اقتباس:
المشاركة الأصلية كتبت بواسطة mohamed dokdok
يا جدعان النص التاني من الضوء فظيع
|
بتاع المنشور الثلاثي و الرقيق ؟
صدقني اول فصلين دول كانو زي العسل علي قلبي الترم الاول و وقت الامتحانات ماخادوش وقت معايا في المراجعة
هقولك علي الخلاصة ، انت اتفاجئت من الاثباتات و القوانين اللي بدأت تكتر ، كل ده عادي .. الاثباتات اللي في المنهج عندك مش كتير و سهلين جدا لو بتذاكر الفيزيا بفهم اكتر من الحفظ
هقولك علي طريقة حلوة ، عايزك كل يوم و يوم كدا تفتح الفيزيا تراجع الاثباتات و القوانين دي و تكتبها بإيدك كتييير كذا مرة و تسمعهم لنفسك في ورقة كل فترة و مع الوقت هتلاقي الدنيا بقت حلوة اوي معاك و لما تحس انك الي حد ما اتمكنت منها بعدها تبقي تراجع من الجزء المجاني بقي مش من كتاب الشرح بالذات اسئلة علل عشان تلم الفصل كله علي بعضه ، و تدخل بقي علي الحل ..
نصيحة مني: تحل اسئلة كتاب الامتحان كلها علي كل فصل تخلصه حتي لو تعريفات ماتستسهلش و تقول انا حافظهم ، لأ اكتبهم عشان ايدك تاخد عليهم
بالنسبة للمسائل تحلهم برضه و تشوف المسألة اللي فكرتها تقف قدامك و تعلم جنبها كدا و تحلها مرة و اتنين و تلاتة لحد ما فكرتها تثبت في دماغك ، و كل ما تلم افكار مسائل اكتر كل ما تتمكن اكتر من الفصل ده
و صدقني هتيجي في ايام الامتحانات بقي هتلاقي مراجعة الفصل مابتاخدش معاك وقت ، و ترجع للمسائل اللي كنت معلم عليها في الاول و تراجع عليها
ده تقريبا النظام اللي مشيت بيه مع الفيزيا الترم الاول و الحمد لله نفعني جدا جدا
09-03-2016, 11:06 PM
العرض المتطور
