دفعة ثانوية عامة 2016

[علا علي ٣٣٣]

المشاركة الأصلية كتبت بواسطة Mohamed_Hamza

كفاية نص المنهج في الاحصا عسل اوي، هتنجح بيه اصلا لو واحد جاب اقل من درجة النجاح بكام درجة بيرفعوا الكام درجة دول وينجحوه.
الدين احفظ الاحاديث الي عندك كلها واقرأ قصص الصحابة اللي في الاخر دي، وباقي الورقة طلع علي جمعه اللي جواك.
الاقتصاد والتربية الوطنية نزل الكام ورقة دول واحفظهم مش كتير، ومش لازم تحفظهم كلهم بردو، ذاكر الكم اللي تحس انه ينجحك بس.
الاقتصاد. التربية الوطنية.



ايوا من دلوقتي، حتى لو مذاكرة قليلة جدا، بس مش ليلة الامتحان تكون فاتحهم لاول مرة يعني.



-النوم: الوقت اللي تحسي فيه انك عايزة تنامي خليه معاد نومك، عشان مش هتستوعبي بعده.
-الصحيان: نزلي تطبيق alarmy sleep if u can من يوم مانزلته وانا بصحى فمعاد محدد.
حبذا النوم من 10 ل 3 معاد ممتاز جدا دلوقتي.
بس على فكرة مش النوم بس اللي محتاج تنظيم، دا كل حاجة.
######
قاعدة لوشاتيليه بسيطة جدا، هي خاصة بالتفاعل المتزن، فيه 3 حاجات بتأثر على سرعة التفاعل المتزن دا: التركيز ودرجة الحرارة والضغط، لو زادت او قلت حاجة من التلاتة دول (مؤثر خارجي) التفاعل المتزن ميبقاش متزن ساعتها، هيختل توازنه، ودا مينفعش عشان هو لازم يتزن "من اسمه"، فعشان كدا التفاعل من نفسه هينشط في اتجاه معين عشان يلغي تأثير المؤثر دا عشان يرجع متزن من تاني زي ما كان.


*التركيز:
تأثير التركيز دا يعني اضافة مواد او سحبها من التفاعل (سواء متفاعلة او ناتجة).
مثلا ناخد التفاعل دا:
A + B ⇌ C
- لو اضفنا A او B هينشط في الاتجاه الطردي (اتجاه تكوين C)
-لو سحبنا منه A او B هينشط في الاتجاه العكسي (اتجاه تكوين A و B )

-لو اضفنا C هينشط في الاتجاه العكسي.
-لو سحبنا كمية من C هينشط في الاتجاه الطردي.


*الضغط:
2A + B ⇌ C
عدد مولات المتفاعلات هنا (3 مول) اكبر من عدد مولات النواتج (1 مول)
يعني حجم المتفاعلات اكبر من حجم النواتج..
تخيلي لو واحد ماسك سفنجة بإيده جامد، هيكون الضغط عليها كبير بس حجمها قليل، ولو سابها حجمها هيكبر ومش هيكون عليها ضغط، اذا الضغط بيتناسب عكسيا مع الحجم.
يعني في المثال ضغط المتفاعلات اقل من ضغط النواتج.
-يبقى عند زيادة الضغط يسير التفاعل في الاتجاه اللي فيه عدد مولات اقل (حجمه اقل) عشان يقلل التأثير دا ويتزن (في المثال دا هيسير في الاتجاه الطردي)
-وعند تقليل الضغط يسير التفاعل في الاتجاه الي فيه عدد مولات اكثر (حجمه اكبر) عشان يقلل التأثير دا ويتزن ( في المثال دا هيسير في الاتجاه العكسي).

-لو الاتنين عندهم نفس عدد المولات الضغط مش هيأثر مهما زاد او قل، لانه مش هيعرف يروح لانهي اتجاه فيهم.

-تقليل الحجم (او حجم الاناء) =زيادة الضغط
-زيادة الحجم (او حجم الاناء) =تقليل الضغط


*درجة الحرارة:
فيه نوعين من التفاعل يا اما طارد للحرارة (ينتج عنه حرارة) يا اما ماص للحرارة (بيحتاج حرارة).
في السؤال تعرفي الطارد من الماص كدا:
-الطارد: بتكون فيه ΔH سالبة او Heat في النواتج.
-الماص:بتكون فيه ΔH موجبة او Heat في المتفاعلات.
ممكن بدل ال Heat دي يكتب J او kJ او Energy او كالوري وكلهم الغرض منهم واحد "كمية الطاقة الحرارية"

"التبريد في الطارد طردي" احفظي الجملة اللي كلها جرس موسيقي دي وهيا هتجيب الباقي، قصدي انك لما تعرفي ان التبريد في الطارد طردي، يبقى التسخين فيه اكيد عكسي، والماص تعكسي الكلام اللي في الطارد دا.

-لو قال تفاعل "في اناء مغلق" يقصد انه تفاعل متزن (ينطبق عليه كلام لوشاتيليه)
######
الخلايا الكهربية دي انا اكتر واحد كنت بنساها، ملهاش طريقة بالنسبالي، كرريها وخلاص اي حاجة بتيجي بالتكرار... سمعيهم لنفسك كل ما تقرأيهم بس الخمسة مع بعض مش كل واحدة لوحدها، ومش تقلبي عليهم الا ما تسمعيهم كلهم مع بعض غيبا بدون اخطاء، اول مرة هتكون صعبة وهتاخد وقت، بس المرة الي بعدها ومع التكرار هيكونوا اسهل بكتير وهتحفظيهم.
######
الحديثة شوفي محمد عبد المعبود شرحه كويس فيها، وحلي عليها كتير.. الحاجة اللي مش تفهميها احفظيها زي ماهي وخلاص، انا فيه حاجات فيها مكنتش بفهمها بردو وتعبت في فهمها بس في الاخر حفظتها وخلاص والدنيا مشيت يعني.
ولو لسه مش فاهمة لوشاتيليه قولي السؤال اللي واقف قدامك فيه.



هما الاتنين يمشوا بس طالما جم مع بعض كدا فهختار provides عشان فعل afford دا الاستخدام الاشهر ليه مع can و could وبيكونوا منفيين غالبا، فلو جت جملة تانية زي دي وفيها can او could هنختار afford
(بس على فكرة اخر السنة مفيش الكلام دا، يا ابيض يا اسود، مفيش اختيار ينفع اوي واختيار ينفع نص ونص والشغل دا)


هتبقى had had علشان ندمان على حاجة حصلت في الماضي، ندمان انه ماكنش معاه فلوس في الماضي عشان يساعد الفقير.


them watching و their watching الاتنين صح.


الجملة دي صح مفهاش غلطة، وممكن تكتبي في الاخر from بردو صح.


هتبقى might او would


He is هتبقى He was عشان تمشي مع حالة If التالتة.

ايه الكتاب الغريب العجيب اللي بتحلي منه دا؟؟
بلاش منه



من 5 الى 3 بس
عضلات الرئتين

تمام جزاك الله كل خير
بالنسبة لسؤال ال find الي حضرتك قولت عليه صح
هي هتبقي where plants get their food

[Mohamed_Hamza]

المشاركة الأصلية كتبت بواسطة علا علي ٣٣٣

تمام جزاك الله كل خير
بالنسبة لسؤال ال find الي حضرتك قولت عليه صح
هي هتبقي where plants get their food

اه دي هتبقى كأنها جملة خبرية صح
نسيت الحكاية دي
جزاكي الله خيرا

[علا علي ٣٣٣]

المشاركة الأصلية كتبت بواسطة mohamed_hamza

اه دي هتبقى كأنها جملة خبرية صح
نسيت الحكاية دي
جزاكي الله خيرا

و جزاك مثله
معلش يا دكتور سؤال اخير الباب الخامس جيولوجيا مش بيثبت معايا خالص اعمل فيه اي ؟؟؟

[Mohamed_Hamza]

المشاركة الأصلية كتبت بواسطة علا علي ٣٣٣

و جزاك مثله
معلش يا دكتور سؤال اخير الباب الخامس جيولوجيا مش بيثبت معايا خالص اعمل فيه اي ؟؟؟

طالما بتنسيه على طول كدا يبقى اكيد حفظتيه زي ماهو وخلاص،
بس الفصل دا مش كدا، الفصل دا عشان يثبت محتاج يتفهم الاول سواء من نفسك او تشوفيله شرح ع النت (مستر احمد شفيق او كايرو دار او اي حاجة) بس يكون بيفهم، عشان تتخيلي الكلام المكتوب، وهتلاقي حفظه بقى اسهل بكتير.
فصل سهل جدا على فكرة دا كان اكتر فصل بحبه في الجيو..
صدقوني مفيش سر او طريقة معينة لمذاكرة اي حاجة، اي حاجة مهما كانت صعبة بالتكرار والحل بتيجي..
-الحاجة اللي محتاجة فهم واغلب في فهمها، بحفظها زي ما هي وخلاص، واحل عليها كتير، ومشكلتها بتتحل..
-والحاجة اللي محتاجة حفظ واغلب في حفظها، بحاول افهمها الاول واتخيلها، عشان تثبت اكتر واعرف اعبر عن اللي انا فاهمه مش لازم زي الكتاب بالنص، واحل عليها كتير ومشكلتها بتتحل..

ممكن كل ما تذاكري جيو تختبري نفسك فيه ولو حتى ربع او تلت ساعة بس، لحد مايثبت..

[علا علي ٣٣٣]

المشاركة الأصلية كتبت بواسطة mohamed_hamza

طالما بتنسيه على طول كدا يبقى اكيد حفظتيه زي ماهو وخلاص،
بس الفصل دا مش كدا، الفصل دا عشان يثبت محتاج يتفهم الاول سواء من نفسك او تشوفيله شرح ع النت (مستر احمد شفيق او كايرو دار او اي حاجة) بس يكون بيفهم، عشان تتخيلي الكلام المكتوب، وهتلاقي حفظه بقى اسهل بكتير.
فصل سهل جدا على فكرة دا كان اكتر فصل بحبه في الجيو..
صدقوني مفيش سر او طريقة معينة لمذاكرة اي حاجة، اي حاجة مهما كانت صعبة بالتكرار والحل بتيجي..
-الحاجة اللي محتاجة فهم واغلب في فهمها، بحفظها زي ما هي وخلاص، واحل عليها كتير، ومشكلتها بتتحل..
-والحاجة اللي محتاجة حفظ واغلب في حفظها، بحاول افهمها الاول واتخيلها، عشان تثبت اكتر واعرف اعبر عن اللي انا فاهمه مش لازم زي الكتاب بالنص، واحل عليها كتير ومشكلتها بتتحل..

ممكن كل ما تذاكري جيو تختبري نفسك فيه ولو حتى ربع او تلت ساعة بس، لحد مايثبت..

انا فاهماه كويس الحمد لله المستر كان شرحه كويس جدا بس مش عارفة احفظه خالص مش بيثبت بس المشكلة اني مش عارفة اقوله بنص الكتاب زي باقي الابواب
خلاص انا هحل عليه كتير زي ما حضرتك قولت يمكن يثبت
جزاك الله كل خير

[حيااااااااة]

المشاركة الأصلية كتبت بواسطة علا علي ٣٣٣

انا فاهماه كويس الحمد لله المستر كان شرحه كويس جدا بس مش عارفة احفظه خالص مش بيثبت بس المشكلة اني مش عارفة اقوله بنص الكتاب زي باقي الابواب
خلاص انا هحل عليه كتير زي ما حضرتك قولت يمكن يثبت
جزاك الله كل خير

ممكن تشوفي شرح مستر احمد شفيق ع النت ،، شرحه حلوو وبيثبت المعلومة
حتى لو المستر الي بتروحيله كويس جداا ممكن تستفيدي اكتر

[علا علي ٣٣٣]

المشاركة الأصلية كتبت بواسطة حيااااااااة

ممكن تشوفي شرح مستر احمد شفيق ع النت ،، شرحه حلوو وبيثبت المعلومة
حتى لو المستر الي بتروحيله كويس جداا ممكن تستفيدي اكتر

خلاص هدخل اشوفه برضه يمكن يثبت الباب دا عملي عقدة
جزاك الله كل خير

[aalaaabdelhamed]

المشاركة الأصلية كتبت بواسطة علا علي ٣٣٣

و جزاك مثله
معلش يا دكتور سؤال اخير الباب الخامس جيولوجيا مش بيثبت معايا خالص اعمل فيه اي ؟؟؟

فعلا الباب ده طويل عامل ازمة ليا بردو عايز يتظبط