دفعة ثانوية عامة 2016

[Mohamed_Hamza]

المشاركة الأصلية كتبت بواسطة رفيقة الامل

لو سمحت يادكتور
نعمل ايه ف الكيميا

راجعوا كل حاجة فيها هتعملوا ايه يعني غير كدا..
اقرأوها درس درس وحلوا عليه تاني من كتاب مراجعة نهائية وحلوا المسائل والحاجات اللي انتوا معلمين عليها دا لو كنتوا بتعلموا يعني..
وحلوا فيها امتحانات كتير عشان الكيميا بالذات الامتحانات هي اللي بتلمها..
العضوية تتراجع كلها كل يوم من اولها لاخرها عشان عليها درجة كبيرة + بتتنسي بسرعة فلازم تدوها اهتمام..
يعني مثلا لو معاكوا 3 فصول غير العضوية ف كل يوم: تراجعوا فصل وتحلوا عليه وتعملوا كل حاجة فيه بحيث تتقنوه تماما + تراجعوا العضوية كلها + تحلوا امتحانات باقي اليوم يجي 6 امتحانات كدا، تعملوا كدا كل يوم، الامتحانات دي لو حليتوها كويس هتلملكوا الدنيا جدا والله، تحلوها كويس انكوا اولا مش تسيبوا ولا سؤال فيها ثانيا لو مش عارفين حاجة فيها ترجعوا لمصدر المذاكرة وتشوفوها ورجوعكم للمعلومة دا كفيل انها تثبت فالدماغ ان شاء الله، جربوا انتوا بس..
وحاولوا وانتوا بتقرأوا الدرس عشان تراجعوه، تخبوا السطرين تلاتة اللي عليهم الدور في القراية وتحاولوا تفتكروهم وتجيبوهم من نفسكم، عشان سواء انت مش عرفت تفتكرهم او افتكرتهم هيثبتوا فدماغك اكتر.. طالما تعبت عشان توصلهم مش هتنساهم بسهولة، اما لو قرأت قراءة عادية هيكون احتمال انك تنساهم اكبر.. خليكوا فاكرين... ان اللي بيجي سهل بيروح سهل، دي قاعدة تمشي على اي حاجة في الحياة بشكل عام مش في المذاكرة بس، الكلام دا لو هتمشوا بيه تمشوا بيه في معادلات العضوية بردو واي حاجة تانية..
طبعا مش هوصيكم ع التجارب اللي في المنهج اوعوا تطنشوها..
وفي ليلة الامتحان تقرأوا المنهج كله ولو فيه صفحتين تلاتة اربعة اهملتوهم في المذاكرة ذاكروهم فيها كويس..
والصبح يوم الامتحان لو هتصحوا من بعد الفجر هيكون عندكوا وقت تقرأوا المنهج كله تاني..
وفي الطريق للامتحان اقرأي انتي الخلايا الكهربية عشان كانت عاملالك مشكلة، اما لو اتحلت مشكلتها خلاص... وزي ماقولتلك خليها اول حاجة تكتبيها في ورقة الاسئلة قبل ماتنسيها..