التحرش....ظاهرة طبيعية أم كارثة حقيقية؟؟؟

[أحمد2025]

المشاركة الأصلية كتبت بواسطة هنا الفقي

طيب هو انا مش صاحبة الموضوع بس بليز يا احمد اسمحلي اضيف التعليقات دي

اللي بيقول خروج المراة للعمل بملابس مش عارفة ايه ده يبقى عباده ..اح\نا بنقول العمل عباده بس ما قلناش ملابس ولا بتاع انما خروج المراة من بيتها اصلا بيشترط الاحتشام تماما


وغير ان البنات لازم يظبطوا لبسهم كمان لازم الشباب يمسكوا نفسهم شوية وانا عارفة ومقدة ان الشباب ما سكين نفسهم كتييييير مش شوية بس
وطبيعي اللي بيتحرش ده بيبقى كائن غير طبيعي بالمرة وصعب جدا يسمع كلام حد او ياخد نصيحة او ........


وهل انتو شايفين انو صح فعلا ان البنت تاخد حقها بقوة وثبات وعشان هي محترمة هاتجبر كل اللي حوابيها يصدقوها ويحترموها ويدافعوا عنها كمان
ما انا قلت المحترم محترم وبيبان

بصوا ..يعني انا هاقول حاجة ما كنتش اتمنى اني اقولها خالص بسص لو لاقدر الله تعرضت لموقف زي ده لا قدر الله اني اسكت عشان نظرة المجتمع دي حاجة عمري ما هسامح نفسي عليها وهافضل موجوعة منها اوي طول عمري غير لو اتكلمت واخدت حقي وعرفتو مقامه صحيح هايزيد احتامي لنفسي جدا جدا جدا


وعاوزة الاراء امعاضة نناقشها بردو

بصى ياهنا
المشكلة مش فى انك تاخدى حقك
فى اى موضوع على فكرة انا مش بحط الناس هيبصوا ليه ازاى فى دماغى
المشكلة مثلا
انك لما تعرفى الحيوان ده مقامة
هينكر طبعا انه اتحرش
طيب هو اتحرش يعنى هيكدب عادى
فى الوقت ده هتكون نظرة مثلا الناس اللى فى الأتوبيس ليكى ازاى؟؟
ربنا يهديكى يابنتى ومش عارف ايه والكلام الفاضى ده كلة
بس انا بساند البنت اللى تعرف تاخد حقها وبشراسة
شكرا جزيلا على متبعاتك المميزة للموضوع