ممكن حد يساعدني

[سمبل سمايل^_^]

انا طالبه في أول ثانوي مصريه بس عيشه في الامارات وبفكر انزل اكمل الثانويه في مصر لان الدراسه بقت صعبه وكمان المجموع مبيفضلش زي ما هوا بينقص مع العلم ان نفسي ادخل طب .
يا ترى انزل ولا لا عيزه أعرف المناهج في مصر ازاي والمواضيع الي فيها ونظام الامتحانات والمواد الي في علمي وتقسيم الدرجات والتنسيق ازاي. ياريت أي حد عنده معلومه او نصيحه ميبخلش عليا ولو طالبه في اول ثانوي ياريت تتواصل معايا . أعرف منها المناهج والامتحانات عملا ازاي.أنا في انتظار ردكم وربنا يوفقكم.

[سمبل سمايل^_^]

شكرا ليك على ردك وفعلا صلاة الاسنخاره مهمه.بس مفهمتش انت قلتي هتقوليلي أعمل ايه ومقلتيش كنت تقصدي صلاة الاستخاره ولا في حاجه تنيه.وشكرا تاني.
وأنا في انتظار مشركة باقي الاعضاء

[samar_kassem]

حببتي خاليكي في الامارات وخدي الثانوية من هناك واعملي معادلة وان شأ الله تدخلي طب
منهج الصف الاول في مصر فية مواد اساسية معاكي تدريسيها طول العام مثل ( اللغة العربية- الانجليزي- الفرنساوي- الرياضيات - التربية الوطنية -الدين ) ثم مواد تنقسم الى ترمين الاتدرسية ي ترم اول مثلا ( فيزياء - جغرافيا - فلسفة ) الترم الثاني تدرسي ( كيمياء - احياء - تاريخ ) دة منهج الصف الاول في مصر مع تحياتي لك بالتوفيق

[SmSm Basha]

المشاركة الأصلية كتبت بواسطة سمبل سمايل^_^

انا طالبه في أول ثانوي مصريه بس عيشه في الامارات وبفكر انزل اكمل الثانويه في مصر لان الدراسه بقت صعبه وكمان المجموع مبيفضلش زي ما هوا بينقص مع العلم ان نفسي ادخل طب .
يا ترى انزل ولا لا عيزه أعرف المناهج في مصر ازاي والمواضيع الي فيها ونظام الامتحانات والمواد الي في علمي وتقسيم الدرجات والتنسيق ازاي. ياريت أي حد عنده معلومه او نصيحه ميبخلش عليا ولو طالبه في اول ثانوي ياريت تتواصل معايا . أعرف منها المناهج والامتحانات عملا ازاي.أنا في انتظار ردكم وربنا يوفقكم.

اهلا سمبل سمايل ...... انا اسلام رايح اولى ثانوي ان شاء الله ... بالنسبة للمواد و الحاجات دي الاخت سمر مشكورة قالت على كل حاجة انا بس كنت عايز انصحك نصيحة لله ..... خليكي قاعدة عندك احسن لان الحال في مصر اصبح في غاية السوء انا مش بتكلم على التعليم بس لا كل حاجة كل حاجة ...... و لو كنتي تابعتي الاحداث و الصراعات و المهازل اللي حصلت في امتحانات الثانوية السنة دي من انتحارات و بكاء و نحيب هتعرفي ان دا اكبر دليل على كلامي ...... وفي النهاية الاختيار اختيارك .... اه ...... بالنسبة ان الدراسة عندك صعبة فهي بالتاكيد هنا اصعب ...... واعتقد ان في حل لمشكلة المجموع دي وعلى العموم ربنا يوفقك ان شاء الله و تدخلي الكلية اللي انتي عايزاها ...... تقبلي مروري و تحياتي .....

[goda2]

اهلا وسهلا بيكى
انا عارفه ان المناهج عندك صعبه لان وحده صاحبتى كانت عندكم ونزلت تكمل هنا
انتى الى بتدرسيه بنكون احنا لسه مش درسناه والله ده بجد لان صاحبتى قالتلى ان المنهج ده انا درسته فى الامارات
وكان صعب انها تتكايف مره تانيه معانا وقاعدة وقت طويل جدا لما عرفت ازاى احنا بندرس
ومن حكاية الدراسه فهيا عندنا برده صعبه يعنى انتى الى بتا خديه احنا بناخده بس مع اختلاف بسيط
طالما مفيش حاجه بنختلف فيها كتير خليكى عندك احسن وتواصلى مع زمالائك
وعلى حكاية التنسيق والمجاميع فهيا عندنا وحشه جدا وكمان حاجات كتيره اتغيرت فى مصر
يعنى خليكى عندك احسن
وان شاء الله تدخلى الكليه الى انتى عوزاها
وصلى صلاة الاستخاره والقرار يرجعلك انتى حسب رغبتك

[Erona]

ان شاء الله ربنا هيدلك على الخير