تقييم أعضاء المنتدى

[dr.saeed]

السلام عليكم ورحمة الله
ازيكم يا جماعة عاملين ايه؟
ندخل كدة فى شوية اسئلة محندقين على اد ارق ملاك
1
ايه اكتر شىء بتحبى تشوفيه
2
ايه اكتر شىء بتكرهى تشوفيه
3
ايه رايك فى امكانيات مخك وعقلك
4
ايه الى دايما بتصلحيه فى نفسك
5
ايه الى انتى مش عارفه تصلحيه فى نفسك
6
ايه اكتر حاجة تخافى منها
7
ايه الى بيحصل ادامك ويخلى نبض قلبك يقف
8
ايه حلم حياتك
9
هل هاتقدرى فعلا تحققيه او هل هو فعلا على اد قدراتك
10
هل تقدرى تقفى فى وش دكتور فى الجامعة مثلا
11
هل تعتقدى النقاب فرض عليكى ام سنة من وجهة نظرك انتى؟
12
هل تتخيلى فى يوم ان حلم حياتك يضيع منك؟
13
وايه هايكون احساسك ساعتها؟
14
هل بتحسى فعلا انك اكبر من ثقة الناس فيكى؟
15
ايه اكتر حاجة ندمتى عليها؟
16
ايه اكتر حاجة وجعت قلبك؟
17
موقف حسسك ب(الاستغباء)
18
موقف حسسك بذكائك
19
موقف سببلك الم لغاية هذة اللحظة
20
اكتر بنت فى المنتدى ليها قدر عندك؟
وماتقوليش كله لان كل حاجة وليها درجة
21
مين اكتر عضوة بيعجبك ردودها
22
مين اكتر عضوه تحبى تتناقشى معاها فى المنتدى
23
مين اكتر بنت بتكلميها عموما؟
24
هل عاجبك المنتدى؟
25
ايه رأيك فى الادارة من جهة نظرك الشخصية وعلى راسهم الاستاذ اشرف
26
مين اكتر عضو بتحسى انه مثقف
27
مين العضو الى انتى بتحسى انه عكس الاخرين بمعنى (انه حكيم ومش عصبى)؟
28
لو واحد باعتلك رسالة تعارف وانتى ماتعرفهوش هاتردى تقوليله ايه؟
29
لو رسالة خاصة جالتلك انها من بنت وعاوزة ايميلك وبعد ما اتكلمت قالت (انا ولد) هاتعملى ايه وقبلها هاتقولى ايه؟
30
هل ندمتى فى مرة انك اشتركتى فى المنتدى (انا عارف ان الاجابة نعم) السؤال بقى ليه؟
هل مرة صغرتى ادام عينيكى؟
يعنى نفسك صغرت شوية او حسيتى ان قدرك اتهز؟
31
هل مرة حسيتى ان ثقتك قلت عند بنت؟
32
ايه ردك لو بنت صاحبتك قالتلك انتى بتحب الواد كذا وانتى اصلا حتى مش معجبة بيه؟وهل حصلك فعلا وعملتى ايه؟
33
لما واحد بيسيىء للدين ادامك بيكون ايه احساسك؟
34
مين اكتر مدرس هنا شوفتيله مجهود
35
اكتر مشرف(ة) بتحترميه(ا)
36
اكتر كائن بيسمعلك؟
37
مبن الاقرب الوالد ام الوالدة؟
38
بيكون ايه احساسك لحظة الوداع؟
39
بيكون ايه شعورك لحظة اتخاذ القرار بالفراق؟
40
بيكون ايه شعورك لو عرفتى انك صدمتى انسان وجرحيته جامد بدون قصد؟
41
بتعملى ايه لما بتكونى عاوزة تعملى حاجة وانتى شايفه انها صح وفرض عليكى والكل معارضينك؟
42
لو حصل لا قدر الله يعنى اتكتب كتابك من واحد يشهد له بالاحترام ومرة واحدة عرفتى انه من الى بيكتب كتابهم كل فترة ويفسخه عشان يبقى ماشى وخلاص فى الحلال هايكون ايه شعورك؟
43
لما قررتى تسيبى المنتدى كان ليه؟
44
ولما رجعتى كان ليه بردة؟
45
هل حسيتى بضعف لما رجعتى فى القرار؟
46
حل حسيتى ساعتها ان مكانتك عند الاعضاء اكبر مما كنتى تتوقعى؟
47
اخر مرة حسيتى فيها انك اتفهمتى غلط امتى وليه حسيتى بكدة؟
48
موقف نفسك تتراجعى عنه بس فات وقته للاسف؟
49
ايه المهنة الى نفسك تكونى فيها؟
50
ايه هى احب البلاد الى قلبك؟(مصر.السعودية(عشان مكة) ام غيرهم؟)
اى رد حسيت انك ما فهمتوش هابقى اوضحة بعدين بمثال وانتظر ردك فيه

كفاية كدة ونكمل 50 التناين بأذن الله

ما يلفظ من قول
الا لديه
رقيب عتيد