دفعة ثانوية عامة 2016

[Mohamed_Hamza]

المشاركة الأصلية كتبت بواسطة علا علي ٣٣٣

ربنا يجازيك خير يا رب عننا
هو المشكلة دلوقتي اني حاسة اني مش عارفة الم المناهج خالص
في حاجات واقعة مني و في كذا مادة خلصناها و برده مش عارفة اقفلها
دا بيجيب احباط
و اخر حاجة و اهم حاجة ازاي منضيعش الوقت ؟؟؟؟

حاسة انك مش عارفة تلمي المنهج؟
أولاً: مبروك، احب ابشرك ان دا احساس المتفوقين، كل الاوائل واللي جابوا مجموع عالي كانوا حاسين نفس الاحساس في الوقت دا
ثانياً: دا من الاحاسيس الكدّابة اللي كنت بحذركوا منها، يعني الكلام دا مش حقيقي، حتى لو مذاكرة المنهج عشرين مرة هيفضل عندك نفس الاحساس دا
ثالثاً: الحل حاجة واحدة مفيش غيرها، حل امتحانات كتير، ابدأوا حلوا امتحانات من دلوقتي حتى لو مخلصتوش لسه، كنت السنة اللي فاتت زيك كدا بالظبط في كام مادة وكنت عمَال أراجع وأنسى أراجع وأنسى، لحد ما ربنا كرمني وبدأت احل امتحانات، الاطمئنان والسكينة نزلت على قلبي من بعدها وحسيت أني تمكنت من المنهج وفرحان بقى وكدا
ابدأي من دلوقتي أعملي جدول للمراجعة مع حل امتحان واحد حتى كل مرة تذاكروا فيها المادة، اثناء حل الامتحانات، الحاجات اللي واقعة منك دي هتقابلك في الحل، اشطا دا المطلوب، ترجعي بقى لمصدر المذاكرة (مش تروحي تشوفي الاجابة اللي ف اخر الكتاب هاه) وتشوفي بقا الحاجة دي وتحفظيها، نفس الحاجة هتقابلك تاني وتالت اكيد، تاني مرة هترجعيلها بردو، بعد كدا؟ خلاص، الحاجات اللي كانت واقعة منك دي هتبقي اسهل حاجة بالنسبالك، واسألي مجرب (أنا).
مش عايز الأحاسيس دي تجبلكوا احباط او اي حاجة يا جماعة، عشان الاحاسيس دي مع انها كدابة وعبيطة، بس ممكن تدمر ناس ممتازة لو استسلموا ليها.

.....................

بالنسبة لتضييع الوقت، نفسي افهم هو انتوا ازاي مش مقدرين ان الشهرين دول اهم شهرين في حياتكم ؟!!! وانهم اهم من كل اللي عدا، هقولها للمرة العشرين، فيه ناس لما في ثانوية مكانوش بيذاكروا من أول السنة وبدأوا يذاكروا بجد من دلوقتي و في الأخر جابوا مجموع عالي (99%) ودا حصل قدامي مش بألف، وفيه ناس تانية شادة حيلها ع الاخر من اول السنة وجت الفترة دي وريحت، وفي الاخر محصلوش 85% ، مع انهم كانوا شغالين كويس جداً، بس للأسف جم في اهم فترة (اللي احنا فيها دي) وريحوا، عرفتوا بئا قيمة الوقت دا ؟ اه ؟ طيب ايه الحاجة اللي بتعملها وتستاهل انك تضيع اهم شهرين في حياتك عشانها ؟؟!!! يا جماعة ابوس اياديكوا انتوا مش مقدرين اللي انتوا فيه والله، مش هتقدر قيمة الوقت دا غير لما تيجي في امتحانات آخر السنة وتتزنقي في سؤال او اتنين وتقولي ياريتني ارجع ساعة واحدة بس او حتى نص ساعة اذاكر الدرس دا، هيكون اكتر احساس ابن كلب هتحسوه في حياتكوا انا عارف، (الواحد مش بيحس بقيمة الحاجة غير لما تضيع منه، مثلاً الرجل اللي بنمشي عليها دي ومش مدينها اهمية ونشكر النعمة، لا احنا مش هنحس انها مهمة بجد غير لما تحصلنا حادثة وتتكسر أو تتقطع ومنعرفش نستخدمها تاني، وقتها بس هنحس بقيمتها)، وبنفس الكيفية الوقت اللي بتضيعوه ع الفاضي داـ طيب وليه توصلوا نفسكوا لكدا ؟! طيب مانتوا لسه الفرصة بين ايديكوا حتى لو واحد فاكر نفسه ضايع ممكن في الوقت الباقي دا انه يرتب ع الجمهورية بس مين يفكر صح بئا!! بس عدم تضييع الوقت دا محتاج تحكم في النفس عالي ودا محتاج صبر ومش بيجي من يوم وليلة، فانتوا ممكن تاخدوا كام خطوة كدا للطوارئ بما ان الوقت قدامكوا محدود ودي طبعاً للأشخاص اللي مش بيقدروا يمسكوا نفسهم قدام المغريات:
* الموبايل: واللي فيه من (فيس، واتس، ألعاب ) الحاجات دي ادمان بمعنى الكلمة فمش هقلكوا الغوها من الموبايل، لا، عشان لو اتلغت الاحتمال الاكبر انكم هترجعوها تاني، فانتوا ترموا السمارت فون اللي معاكوا دا وتمسكوا Nokia 1100 ، ايوا هو دا موبايل المرحلة، وهتقضوا بيه احتياجاتكم الاساسية من الموبايل (المكالمات "الضرورية بس طبعا").
* التلفزيون: أغبى اختراع بالنسبالي لو بتضيعوا وقت ع الجهاز دا مش عارف اقولكوا ايه الصراحة، شوية ناس بتاخد ملايين على قفانا واحنا بناخد تضييع وقت ع الفاضي من غير أي استفادة، الصراحة جهاز ملوش تلاتين لازمة، انا عندي المكواه اهم منه. (غير طبعاً لو برامج تعليمية بس للضرورة بس، مش تسمعوا كل الحلقات لمجرد انها "برامج تعليمية" )
خلوا قدامكم هدف قوي واشتغلوا عليه، وانسواا أي حاجة تانية دول شهرين يا جدعان مش مستحميلن!! الحاجات التانية دي مش هتفيدكوا ع المدى البعيد، دي هتستمعوا بيها ساعة أو اتنين بس، انما المتعة الحقيقية مش فيها، في الهدف اللي انتوا المفروض حاطينه لما توصلوه ان شاء الله، حطوا الهدف دا قدامكوا واتعلقوا بيه هو بس، عايزك تبصي للهدف دا زي ما بيبص الواحد الغرقان للهوا، هي الحاجة الوحيدة اللي على باله، وهي الحاجة الوحيدة اللي عايزها، وهي الحاجة الوحيدة اللي هتنقذه.
انا عارف انك كارهة المذاكرة محدش بيحبها، بس انتي مضطرة تذاكري، فارجوكي هطلب منك طلب غريب شوية: حبّي المذاكرة، عشان ع الاقل تقدري تذاكري لفترة اطول، فيه مثل بيقول:
"If you don't do what you love, you've to love what you do"
فانتي دلوقتي مابتعمليش what you love ، فلازم تحبي what you do عشان تعدي سنتك دي على خير ، والله هتلاقوا المذاكرة ممتعة بس انتوا حبوها بس، الدنيا هتبقى حلوة والله
وفي الأخر هسيبكوا تتأملوا مقولة لمحمد علي كلاي، بتجيب م الآخر ويخلص عندها الكلام:

[Duke Tefa]

المشاركة الأصلية كتبت بواسطة mohamed_hamza

[size=3]

حاسة انك مش عارفة تلمي المنهج؟
أولاً: مبروك، احب ابشرك ان دا احساس المتفوقين، كل الاوائل واللي جابوا مجموع عالي كانوا حاسين نفس الاحساس في الوقت دا
ثانياً: دا من الاحاسيس الكدّابة اللي كنت بحذركوا منها، يعني الكلام دا مش حقيقي، حتى لو مذاكرة المنهج عشرين مرة هيفضل عندك نفس الاحساس دا
ثالثاً: الحل حاجة واحدة مفيش غيرها، حل امتحانات كتير، ابدأوا حلوا امتحانات من دلوقتي حتى لو مخلصتوش لسه، كنت السنة اللي فاتت زيك كدا بالظبط في كام مادة وكنت عمَال أراجع وأنسى أراجع وأنسى، لحد ما ربنا كرمني وبدأت احل امتحانات، الاطمئنان والسكينة نزلت على قلبي من بعدها وحسيت أني تمكنت من المنهج وفرحان بقى وكدا
ابدأي من دلوقتي أعملي جدول للمراجعة مع حل امتحان واحد حتى كل مرة تذاكروا فيها المادة، اثناء حل الامتحانات، الحاجات اللي واقعة منك دي هتقابلك في الحل، اشطا دا المطلوب، ترجعي بقى لمصدر المذاكرة (مش تروحي تشوفي الاجابة اللي ف اخر الكتاب هاه) وتشوفي بقا الحاجة دي وتحفظيها، نفس الحاجة هتقابلك تاني وتالت اكيد، تاني مرة هترجعيلها بردو، بعد كدا؟ خلاص، الحاجات اللي كانت واقعة منك دي هتبقي اسهل حاجة بالنسبالك، واسألي مجرب (أنا).
مش عايز الأحاسيس دي تجبلكوا احباط او اي حاجة يا جماعة، عشان الاحاسيس دي مع انها كدابة وعبيطة، بس ممكن تدمر ناس ممتازة لو استسلموا ليها.

.....................

بالنسبة لتضييع الوقت، نفسي افهم هو انتوا ازاي مش مقدرين ان الشهرين دول اهم شهرين في حياتكم ؟!!! وانهم اهم من كل اللي عدا، هقولها للمرة العشرين، فيه ناس لما في ثانوية مكانوش بيذاكروا من أول السنة وبدأوا يذاكروا بجد من دلوقتي و في الأخر جابوا مجموع عالي (99%) ودا حصل قدامي مش بألف، وفيه ناس تانية شادة حيلها ع الاخر من اول السنة وجت الفترة دي وريحت، وفي الاخر محصلوش 85% ، مع انهم كانوا شغالين كويس جداً، بس للأسف جم في اهم فترة (اللي احنا فيها دي) وريحوا، عرفتوا بئا قيمة الوقت دا ؟ اه ؟ طيب ايه الحاجة اللي بتعملها وتستاهل انك تضيع اهم شهرين في حياتك عشانها ؟؟!!! يا جماعة ابوس اياديكوا انتوا مش مقدرين اللي انتوا فيه والله، مش هتقدر قيمة الوقت دا غير لما تيجي في امتحانات آخر السنة وتتزنقي في سؤال او اتنين وتقولي ياريتني ارجع ساعة واحدة بس او حتى نص ساعة اذاكر الدرس دا، هيكون اكتر احساس ابن كلب هتحسوه في حياتكوا انا عارف، (الواحد مش بيحس بقيمة الحاجة غير لما تضيع منه، مثلاً الرجل اللي بنمشي عليها دي ومش مدينها اهمية ونشكر النعمة، لا احنا مش هنحس انها مهمة بجد غير لما تحصلنا حادثة وتتكسر أو تتقطع ومنعرفش نستخدمها تاني، وقتها بس هنحس بقيمتها)، وبنفس الكيفية الوقت اللي بتضيعوه ع الفاضي داـ طيب وليه توصلوا نفسكوا لكدا ؟! طيب مانتوا لسه الفرصة بين ايديكوا حتى لو واحد فاكر نفسه ضايع ممكن في الوقت الباقي دا انه يرتب ع الجمهورية بس مين يفكر صح بئا!! بس عدم تضييع الوقت دا محتاج تحكم في النفس عالي ودا محتاج صبر ومش بيجي من يوم وليلة، فانتوا ممكن تاخدوا كام خطوة كدا للطوارئ بما ان الوقت قدامكوا محدود ودي طبعاً للأشخاص اللي مش بيقدروا يمسكوا نفسهم قدام المغريات:
* الموبايل: واللي فيه من (فيس، واتس، ألعاب ) الحاجات دي ادمان بمعنى الكلمة فمش هقلكوا الغوها من الموبايل، لا، عشان لو اتلغت الاحتمال الاكبر انكم هترجعوها تاني، فانتوا ترموا السمارت فون اللي معاكوا دا وتمسكوا nokia 1100 ، ايوا هو دا موبايل المرحلة، وهتقضوا بيه احتياجاتكم الاساسية من الموبايل (المكالمات "الضرورية بس طبعا").
* التلفزيون: أغبى اختراع بالنسبالي لو بتضيعوا وقت ع الجهاز دا مش عارف اقولكوا ايه الصراحة، شوية ناس بتاخد ملايين على قفانا واحنا بناخد تضييع وقت ع الفاضي من غير أي استفادة، الصراحة جهاز ملوش تلاتين لازمة، انا عندي المكواه اهم منه. (غير طبعاً لو برامج تعليمية بس للضرورة بس، مش تسمعوا كل الحلقات لمجرد انها "برامج تعليمية" )
خلوا قدامكم هدف قوي واشتغلوا عليه، وانسواا أي حاجة تانية دول شهرين يا جدعان مش مستحميلن!! الحاجات التانية دي مش هتفيدكوا ع المدى البعيد، دي هتستمعوا بيها ساعة أو اتنين بس، انما المتعة الحقيقية مش فيها، في الهدف اللي انتوا المفروض حاطينه لما توصلوه ان شاء الله، حطوا الهدف دا قدامكوا واتعلقوا بيه هو بس، عايزك تبصي للهدف دا زي ما بيبص الواحد الغرقان للهوا، هي الحاجة الوحيدة اللي على باله، وهي الحاجة الوحيدة اللي عايزها، وهي الحاجة الوحيدة اللي هتنقذه.
انا عارف انك كارهة المذاكرة محدش بيحبها، بس انتي مضطرة تذاكري، فارجوكي هطلب منك طلب غريب شوية: حبّي المذاكرة، عشان ع الاقل تقدري تذاكري لفترة اطول، فيه مثل بيقول:
"if you don't do what you love, you've to love what you do"
فانتي دلوقتي مابتعمليش what you love ، فلازم تحبي what you do عشان تعدي سنتك دي على خير ، والله هتلاقوا المذاكرة ممتعة بس انتوا حبوها بس، الدنيا هتبقى حلوة والله
وفي الأخر هسيبكوا تتأملوا مقولة لمحمد علي كلاي، بتجيب م الآخر ويخلص عندها الكلام:

كلامك جميل اوي يا دوك

[علا علي ٣٣٣]

المشاركة الأصلية كتبت بواسطة mohamed_hamza

[size=3]

حاسة انك مش عارفة تلمي المنهج؟
أولاً: مبروك، احب ابشرك ان دا احساس المتفوقين، كل الاوائل واللي جابوا مجموع عالي كانوا حاسين نفس الاحساس في الوقت دا
ثانياً: دا من الاحاسيس الكدّابة اللي كنت بحذركوا منها، يعني الكلام دا مش حقيقي، حتى لو مذاكرة المنهج عشرين مرة هيفضل عندك نفس الاحساس دا
ثالثاً: الحل حاجة واحدة مفيش غيرها، حل امتحانات كتير، ابدأوا حلوا امتحانات من دلوقتي حتى لو مخلصتوش لسه، كنت السنة اللي فاتت زيك كدا بالظبط في كام مادة وكنت عمَال أراجع وأنسى أراجع وأنسى، لحد ما ربنا كرمني وبدأت احل امتحانات، الاطمئنان والسكينة نزلت على قلبي من بعدها وحسيت أني تمكنت من المنهج وفرحان بقى وكدا
ابدأي من دلوقتي أعملي جدول للمراجعة مع حل امتحان واحد حتى كل مرة تذاكروا فيها المادة، اثناء حل الامتحانات، الحاجات اللي واقعة منك دي هتقابلك في الحل، اشطا دا المطلوب، ترجعي بقى لمصدر المذاكرة (مش تروحي تشوفي الاجابة اللي ف اخر الكتاب هاه) وتشوفي بقا الحاجة دي وتحفظيها، نفس الحاجة هتقابلك تاني وتالت اكيد، تاني مرة هترجعيلها بردو، بعد كدا؟ خلاص، الحاجات اللي كانت واقعة منك دي هتبقي اسهل حاجة بالنسبالك، واسألي مجرب (أنا).
مش عايز الأحاسيس دي تجبلكوا احباط او اي حاجة يا جماعة، عشان الاحاسيس دي مع انها كدابة وعبيطة، بس ممكن تدمر ناس ممتازة لو استسلموا ليها.

.....................

بالنسبة لتضييع الوقت، نفسي افهم هو انتوا ازاي مش مقدرين ان الشهرين دول اهم شهرين في حياتكم ؟!!! وانهم اهم من كل اللي عدا، هقولها للمرة العشرين، فيه ناس لما في ثانوية مكانوش بيذاكروا من أول السنة وبدأوا يذاكروا بجد من دلوقتي و في الأخر جابوا مجموع عالي (99%) ودا حصل قدامي مش بألف، وفيه ناس تانية شادة حيلها ع الاخر من اول السنة وجت الفترة دي وريحت، وفي الاخر محصلوش 85% ، مع انهم كانوا شغالين كويس جداً، بس للأسف جم في اهم فترة (اللي احنا فيها دي) وريحوا، عرفتوا بئا قيمة الوقت دا ؟ اه ؟ طيب ايه الحاجة اللي بتعملها وتستاهل انك تضيع اهم شهرين في حياتك عشانها ؟؟!!! يا جماعة ابوس اياديكوا انتوا مش مقدرين اللي انتوا فيه والله، مش هتقدر قيمة الوقت دا غير لما تيجي في امتحانات آخر السنة وتتزنقي في سؤال او اتنين وتقولي ياريتني ارجع ساعة واحدة بس او حتى نص ساعة اذاكر الدرس دا، هيكون اكتر احساس ابن كلب هتحسوه في حياتكوا انا عارف، (الواحد مش بيحس بقيمة الحاجة غير لما تضيع منه، مثلاً الرجل اللي بنمشي عليها دي ومش مدينها اهمية ونشكر النعمة، لا احنا مش هنحس انها مهمة بجد غير لما تحصلنا حادثة وتتكسر أو تتقطع ومنعرفش نستخدمها تاني، وقتها بس هنحس بقيمتها)، وبنفس الكيفية الوقت اللي بتضيعوه ع الفاضي داـ طيب وليه توصلوا نفسكوا لكدا ؟! طيب مانتوا لسه الفرصة بين ايديكوا حتى لو واحد فاكر نفسه ضايع ممكن في الوقت الباقي دا انه يرتب ع الجمهورية بس مين يفكر صح بئا!! بس عدم تضييع الوقت دا محتاج تحكم في النفس عالي ودا محتاج صبر ومش بيجي من يوم وليلة، فانتوا ممكن تاخدوا كام خطوة كدا للطوارئ بما ان الوقت قدامكوا محدود ودي طبعاً للأشخاص اللي مش بيقدروا يمسكوا نفسهم قدام المغريات:
* الموبايل: واللي فيه من (فيس، واتس، ألعاب ) الحاجات دي ادمان بمعنى الكلمة فمش هقلكوا الغوها من الموبايل، لا، عشان لو اتلغت الاحتمال الاكبر انكم هترجعوها تاني، فانتوا ترموا السمارت فون اللي معاكوا دا وتمسكوا nokia 1100 ، ايوا هو دا موبايل المرحلة، وهتقضوا بيه احتياجاتكم الاساسية من الموبايل (المكالمات "الضرورية بس طبعا").
* التلفزيون: أغبى اختراع بالنسبالي لو بتضيعوا وقت ع الجهاز دا مش عارف اقولكوا ايه الصراحة، شوية ناس بتاخد ملايين على قفانا واحنا بناخد تضييع وقت ع الفاضي من غير أي استفادة، الصراحة جهاز ملوش تلاتين لازمة، انا عندي المكواه اهم منه. (غير طبعاً لو برامج تعليمية بس للضرورة بس، مش تسمعوا كل الحلقات لمجرد انها "برامج تعليمية" )
خلوا قدامكم هدف قوي واشتغلوا عليه، وانسواا أي حاجة تانية دول شهرين يا جدعان مش مستحميلن!! الحاجات التانية دي مش هتفيدكوا ع المدى البعيد، دي هتستمعوا بيها ساعة أو اتنين بس، انما المتعة الحقيقية مش فيها، في الهدف اللي انتوا المفروض حاطينه لما توصلوه ان شاء الله، حطوا الهدف دا قدامكوا واتعلقوا بيه هو بس، عايزك تبصي للهدف دا زي ما بيبص الواحد الغرقان للهوا، هي الحاجة الوحيدة اللي على باله، وهي الحاجة الوحيدة اللي عايزها، وهي الحاجة الوحيدة اللي هتنقذه.
انا عارف انك كارهة المذاكرة محدش بيحبها، بس انتي مضطرة تذاكري، فارجوكي هطلب منك طلب غريب شوية: حبّي المذاكرة، عشان ع الاقل تقدري تذاكري لفترة اطول، فيه مثل بيقول:
"if you don't do what you love, you've to love what you do"
فانتي دلوقتي مابتعمليش what you love ، فلازم تحبي what you do عشان تعدي سنتك دي على خير ، والله هتلاقوا المذاكرة ممتعة بس انتوا حبوها بس، الدنيا هتبقى حلوة والله
وفي الأخر هسيبكوا تتأملوا مقولة لمحمد علي كلاي، بتجيب م الآخر ويخلص عندها الكلام:

ربنا يجازيك خير يا رب
استفدت فعلا لاني برده كنت بقول اراجع الاول و بعدين احل امتحانات
ان شاء الله امشي علي كلامك و ربنا يوفقنا
شكرا لحضرتك

[aalaaabdelhamed]

المشاركة الأصلية كتبت بواسطة mohamed_hamza

[size=3]

حاسة انك مش عارفة تلمي المنهج؟
أولاً: مبروك، احب ابشرك ان دا احساس المتفوقين، كل الاوائل واللي جابوا مجموع عالي كانوا حاسين نفس الاحساس في الوقت دا
ثانياً: دا من الاحاسيس الكدّابة اللي كنت بحذركوا منها، يعني الكلام دا مش حقيقي، حتى لو مذاكرة المنهج عشرين مرة هيفضل عندك نفس الاحساس دا
ثالثاً: الحل حاجة واحدة مفيش غيرها، حل امتحانات كتير، ابدأوا حلوا امتحانات من دلوقتي حتى لو مخلصتوش لسه، كنت السنة اللي فاتت زيك كدا بالظبط في كام مادة وكنت عمَال أراجع وأنسى أراجع وأنسى، لحد ما ربنا كرمني وبدأت احل امتحانات، الاطمئنان والسكينة نزلت على قلبي من بعدها وحسيت أني تمكنت من المنهج وفرحان بقى وكدا
ابدأي من دلوقتي أعملي جدول للمراجعة مع حل امتحان واحد حتى كل مرة تذاكروا فيها المادة، اثناء حل الامتحانات، الحاجات اللي واقعة منك دي هتقابلك في الحل، اشطا دا المطلوب، ترجعي بقى لمصدر المذاكرة (مش تروحي تشوفي الاجابة اللي ف اخر الكتاب هاه) وتشوفي بقا الحاجة دي وتحفظيها، نفس الحاجة هتقابلك تاني وتالت اكيد، تاني مرة هترجعيلها بردو، بعد كدا؟ خلاص، الحاجات اللي كانت واقعة منك دي هتبقي اسهل حاجة بالنسبالك، واسألي مجرب (أنا).
مش عايز الأحاسيس دي تجبلكوا احباط او اي حاجة يا جماعة، عشان الاحاسيس دي مع انها كدابة وعبيطة، بس ممكن تدمر ناس ممتازة لو استسلموا ليها.

.....................

بالنسبة لتضييع الوقت، نفسي افهم هو انتوا ازاي مش مقدرين ان الشهرين دول اهم شهرين في حياتكم ؟!!! وانهم اهم من كل اللي عدا، هقولها للمرة العشرين، فيه ناس لما في ثانوية مكانوش بيذاكروا من أول السنة وبدأوا يذاكروا بجد من دلوقتي و في الأخر جابوا مجموع عالي (99%) ودا حصل قدامي مش بألف، وفيه ناس تانية شادة حيلها ع الاخر من اول السنة وجت الفترة دي وريحت، وفي الاخر محصلوش 85% ، مع انهم كانوا شغالين كويس جداً، بس للأسف جم في اهم فترة (اللي احنا فيها دي) وريحوا، عرفتوا بئا قيمة الوقت دا ؟ اه ؟ طيب ايه الحاجة اللي بتعملها وتستاهل انك تضيع اهم شهرين في حياتك عشانها ؟؟!!! يا جماعة ابوس اياديكوا انتوا مش مقدرين اللي انتوا فيه والله، مش هتقدر قيمة الوقت دا غير لما تيجي في امتحانات آخر السنة وتتزنقي في سؤال او اتنين وتقولي ياريتني ارجع ساعة واحدة بس او حتى نص ساعة اذاكر الدرس دا، هيكون اكتر احساس ابن كلب هتحسوه في حياتكوا انا عارف، (الواحد مش بيحس بقيمة الحاجة غير لما تضيع منه، مثلاً الرجل اللي بنمشي عليها دي ومش مدينها اهمية ونشكر النعمة، لا احنا مش هنحس انها مهمة بجد غير لما تحصلنا حادثة وتتكسر أو تتقطع ومنعرفش نستخدمها تاني، وقتها بس هنحس بقيمتها)، وبنفس الكيفية الوقت اللي بتضيعوه ع الفاضي داـ طيب وليه توصلوا نفسكوا لكدا ؟! طيب مانتوا لسه الفرصة بين ايديكوا حتى لو واحد فاكر نفسه ضايع ممكن في الوقت الباقي دا انه يرتب ع الجمهورية بس مين يفكر صح بئا!! بس عدم تضييع الوقت دا محتاج تحكم في النفس عالي ودا محتاج صبر ومش بيجي من يوم وليلة، فانتوا ممكن تاخدوا كام خطوة كدا للطوارئ بما ان الوقت قدامكوا محدود ودي طبعاً للأشخاص اللي مش بيقدروا يمسكوا نفسهم قدام المغريات:
* الموبايل: واللي فيه من (فيس، واتس، ألعاب ) الحاجات دي ادمان بمعنى الكلمة فمش هقلكوا الغوها من الموبايل، لا، عشان لو اتلغت الاحتمال الاكبر انكم هترجعوها تاني، فانتوا ترموا السمارت فون اللي معاكوا دا وتمسكوا nokia 1100 ، ايوا هو دا موبايل المرحلة، وهتقضوا بيه احتياجاتكم الاساسية من الموبايل (المكالمات "الضرورية بس طبعا").
* التلفزيون: أغبى اختراع بالنسبالي لو بتضيعوا وقت ع الجهاز دا مش عارف اقولكوا ايه الصراحة، شوية ناس بتاخد ملايين على قفانا واحنا بناخد تضييع وقت ع الفاضي من غير أي استفادة، الصراحة جهاز ملوش تلاتين لازمة، انا عندي المكواه اهم منه. (غير طبعاً لو برامج تعليمية بس للضرورة بس، مش تسمعوا كل الحلقات لمجرد انها "برامج تعليمية" )
خلوا قدامكم هدف قوي واشتغلوا عليه، وانسواا أي حاجة تانية دول شهرين يا جدعان مش مستحميلن!! الحاجات التانية دي مش هتفيدكوا ع المدى البعيد، دي هتستمعوا بيها ساعة أو اتنين بس، انما المتعة الحقيقية مش فيها، في الهدف اللي انتوا المفروض حاطينه لما توصلوه ان شاء الله، حطوا الهدف دا قدامكوا واتعلقوا بيه هو بس، عايزك تبصي للهدف دا زي ما بيبص الواحد الغرقان للهوا، هي الحاجة الوحيدة اللي على باله، وهي الحاجة الوحيدة اللي عايزها، وهي الحاجة الوحيدة اللي هتنقذه.
انا عارف انك كارهة المذاكرة محدش بيحبها، بس انتي مضطرة تذاكري، فارجوكي هطلب منك طلب غريب شوية: حبّي المذاكرة، عشان ع الاقل تقدري تذاكري لفترة اطول، فيه مثل بيقول:
"if you don't do what you love, you've to love what you do"
فانتي دلوقتي مابتعمليش what you love ، فلازم تحبي what you do عشان تعدي سنتك دي على خير ، والله هتلاقوا المذاكرة ممتعة بس انتوا حبوها بس، الدنيا هتبقى حلوة والله
وفي الأخر هسيبكوا تتأملوا مقولة لمحمد علي كلاي، بتجيب م الآخر ويخلص عندها الكلام:

جزاك الله كل خير يا دكتور ياريت تتابعنا علطول ونشتري كتب ايه مراجعة

[Mohamed_Hamza]

المشاركة الأصلية كتبت بواسطة aalaaabdelhamed

جزاك الله كل خير يا دكتور ياريت تتابعنا علطول ونشتري كتب ايه مراجعة

ان شاء الله هتابعكوا على قد ماقدر.
الكتب اللي انا كنت جايبها للمراجعة :
*العربي: الرسالة (لازم) + ملحق التدريبات بتاع الاضواء + الامتحان مراجعة كنت باخد منه قطع النحو بس احلها مع مستر أسامة عز الدين على النت على موقع بنذاكر
*الانجلش:
-كتاب امتحانات yasser's notes ودا لازم تجيبوه اتصرفوا هاتوه بأي طريقة عشان فيه اكتر من 140 امتحان منهم 70 امتحان متجاوبين اجابة كاملة ونموذجية
- surprise
-the best (مافتحتوش)
*الكيمياء: الأستاذ + الامتحان + مندليف (الأستاذ عشان احل على دروس المنهج والامتحان عشان احل الامتحانات) هو كتاب مندليف أحسن من الامتحان عشان الامتحانات آللي فيه أكثر ، بس مشكلته آنه مش متجاوب فلو هتخلوا استاذكوا يحله معاكوا هاتوه وبلاش الامتحان.
*الفرنساوي: genial احسن كتاب مراجعة و شرح ، انقذني الصراحة
*الفيرياء: الامتحان مراجعة وكنت جايب بردو كتاب اسمه الماسي فيه 70 امتحان متجاوب، بس اللي عامل الكتاب دايخ شوية كنت بطلع منه أخطاء بس مش كتير يعني، والوسام جبته ومفتحتوش.
*الجيولوجيا: الامتحان مراجعة + الأول
*الاحياء: مش هقدر اتكلم عن المادة دي، متاخدوش رايي فيها.

دي الكتب اللي كانت معايا، ومش لازم تجيبوا زيها بالظبط، الرك على شغلك انت مش ع الكتاب آللي معاك، لو انت شاطر مش هتفرق معاك

اكتبوا على جوجل "نادين مدحت فودة" اول موقع يطلع معاكوا في البحث دا موقع راجل محترم، نزلت منه ورق مراجعة نحو في اخر السنة كويس جدا، معرفش نزل دلوقتي ولا لا.

[aalaaabdelhamed]

المشاركة الأصلية كتبت بواسطة mohamed_hamza

ان شاء الله هتابعكوا على قد ماقدر.
الكتب اللي انا كنت جايبها للمراجعة :
*العربي: الرسالة (لازم) + ملحق التدريبات بتاع الاضواء + الامتحان مراجعة كنت باخد منه قطع النحو بس احلها مع مستر أسامة عز الدين على النت على موقع بنذاكر
*الانجلش:
-كتاب امتحانات yasser's notes ودا لازم تجيبوه اتصرفوا هاتوه بأي طريقة عشان فيه اكتر من 140 امتحان منهم 70 امتحان متجاوبين اجابة كاملة ونموذجية
- surprise
-the best (مافتحتوش)
*الكيمياء: الأستاذ + الامتحان + مندليف (الأستاذ عشان احل على دروس المنهج والامتحان عشان احل الامتحانات) هو كتاب مندليف أحسن من الامتحان عشان الامتحانات آللي فيه أكثر ، بس مشكلته آنه مش متجاوب فلو هتخلوا استاذكوا يحله معاكوا هاتوه وبلاش الامتحان.
*الفرنساوي: Genial احسن كتاب مراجعة و شرح ، انقذني الصراحة
*الفيرياء: الامتحان مراجعة وكنت جايب بردو كتاب اسمه الماسي فيه 70 امتحان متجاوب، بس اللي عامل الكتاب دايخ شوية كنت بطلع منه أخطاء بس مش كتير يعني، والوسام جبته ومفتحتوش.
*الجيولوجيا: الامتحان مراجعة + الأول
*الاحياء: مش هقدر اتكلم عن المادة دي، متاخدوش رايي فيها.

دي الكتب اللي كانت معايا، ومش لازم تجيبوا زيها بالظبط، الرك على شغلك انت مش ع الكتاب آللي معاك، لو انت شاطر مش هتفرق معاك

اكتبوا على جوجل "نادين مدحت فودة" اول موقع يطلع معاكوا في البحث دا موقع راجل محترم، نزلت منه ورق مراجعة نحو في اخر السنة كويس جدا، معرفش نزل دلوقتي ولا لا.

تمام جزاك الله خيرا يا دكتور

[سوسوكاتى]

المشاركة الأصلية كتبت بواسطة Mohamed_Hamza

ان شاء الله هتابعكوا على قد ماقدر.
الكتب اللي انا كنت جايبها للمراجعة :
*العربي: الرسالة (لازم) + ملحق التدريبات بتاع الاضواء + الامتحان مراجعة كنت باخد منه قطع النحو بس احلها مع مستر أسامة عز الدين على النت على موقع بنذاكر
*الانجلش:
-كتاب امتحانات yasser's notes ودا لازم تجيبوه اتصرفوا هاتوه بأي طريقة عشان فيه اكتر من 140 امتحان منهم 70 امتحان متجاوبين اجابة كاملة ونموذجية
- surprise
-the best (مافتحتوش)
*الكيمياء: الأستاذ + الامتحان + مندليف (الأستاذ عشان احل على دروس المنهج والامتحان عشان احل الامتحانات) هو كتاب مندليف أحسن من الامتحان عشان الامتحانات آللي فيه أكثر ، بس مشكلته آنه مش متجاوب فلو هتخلوا استاذكوا يحله معاكوا هاتوه وبلاش الامتحان.
*الفرنساوي: genial احسن كتاب مراجعة و شرح ، انقذني الصراحة
*الفيرياء: الامتحان مراجعة وكنت جايب بردو كتاب اسمه الماسي فيه 70 امتحان متجاوب، بس اللي عامل الكتاب دايخ شوية كنت بطلع منه أخطاء بس مش كتير يعني، والوسام جبته ومفتحتوش.
*الجيولوجيا: الامتحان مراجعة + الأول
*الاحياء: مش هقدر اتكلم عن المادة دي، متاخدوش رايي فيها.

دي الكتب اللي كانت معايا، ومش لازم تجيبوا زيها بالظبط، الرك على شغلك انت مش ع الكتاب آللي معاك، لو انت شاطر مش هتفرق معاك

اكتبوا على جوجل "نادين مدحت فودة" اول موقع يطلع معاكوا في البحث دا موقع راجل محترم، نزلت منه ورق مراجعة نحو في اخر السنة كويس جدا، معرفش نزل دلوقتي ولا لا.

جزاك الله كل خير
كان عندى استفسار بس
دلوقتى انا باخد كيميا وفيزيا عند استاذة عندنا المهم يعنى الاستاذة دى مبتعترفش لو اجابة سؤال علل نص سطر او سطر حتى ولو كتاب الامتحان مثلا مجاوبها كده او حتى نموذج اجابة الوزارة وبتقولنا اى حاجة فى الامتحان لازم نقعد نشرح اصلها وفصلها عشان المصحح يفهم وبالتالى انا بتضايق اوى كل اما امتحن عندها عشان بحس انى لو عملت كده فى اخر السنة هضيع وقت كتيير وف نفس الوقت المس مخوفانى وقالت اللى بيكتب اجابات صغيرة مبيجبش درجات
"ع أساس يعنى ان الاجابة بعدد السطور "

وربنا يجعله فى ميزان حسناتك يا دكتور

[Mohamed_Hamza]

المشاركة الأصلية كتبت بواسطة سوسوكاتى

جزاك الله كل خير
كان عندى استفسار بس
دلوقتى انا باخد كيميا وفيزيا عند استاذة عندنا المهم يعنى الاستاذة دى مبتعترفش لو اجابة سؤال علل نص سطر او سطر حتى ولو كتاب الامتحان مثلا مجاوبها كده او حتى نموذج اجابة الوزارة وبتقولنا اى حاجة فى الامتحان لازم نقعد نشرح اصلها وفصلها عشان المصحح يفهم وبالتالى انا بتضايق اوى كل اما امتحن عندها عشان بحس انى لو عملت كده فى اخر السنة هضيع وقت كتيير وف نفس الوقت المس مخوفانى وقالت اللى بيكتب اجابات صغيرة مبيجبش درجات
"ع أساس يعنى ان الاجابة بعدد السطور "

وربنا يجعله فى ميزان حسناتك يا دكتور

كلام المس دا اقرب ما يكون الى البتنجان
الكلام اللي هقوله دا على ضمانتي انا وصحابي اللي قفلوا المواد مش اي حد يعني:
الاجابة على قد السؤال لا اكتر ولا اقل، انشالله تكون كلمتين بس. المصحح مش عايز الرغي المكتوب دا كله، هو بيكون مستني كلمة او كلمتين اول مايشوفهم يدي الطالب الدرجة على طول، اما لو كنت هترغي كتير برا السؤال عشان تحسسي المصحح انك فاهمة بقى وكدا، فدا غلط خالص، المصحح هيحتقرك، وهيفتكرك بتغفليه كمان.
هقولكوا ايه اللي بيحصل في التصحيح : المصحح بيكون قدامه 300 ورقة يصححها في يوم واحد، قرفان من نفسه، و الشغلانة اللي هو فيها و من حياته كلها، لسه متخانق مع مراته قبل مايجي، صايم، غرقان في عرقه، والمروحة اللي فأوضة التصحيح لازم تكون بايظة، بيمسك نموذج الاجابة لاول واخر مرة، بيفتحه عشان يشوف السؤال اللي هيصححه (سؤال مقالي زي علل كدا)
السؤال كان:" علل: تهاجر السلحفاة من هنا الى هناك في فصل الربيع."
الاجابة اللي في النموذج: "لان خصائصها الفسيولوجية لا تمكنها من البقاء هنا في فصل الربيع، حيث ان الزهور لا تتفتح الا هناك، والسلحفاة بحاجة الى شم تلك الزهور لكي تقوم بعملية البناء الضوئي"
هو شاف في اجابة النموذج دي كلمتين او تلاتة بس حلوين وعجبوه، اكيد مش هتكون كلمات ربط جمل او حروف جر او ظرف زي كدا "لان، هنا، بحاجة،تلك" لا خالص، اللي هتعجبه كلمات في صلب الموضوع، كلمات لابد منها مينفعش تجيبلها بديل في الاجابة، كلمات زي دي "الفسيولوجية، الزهور، البناء الضوئي"، الكلمتين دول لزقوا في دماغه وهيفضل مش فاكر من الاجابة غيرهم طول ماهو بيصحح، خلاص هو كدا خد اللي هو عايزه من النموذج، بيكرمش نموذج الاجابة ويرميه ع الارض، او يلفه ويعمل بيه قرطاس عشان هو من هواة جمع القراطيس، المهم زميله يسلمه اول ورقة عشان يصحح السؤال بتاعه اللي هو عليه الدور في التصحيح، يشوف اول سطر من اجابة الواد (اللي عارف الاجابة) ، وعينيه مستنية الكلمتين اللي لازقين في دماغه من النموذج، شاف اول سطر بس، هو مش عنده خلق ولا صبر يكمل للسطر التاني في الجو الصعب دا، لقاه في السطر الاول دا بيشرح الهجرة وتعريفها وبتتم ازاي، وبعدين قال الاجابة المطلوبة بس في اخر سطر، بس المصحح للاسف ماكملش قراية لاخر سطر فراح مديه صفر.
شاف طالب تاني (عارف الاجابة) بس بادئ الكلام، بالسلحفاة وجاب قصة حياتها من اول ما تولدت لحد ماهاجرت، خد صفر بردو.
واحد تالت (عارف الاجابة) راح بادئ الاجابة بالمطلوب بالظبط، وبعدين اتكلم عن الهجرة وقصة حياة السلحفاة، دا خد الدرجة اه، بس ضيع وقته ع الفاضي، في كتابة اللي مش مطلوب وملحقش يراجع، عشان كدا غلط في سؤال غير دا، ونقص درجات بردو.
واحد رابع (عارف الاجابة) راح كتب المطلوب على قد ما السؤال عايز بالظبط، من غير تقصير مخل، وقفل الامتحان، عشان كان عنده وقت كافي يراجع فيه عشان كان بيكتب المفيد بس، مش قعد يفتي ويرص كلام ع الفاضي.

الخلاصة بقى في 3 حالات:
- لو انت عارف الاجابة وحابب تفتي (غير مستحسن) : اكتب الاجابة في الاول، ع الوش كدا وبعدين افتي براحتك بس خد بالك من الوقت.
-لو انت عارف الاجابة ومش حابب تفتي (مستحسن) : انت كدا صاحبي وحبيبي وكفاءة.
-لو مش عارف الاجابة خالص: للاسف هتضطر تفتي، مهما يكن الفتي بعيد عن الاجابة او قريب منها، احسن من انك تسيب السؤال فاضي وتضمن الصفر.

مش اي كلام تقوله المس يبقى صح، مش تخليها تخوفك، انتي صح وهيا الغلط، خلي عندك شخصية، ومش تخليها تتحكم فيكي، عشان متلبيسيش في الحيط اخر السنة.
دي كمان بتدي درس كيمياء وفيزياء مع بعض، لا تعليق بجد، ماتسمعيش كلامها وخلاص.

[سوسوكاتى]

المشاركة الأصلية كتبت بواسطة Mohamed_Hamza

كلام المس دا اقرب ما يكون الى البتنجان
الكلام اللي هقوله دا على ضمانتي انا وصحابي اللي قفلوا المواد مش اي حد يعني:
الاجابة على قد السؤال لا اكتر ولا اقل، انشالله تكون كلمتين بس. المصحح مش عايز الرغي المكتوب دا كله، هو بيكون مستني كلمة او كلمتين اول مايشوفهم يدي الطالب الدرجة على طول، اما لو كنت هترغي كتير برا السؤال عشان تحسسي المصحح انك فاهمة بقى وكدا، فدا غلط خالص، المصحح هيحتقرك، وهيفتكرك بتغفليه كمان.
هقولكوا ايه اللي بيحصل في التصحيح : المصحح بيكون قدامه 300 ورقة يصححها في يوم واحد، قرفان من نفسه، و الشغلانة اللي هو فيها و من حياته كلها، لسه متخانق مع مراته قبل مايجي، صايم، غرقان في عرقه، والمروحة اللي فأوضة التصحيح لازم تكون بايظة، بيمسك نموذج الاجابة لاول واخر مرة، بيفتحه عشان يشوف السؤال اللي هيصححه (سؤال مقالي زي علل كدا)
السؤال كان:" علل: تهاجر السلحفاة من هنا الى هناك في فصل الربيع."
الاجابة اللي في النموذج: "لان خصائصها الفسيولوجية لا تمكنها من البقاء هنا في فصل الربيع، حيث ان الزهور لا تتفتح الا هناك، والسلحفاة بحاجة الى شم تلك الزهور لكي تقوم بعملية البناء الضوئي"
هو شاف في اجابة النموذج دي كلمتين او تلاتة بس حلوين وعجبوه، اكيد مش هتكون كلمات ربط جمل او حروف جر او ظرف زي كدا "لان، هنا، بحاجة،تلك" لا خالص، اللي هتعجبه كلمات في صلب الموضوع، كلمات لابد منها مينفعش تجيبلها بديل في الاجابة، كلمات زي دي "الفسيولوجية، الزهور، البناء الضوئي"، الكلمتين دول لزقوا في دماغه وهيفضل مش فاكر من الاجابة غيرهم طول ماهو بيصحح، خلاص هو كدا خد اللي هو عايزه من النموذج، بيكرمش نموذج الاجابة ويرميه ع الارض، او يلفه ويعمل بيه قرطاس عشان هو من هواة جمع القراطيس، المهم زميله يسلمه اول ورقة عشان يصحح السؤال بتاعه اللي هو عليه الدور في التصحيح، يشوف اول سطر من اجابة الواد (اللي عارف الاجابة) ، وعينيه مستنية الكلمتين اللي لازقين في دماغه من النموذج، شاف اول سطر بس، هو مش عنده خلق ولا صبر يكمل للسطر التاني في الجو الصعب دا، لقاه في السطر الاول دا بيشرح الهجرة وتعريفها وبتتم ازاي، وبعدين قال الاجابة المطلوبة بس في اخر سطر، بس المصحح للاسف ماكملش قراية لاخر سطر فراح مديه صفر.
شاف طالب تاني (عارف الاجابة) بس بادئ الكلام، بالسلحفاة وجاب قصة حياتها من اول ما تولدت لحد ماهاجرت، خد صفر بردو.
واحد تالت (عارف الاجابة) راح بادئ الاجابة بالمطلوب بالظبط، وبعدين اتكلم عن الهجرة وقصة حياة السلحفاة، دا خد الدرجة اه، بس ضيع وقته ع الفاضي، في كتابة اللي مش مطلوب وملحقش يراجع، عشان كدا غلط في سؤال غير دا، ونقص درجات بردو.
واحد رابع (عارف الاجابة) راح كتب المطلوب على قد ما السؤال عايز بالظبط، من غير تقصير مخل، وقفل الامتحان، عشان كان عنده وقت كافي يراجع فيه عشان كان بيكتب المفيد بس، مش قعد يفتي ويرص كلام ع الفاضي.

الخلاصة بقى في 3 حالات:
- لو انت عارف الاجابة وحابب تفتي (غير مستحسن) : اكتب الاجابة في الاول، ع الوش كدا وبعدين افتي براحتك بس خد بالك من الوقت.
-لو انت عارف الاجابة ومش حابب تفتي (مستحسن) : انت كدا صاحبي وحبيبي وكفاءة.
-لو مش عارف الاجابة خالص: للاسف هتضطر تفتي، مهما يكن الفتي بعيد عن الاجابة او قريب منها، احسن من انك تسيب السؤال فاضي وتضمن الصفر.

مش اي كلام تقوله المس يبقى صح، مش تخليها تخوفك، انتي صح وهيا الغلط، خلي عندك شخصية، ومش تخليها تتحكم فيكي، عشان متلبيسيش في الحيط اخر السنة.
دي كمان بتدي درس كيمياء وفيزياء مع بعض، لا تعليق بجد، ماتسمعيش كلامها وخلاص.

جزاك الله كل خير يا دوك وربنا يوفقك دايما

معلش هستفسر كمان استفسار المس دى فى الكيميا مشغلانا عضوية وكهربية مع بعض جديد فى البابين وفى الفيزيا اطياف وليزر مع بعض عشان تلحق تخلص المنهج
المهم ازاى اقدر اتأقلم مع النظام ده لانى مش هعرف اغيرها عشان ماما مش هتوافق واغلب المدرسين يا مخلصين عضوية يا مخلصين كهربية يا مخلصين منهج
انا بحس ان الانبعاث المستحث بيخش ف طيف الانبعاث كله ف بعضه ومش لاحقة احل ولا حتى اتابع مدرسة ع الهوا ع النت عشان بفهم منهم
اسفة ع الاسئلة الكتير

وجزاك الله جنة الفردوس

[Mohamed_Hamza]

المشاركة الأصلية كتبت بواسطة سوسوكاتى

جزاك الله كل خير يا دوك وربنا يوفقك دايما

معلش هستفسر كمان استفسار المس دى فى الكيميا مشغلانا عضوية وكهربية مع بعض جديد فى البابين وفى الفيزيا اطياف وليزر مع بعض عشان تلحق تخلص المنهج
المهم ازاى اقدر اتأقلم مع النظام ده لانى مش هعرف اغيرها عشان ماما مش هتوافق واغلب المدرسين يا مخلصين عضوية يا مخلصين كهربية يا مخلصين منهج
انا بحس ان الانبعاث المستحث بيخش ف طيف الانبعاث كله ف بعضه ومش لاحقة احل ولا حتى اتابع مدرسة ع الهوا ع النت عشان بفهم منهم
اسفة ع الاسئلة الكتير

وجزاك الله جنة الفردوس

وجزاكي يا اختاه،
بس المس دي متخلفة عقليا، انا أصلا مش مرتاحلها من الاول، أعراض التخلف العقلي آللي عندها:
اخرتكوا في المنهج.
بتديكوا عضوية وكهربية مع بعض، دي من الشرق ودي من الغرب وكل باب منهم ليه مود لوحده كدا مينفعش الاتنين دول يكونوا مع بعض.
بتنصحكوا غلط.
كونها بتشرح كيمياء وفيزياء مع بعض دا فحد ذاته مشكلة.

آنا لو مكانك مش هعرف اتأقلم ع الوضع دا، انا اطلع من درسها وأعيش مع نفسي والبرامج التعليمية طالما بفهم منها، عشان اخلص الدروس بالترتيب، واجيب كتب مراجعة متجاوبة وأحل ولا الحوجة للمس.

أنتي بتفهمي من البرامج التعليمية يعني المس دي ملهاش لازمة تقريبا، يعني الدرس بعد ما المس تشرحه، ترجعي البيت تشوفيه في البرامج التعليمية، يعني wtf؟، طيب ماتوفري الوقت الضايع بتاع الدرس دا علشان مفروض ماتضيعيش وقت دلوقتي، انا كنت السنة اللي فاتت مش باخد درس و قفلت الكيمياء كنت بشوف البرامج التعليمية بس.

ومامتك المفروض تقنعيها بان الدرس دا ملوش لازمة.

الفيزياء بئا يا اما تعملي زي الكيميا يا اما تروحي لمدرس تاني، المس دي لا

براحتك بردو في الأول وفي الاخر ، بس انا لو مكانك هعمل كدا

[Duke Tefa]

المشاركة الأصلية كتبت بواسطة mohamed_hamza

ان شاء الله هتابعكوا على قد ماقدر.
الكتب اللي انا كنت جايبها للمراجعة :
*العربي: الرسالة (لازم) + ملحق التدريبات بتاع الاضواء + الامتحان مراجعة كنت باخد منه قطع النحو بس احلها مع مستر أسامة عز الدين على النت على موقع بنذاكر
*الانجلش:
-كتاب امتحانات yasser's notes ودا لازم تجيبوه اتصرفوا هاتوه بأي طريقة عشان فيه اكتر من 140 امتحان منهم 70 امتحان متجاوبين اجابة كاملة ونموذجية
- surprise
-the best (مافتحتوش)
*الكيمياء: الأستاذ + الامتحان + مندليف (الأستاذ عشان احل على دروس المنهج والامتحان عشان احل الامتحانات) هو كتاب مندليف أحسن من الامتحان عشان الامتحانات آللي فيه أكثر ، بس مشكلته آنه مش متجاوب فلو هتخلوا استاذكوا يحله معاكوا هاتوه وبلاش الامتحان.
*الفرنساوي: Genial احسن كتاب مراجعة و شرح ، انقذني الصراحة
*الفيرياء: الامتحان مراجعة وكنت جايب بردو كتاب اسمه الماسي فيه 70 امتحان متجاوب، بس اللي عامل الكتاب دايخ شوية كنت بطلع منه أخطاء بس مش كتير يعني، والوسام جبته ومفتحتوش.
*الجيولوجيا: الامتحان مراجعة + الأول
*الاحياء: مش هقدر اتكلم عن المادة دي، متاخدوش رايي فيها.

دي الكتب اللي كانت معايا، ومش لازم تجيبوا زيها بالظبط، الرك على شغلك انت مش ع الكتاب آللي معاك، لو انت شاطر مش هتفرق معاك

اكتبوا على جوجل "نادين مدحت فودة" اول موقع يطلع معاكوا في البحث دا موقع راجل محترم، نزلت منه ورق مراجعة نحو في اخر السنة كويس جدا، معرفش نزل دلوقتي ولا لا.

جزاك الله كل خير وفعلا مذكرات أ/ نادين مدحت فودة جميلة جداً انا معايا المذكرات دي

[علا علي ٣٣٣]

المشاركة الأصلية كتبت بواسطة mohamed_hamza

ان شاء الله هتابعكوا على قد ماقدر.
الكتب اللي انا كنت جايبها للمراجعة :
*العربي: الرسالة (لازم) + ملحق التدريبات بتاع الاضواء + الامتحان مراجعة كنت باخد منه قطع النحو بس احلها مع مستر أسامة عز الدين على النت على موقع بنذاكر
*الانجلش:
-كتاب امتحانات yasser's notes ودا لازم تجيبوه اتصرفوا هاتوه بأي طريقة عشان فيه اكتر من 140 امتحان منهم 70 امتحان متجاوبين اجابة كاملة ونموذجية
- surprise
-the best (مافتحتوش)
*الكيمياء: الأستاذ + الامتحان + مندليف (الأستاذ عشان احل على دروس المنهج والامتحان عشان احل الامتحانات) هو كتاب مندليف أحسن من الامتحان عشان الامتحانات آللي فيه أكثر ، بس مشكلته آنه مش متجاوب فلو هتخلوا استاذكوا يحله معاكوا هاتوه وبلاش الامتحان.
*الفرنساوي: Genial احسن كتاب مراجعة و شرح ، انقذني الصراحة
*الفيرياء: الامتحان مراجعة وكنت جايب بردو كتاب اسمه الماسي فيه 70 امتحان متجاوب، بس اللي عامل الكتاب دايخ شوية كنت بطلع منه أخطاء بس مش كتير يعني، والوسام جبته ومفتحتوش.
*الجيولوجيا: الامتحان مراجعة + الأول
*الاحياء: مش هقدر اتكلم عن المادة دي، متاخدوش رايي فيها.

دي الكتب اللي كانت معايا، ومش لازم تجيبوا زيها بالظبط، الرك على شغلك انت مش ع الكتاب آللي معاك، لو انت شاطر مش هتفرق معاك

اكتبوا على جوجل "نادين مدحت فودة" اول موقع يطلع معاكوا في البحث دا موقع راجل محترم، نزلت منه ورق مراجعة نحو في اخر السنة كويس جدا، معرفش نزل دلوقتي ولا لا.

تمام شكرا جدا ربنا يجازيك كل خير
بس ممكن اعرف اشمني كتاب الرسالة في العربي انا كنت ناوية اجيب المعلم اي مميزاته يعني ؟؟
و كتاب الانجلش دا اول مرة اسمع عنه حضرتك كنت جايبه منين
و انا اسفه لو كنا بنتقل عليك

[Duke Tefa]

المشاركة الأصلية كتبت بواسطة علا علي ٣٣٣

تمام شكرا جدا ربنا يجازيك كل خير
بس ممكن اعرف اشمني كتاب الرسالة في العربي انا كنت ناوية اجيب المعلم اي مميزاته يعني ؟؟
و كتاب الانجلش دا اول مرة اسمع عنه حضرتك كنت جايبه منين
و انا اسفه لو كنا بنتقل عليك

هجاوبلك انا بما انه الدوك مش موجود
المهم كتاب الرسالة من الكتب الي هيا بتخليكي تذاكري العربي باستمرار اقولك ليه لانه في مميزات مش في اي كتاب آخر خصوصاً النحو والبلاغة جايب اكتر من 150 قطعة نحو من الشخصيات وغير بعد كل وحدة نحو جايب قطع نحو كتير وغير كدا بخليكي تتعلمي الاعراب والاستخرجات في نفس الوقت غير بردو انه بيجيب قطع جميع الامتحانات سواء مصر والسودان والتجريبي وكل ده
ودي الحاجة الي بتميز الرسالة عن غيره
بس في نفس الوقت في ناس بتسميه كتاب تعقيد الطالب ولكن هو غير كدا خالص ده بالعكس في بيجيبلك كل حاجة في المنهج واعتقد انه في الامتحان بياخد فنيات منه
والله اعلم

[علا علي ٣٣٣]

المشاركة الأصلية كتبت بواسطة duke tefa

هجاوبلك انا بما انه الدوك مش موجود
المهم كتاب الرسالة من الكتب الي هيا بتخليكي تذاكري العربي باستمرار اقولك ليه لانه في مميزات مش في اي كتاب آخر خصوصاً النحو والبلاغة جايب اكتر من 150 قطعة نحو من الشخصيات وغير بعد كل وحدة نحو جايب قطع نحو كتير وغير كدا بخليكي تتعلمي الاعراب والاستخرجات في نفس الوقت غير بردو انه بيجيب قطع جميع الامتحانات سواء مصر والسودان والتجريبي وكل ده
ودي الحاجة الي بتميز الرسالة عن غيره
بس في نفس الوقت في ناس بتسميه كتاب تعقيد الطالب ولكن هو غير كدا خالص ده بالعكس في بيجيبلك كل حاجة في المنهج واعتقد انه في الامتحان بياخد فنيات منه
والله اعلم

تمام خلاص انا هجيبه ان شاء الله
بس ليه اجابات ؟؟
و شكرا ليك

[Duke Tefa]

المشاركة الأصلية كتبت بواسطة علا علي ٣٣٣

تمام خلاص انا هجيبه ان شاء الله
بس ليه اجابات ؟؟
و شكرا ليك

اها ليه اجابات في جزء مجاني بيتجاب مع الكتاب الاصلي والكتاب اسمه تطبيقات الرسالة
تصدقي اني انا مش جايبه ولكن بحل منه مع الاستاذ