اقتباس:
المشاركة الأصلية كتبت بواسطة Mohamed Dokdok
انا بس اكتر حاجة قلقاني لو حد قفل عربي وانجليزي وكاتب تعبير كويس و pargraph كويس يجيب فيهم كام ؟ اعلى درجة بسمعها عندنا 78 عربي و 49 انجليزي
طبعا يا ريت الواحد يجبهم يعني يبقي الحمد لله الحمد لله بس ليه يعني ؟
|
لا حضرتك مش تقلق يا بشمهندس انا كنت فاكرة كده بس الحمد لله جبت 79.5 عربي و 49.5 انجلش وكان نص ف حاجة سهلة كنت عارفاها بس مكتبهتاش و pargraph كتبت صفحتين والتعبير بدات فيه 11 ونص وكتبت 3 صفحات ونص وبدات بايات من القران الموضوع يعني حضرتك تمهد للموضوع بشكل كويس وبردو الخاتمة وباقي الموضوع تكتب ف العناصر وتحاول تخد كلام من دروس القراءة وتستشهد بحاجات خلي الجمل يبقي فيها تصوير وطبعا تتدرب تكتب تعبير قبل الامتحان عشان الامتحان بيبقي طويل وممكن مش يبقي فاضل وقت كتير فربنا يجازيك خير عشان تعبت بس العربي عايز اهتمام بجد من حضرتك ولا تقول مدرس ولا مش مدرس تحفظ الادب صم من كتاب المدرسة والتعليق بردو من كتاب المدرسة عشان كان جايلنا حاجات من بين السطور والنصوص تتذاكر كويس ومع الوقت هتثبت كان معايا الرسالة شرح وليلة الامتحان كتاب كويس والامتحان ضروري حل والنحو حل باستمرار ما يتركنش والبلاغة اسئلتها محدودة انا كنت حافظة اجاباتها من الاستاذ بتاعنا والكتب بس لقيت ورق بلاغة ف الاخر لمستر اسامة عز الدين وطريقة اجابته جميلة وكتبتها ف الامتحان والقصة تتقري من النص والمعاني تتحفظ والسؤال بتاع الايحاء والدلالة حاول تزود فيه تكتب توحي بالفرح والنشوة والتفاؤل والامل قصدي مش تقتصر ع كلمة واحدة وتحاول ما تبخلش بالاجابة ف العربي حاول تقفل ع المصحح الاجابة وف اخر السنة اسبوع قبل الامتحان للعربي وحاولوا تستفيدوا من المنتدي هنا لو عندك مشكلة ف حاجة ف المادة
انا اسفة طولت معلش بس العربي مهم جدا ودرجته كبيرة عندنا ناس نقصت كتير بسببه فنفسي تقفلوه ان شاء الله عشان لو ده هدفك هتنقص بس نص او ممكن تقفله بكرم ربنا
معلش مش بعرف افيد اوي اصل انا ع قدي بقي بس ما شاء الله الدكاترة قايمين بالواجب هنا ربنا يبارك ويجازيهم كل خير يارب
__________________
وما توفيقي الا بالله
http://www.livequran.org/ قران مباشر ادعولى بظهر الغيب
[COLOR="Cyan"][/COLOR وظني فيك يارب جميل
ياااااااااااارب ارزقني العفة
05-08-2016, 08:45 AM
العرض الشجري
