاول تحفظ الكلام وتثبته فى مخك بصيغة كتاب المدرسه . والمشكله إنه بيتنسى بسرعه لكن هتلاقى المشكلة دى إتحلت مع كتر المراجعه . فإنت لو سبته دلوقتى وبدأت فى شهر تلاته مش هتقدر تحفظه خصوصا مع ضغط المواد التانيه .
|
|
| العلامات المرجعية |
| الكلمات الدلالية (Tags) |
| الصف الثالث الثانوى, ثانوية خمس نجوم, ثانوية عامة.موقع |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 08:56 PM.
