يا امى

[رفعت فوزى]

<div align="center">هذه الكلمات كتبتها الى روح والده احدى اعز صديقاتى التى توفت فى وقت قريب
وتاثرت كثيرا بما حدثتنى بها ابنتها وما تشعر به
فخطت يدى تلك الكلمات التى اتمنى ان تنال اعجابكم وان اعرف نقدكم لها فهى كما كتبتها اول مره بدون تعديل فى الاوزان او القوافى وفى بدايه العمل هذا جزى اتمنى ان الجميع يقراه ككلمات عاديه دون لحن او غناء وكانها مقدمه للعمل هكذا تخيلتها لذلك لم التزم فيها بوزن او قافيه
وبذلك اسير على درب البرى فى ان ارى معكم كيف يمكن ان يكون هذا العمل بنقدكم له

والسؤال التقليدى ... ايه اكتر جزء عجبك فى الكلام اللى قراته ؟؟؟؟

الكلمه دى ليكى يا أمى
يا ساكنه روحى وف دمى

لو رحتى فين قلبى معاكى
غبتى سنين انا فا****ى
ولا ثانيه راح انا انساكى

يا للى ملامحك فى ملامحى
كنت اجرحك وانتى تسامحى
سبتينى فى الدنيا لوحدى
والدمع وحده بقى صاحبى

لا بابا فاضى يكلمنى
ولا اخويا قادر يفهمنى
مكنش غيرك يا حبيبتى
فى الدنيا كان بيطمنى

مع السلامه يا حبيبتى..مع السلامه يا حبيبتى
طب قولى ليه رحتى وغبتى؟
انا عارفه انه بامر الله
بس انتى غاليه يا حبيبتى

رحتى فجاه وسبتينى
مع جرح قلبى وحنينى
وانا كنت بافرح لما فى يوم
بين ايديكى تضمينى

يا امى بعدك عايشه عذاب
لا ليا صاحبه ولا احباب
ولا حد غيرك يرعانى
ولا حد زارنى ودق الباب


ولما ابص فى اى مكان
بشوف ملامحك زى زمان
بسمه جميله تدفينى

فى الدنيا عشتى بتدى الخير
وتحبى نفسك قد الغير
والكل كان طمعان فيكى

مع السلامه يا حبيبتى
مع السلامه يا حبيبتى

افديك بروحى وعنيه
يا اغلى من الدنيا عليا
ابيع حياتى وابيع عمرى
علشان دقيقه تعودى ليا

مع السلامه يا حبيبتى

وبدعى رب رحيم منان
انك تكونى فى اعلى مكان
وتكونى زى ما بتمنى
عايشه سعيده فى الجنه... عايشه سعيده فى الجنه

اتمنى ان الكلمات تكون نالت اعجابكم وهذا اقل ما يمكننى عمله لاختى العزيزه
فى انتظار نقدكم الجرى الهادف والبناء</div>

[رفعت فوزى]

شكرا يا برى على النقد الجميل هو ده الشغل والردرود اللى انا احبها
انا متفق معاك فى نقدك بس النقطه اللى فى الاول
انا قلت انها زى مقدمه فمش مقيده باى اوزان او قوافى
يعنى اقراها تانى كده عادى ككلام مش اغنيه عارف زى بدايه كلاسيكيه كده بتمهد للقصه وبتعطى صوره عامه للعمل وبتهىء القارىء نفسيا
جرب وشوفها تانى

[غاوى حب]

ايوه يا عم رفعت انت نزلتها هنا؟
انا بقى هقولكم على سر محدش يعرفو عن العمل ده

اخويا وحبيبى رفع صديق عمرى لما كان بكتب الكلمات دى كان بيبكى بشكل وحش اوى
ولما كان بيقول مع السلامه يا حبيبتى دى كان بيقعد يكررها يجى عشر مرات وهو بيبكى جامد
بصراحه انا يومها كنت ساكت وكان ليا الشرف انى اشوف العمل ده وهو بيولد

معلهش يا رفعت انى قلت الكلام ده :P

[نغم البحر]

بجد جميلة جدا

عودة حميدة عاشق الجميل

وفى انتظار المزيد من ابداعاتك

[فتاة_الإسلام]

أكثر من رائعة بصراحة،، أبكتني وأنا أقرأها..
وفقك الله أخي عاشق الجمال بإذن الله..

[رفعت فوزى]

فتاة_الإسلام

شكرا على الرد والمرور الجميل
واعتذر ان كانت ابكتكى فعلا

[لومة fces]

الكلام جميل جداااااا جدااااااااا
وانا كمان ليا واحدة صحبتى برضه والدتها اتوفت قريب
يعنى بجد جت على الجرح

هو بس يعنى الجزءد ه
طب قولى ليه رحتى وغبتى؟
انا عارفه انه بامر الله
مش عارفة حاسة فيه حاجة غلط او مش مظبوطة

[Mohamed_AmeesH]

<div align="center">[color="#3333ff"]</span> </div>

[طمعانة فى رضاك يا رحمن]

جميله اوووي تسلم الايادي ...... جزاك الله كل خير

[رهينة الذكرى]

إختيارك قمة في الروعه وقمة في التميز
إطلاالااتك دوما ً ساحره وجذابه بعطاءك ومشاركاتك القيمه
فلا حرمنا الباري منك ولا من تواصلك العطر
بإنتظار جديدك بكل شوق
عين الله تحرسك وترعاك