"خليها تصدي" تواصل حملتها ضد غلاء السيارات.. ونشطاء: "لازم نأخذ موقف"

[mr/Guirguis George]

واصلت صفحة "خليها تصدي"، عبر موقع التواصل الاجتماعي "فيس بوك"، حملتها في محاولة لرفع وعي المستهلك للتصدي للارتفاع الجنوني الذي تشهده سوق السيارات في الفترة الحالية.

وأثارت أسعار السيارات الجديدة استياء رواد مواقع التواصل الاجتماعي، مبدين تعجبهم حول ما يُشاع بأن سبب ارتفاع أسعار السيارات هو ارتفاع سعر الدولار، واصفين ذلك بأنها أسعار جنونية ولا يوجد مبرر لها.

ودعت الحملة إلى الإعراض عن شراء السيارات الجديدة بقولهم "مش هنشتري عربيات لحد ما سعرها ينزل زي الأول وأرخص".

وقال إبراهيم، أحد النشطاء: "لازم يبقي في رقابة صارمة من المسؤولين لأن كل تاجر بيتعامل بمزاجه.. وكمان لازم نشغل مصنع نصر تاني بس بالطرق الحديثة وبكده هانوفر وظائف لشبابنا وفي نفس الوقت هنغطي السوق المحلية بسيارات محلية الصنع ويكون في رقابة صارمة على الجودة لأن دي أرواح ناس، ويا ريت نسيبنا من نغمة الدولار، إحنا لازم نأخد موقف علشان نستحق الأفضل".

وأضاف محمد، ناشط آخر: "زيادة الأسعار المستمرة في العربيات سببها الأساسي الناس اللي بتشتري لأننا بقينا نقول يالا نفسي والكلام ده مش على تجار العربيات بس دلوقتي كل مخازن التجار بتوع الأغذية مردومة كانزات علشان الكان هيغلي نص جنيه والتجار متأكدين إن الناس هتشتري برضه يبقى قبل ما حد يلوم الحملة نلوم نفسنا الأول اننا مش قادرين ناخد موقف إننا نبقى إيد واحدة وبالنسبة للناس اللي لحقت واشترت عربية قبل الزيادة أقولهم مبروك عليكم اللي وفرتوه في العربية هتضيعوه في زيادات باقي السلع علشان مقدرتش تاخد موقف إيجابي وسيبت التاجر يضحك عليك".

يذكر أن عدد المتفاعلين مع الحملة على "فيس بوك"، منذ إنشائها، قراب من الوصول إلى 100 ألف متابع.

http://www.elwatannews.com/news/details/1170227

[العشرى1020]

احسن حاجة يشتروا عجل صينى ويعملوا اضراب عن السيارات
شكرا جزيلا على الخبر وجزاك الله خيرا

[الفيلسوف]

فى استغلال من المعارض والوكلاء
بجانب زيادة سعر الدولار
لازم الكل يشارك فى الحملة لأن فعلا الوضع والزيادات غير طبيعية
شكرا على الخبر أستاذى الفاضل