ماهى اﻻجراءت الجديدة لتجديد اﻻجازة

[prof76]

اين توجد منطقت القاهرة اﻻزهرية اﻻن هل تم نقلهاةمن مصطفى النحاس وهل تجديد اﻻجازات اصبح اﻻن من المنطقة فقط ام ايضا من القطاع والمشيخة الرجاء من لديه اى معلومات بخصوص هذا الموضوع يوضح لنا ايضاما هى اﻻجراءات الجديدة لتجديد اجازة تعاقد خارجى وجزاكم الله خيرا ولو امكن حد يرفع نموذج اجازة تجديد تعاقد خارجى خاص بمنطقة القاهرة وجزاكم الله خيرا

[salamasd]

جددت قبل كده والا لسه؟

[prof76]

تجديد وليس اول مرة

[mucho]

اسمها (منطقة) مش (منطقت)

[prof76]

ياسيدى سقطت سهوا سامحنى الكتابة على لوحة المفاتيح قد يكون بها هفوات غير مقصودة و إذا كنت تهتم حقا باللغة العربية فليس فيها (مش)

[mucho]

المشاركة الأصلية كتبت بواسطة prof76

ياسيدى سقطت سهوا سامحنى الكتابة على لوحة المفاتيح قد يكون بها هفوات غير مقصودة و إذا كنت تهتم حقا باللغة العربية فليس فيها (مش)

غلطتك في سياق العربية الفصحى أما ردي فبالعامية
متشغلش بالك وجل من لا يسهو

[prof76]

المشاركة الأصلية كتبت بواسطة mucho

غلطتك في سياق العربية الفصحى أما ردي فبالعامية
متشغلش بالك وجل من لا يسهو

وﻻيهمك بس انت لو قرأت الموضوع للنهاية الكلمة فى نهاية حديثى مكتوبة بشكل صحيح اكيد كنت هاتعرف انها سرعة فى الكتابة.

[mucho]

المشاركة الأصلية كتبت بواسطة prof76

وﻻيهمك بس انت لو قرأت الموضوع للنهاية الكلمة فى نهاية حديثى مكتوبة بشكل صحيح اكيد كنت هاتعرف انها سرعة فى الكتابة.

متزعلش مني يا بروف اكيد حضرتك متفق معايا في زيادة الاخطاء الاملائية الكارثية بين المدرسين على صفحات النت والفيس بشكل يدعو للرثاء زي كلمة (انشاء الله) و(المفرود) والقسم بـ (واللهي) و(فعلن وجدن) واخر حاجة (حسبي الله ونعمه الوكيل) حاجة ترفع الضغط ولما شفت (منطقت) قلت دي اكيد كلمة جديدة. تحياتي لحضرتك وكل سنة وحضرتك طيب بمناسبة شهر رمضان الكريم.

[salamasd]

الراجل بيسأل علي تجديد الاجازة دخلتوه في موال تاني
دخلوه حضانة احسن
اللي يعرف حاجة بخصوص الاجازة يرد عليه وخلاص
كل عام وانتم بخير رمضان كريم

[sherifkhattab]

نفسي ندخل فى الموضوع على طول ونبطل جدل وكلام كتير.الله المستعان
الاجازة الان يتم تجديدها من المنطقة الازهرية لكل محافظة ودا طبعا أسهل بكتير من الاول.يعنى مفيش مبنى البعوث ولا قطاع المعاهد ولا الحسين.كله بيتم داخل المنطقة.اما عن الدفع للفلوس كله زى ما كان ماعدا جريدة الازهر بتندفع مع التكافل فى بنك مصر.
بالنسبة للاستمارات حتجدها فى المنطقة التابع لها حضرتك.
بالتوفيق.ونورت مصر.

[prof76]

المشاركة الأصلية كتبت بواسطة sherifkhattab

نفسي ندخل فى الموضوع على طول ونبطل جدل وكلام كتير.الله المستعان
الاجازة الان يتم تجديدها من المنطقة الازهرية لكل محافظة ودا طبعا أسهل بكتير من الاول.يعنى مفيش مبنى البعوث ولا قطاع المعاهد ولا الحسين.كله بيتم داخل المنطقة.اما عن الدفع للفلوس كله زى ما كان ماعدا جريدة الازهر بتندفع مع التكافل فى بنك مصر.
بالنسبة للاستمارات حتجدها فى المنطقة التابع لها حضرتك.
بالتوفيق.ونورت مصر.

جزاك الله خيرا على ردك ومصر منورة بحضرتك وأهلها الطيبين

[prof76]

المشاركة الأصلية كتبت بواسطة salamasd

الراجل بيسأل علي تجديد الاجازة دخلتوه في موال تاني
دخلوه حضانة احسن
اللي يعرف حاجة بخصوص الاجازة يرد عليه وخلاص
كل عام وانتم بخير رمضان كريم

مشكور على مرورك وأعاد الله رمضان على مصر وأهلها وهم فى احسن حال

[prof76]

المشاركة الأصلية كتبت بواسطة mucho

متزعلش مني يا بروف اكيد حضرتك متفق معايا في زيادة الاخطاء الاملائية الكارثية بين المدرسين على صفحات النت والفيس بشكل يدعو للرثاء زي كلمة (انشاء الله) و(المفرود) والقسم بـ (واللهي) و(فعلن وجدن) واخر حاجة (حسبي الله ونعمه الوكيل) حاجة ترفع الضغط ولما شفت (منطقت) قلت دي اكيد كلمة جديدة. تحياتي لحضرتك وكل سنة وحضرتك طيب بمناسبة شهر رمضان الكريم.

وحضرتك طيب وجموع المدرسين