جدو عبده المتسابق الثالث بمسابقة غريب فى غريب افادة وثقافة وتواصل بمنتديات بوابة الثانوية العامة

[الأستاذة ام فيصل]

المشاركة الأصلية كتبت بواسطة جدو عبده

شرف عظيم مجرد مشاركتك معنا فى صفحتنا أستاذتنا الكريمة أم فيصل

وأنا بإذن الله منتظر الأسئلة من حضرتك ومن كل الراغبين

مزاد علنى مدفوع الأجر والثواب على الله

بس الرحمة حلوة ولا إيه ؟

شكرا جزيلا أستاذتنا الفاضله

جزاكم الله كل خير

الف شكرا اخي الفاضل أ/ رضا

انا ارحمك واسئلي بسيطه وخفيفه على شخصية مثل حضرتك

وهذه اسئلتي



مثل شعبي ينطبق برأيك على كل سؤال؟

العلاقات المصرية الأمريكية

سياسة مصر الخارجية

الأخبار فى الصحافة المصرية

قيم الشخصيات بكلمات قليلة؟

الشاعر نزار قباني
الكاتب نجيب محفوظ
الرئيس صدام حسين
الرئيس معمر القذافي
الرئيس جمال عبد الناصر
الثائر جيفارا
سيدة الطرب كوكب الشرق ام كلثوم
الممثل الكوميدي عادل امام
الممثل محمد صبحي
الهاتف النقال
كفاية كده صح
هل اجبت بصراحة على الاسئلة؟
لو خيروك ان تكون رئيس جمهوريه فاي بلد تختار عدا مصر؟
حكمة تؤمن بها؟

[أ/رضا عطيه]

المشاركة الأصلية كتبت بواسطة الأستاذة ام فيصل

الف شكرا اخي الفاضل أ/ رضا

انا ارحمك واسئلي بسيطه وخفيفه على شخصية مثل حضرتك

وهذه اسئلتي



مثل شعبي ينطبق برأيك على كل سؤال؟

العلاقات المصرية الأمريكية

هى الحداية بترمى كتاكيت

سياسة مصر الخارجية

مثل فلاحى شحط محط (حمارك المكسح ولاسؤالك اللئيم )

الأخبار فى الصحافة المصرية

بعد كل اللى كتبته ورقتك بيضه ليه ياعبده قال (لأن كله زى عدمه وفى قول أخر (كله زى قلته )



قيم الشخصيات بكلمات قليلة؟

الشاعر نزار قباني

من انتقد مدرسته زمان بجهالة لم يعلم أنها ستكون ملجأ ومنبع لقمم شعراء المستقبل


الكاتب نجيب محفوظ

من يوم سى السيد وهو قلب علينا الحريم --ومع أنهم خدوا حقهم تالت ومتلت إلا أنهم لسه شغالين على نفس الخط ---- نجيب نوبل فعل مالم يفعله قمم الأدب قبله وبعده


الرئيس صدام حسين

لو يقاس بمن كان قبله وما أتى بعده سنجده فى الوسط مكانا وفعلا --- لكن من ينكر قدرته على خمد الفتنه فهو مخطىء فى نظرى --- أحب المصريين وفتح لهم باب بلده للعمل فأحبه المصريون - وإعدامة فى صبيحة الأضحى صفعة على وجه كل مسلم وعربى لكن يبدو أن من كتر الصفعات انعدم الإحساس والتأويل


الرئيس معمر القذافي

أثبت نظرية الأهبل أرحم بكتيييير من المجنون - واسألوا حتى الليبيين الأن



الرئيس جمال عبد الناصر

رجل فى دم المصريين والعرب والأفارقة والعالم يجرى كجرى كرات الدم النقى--أما أصحاب الدم الفاسد فقد شمتوا فى بلدهم أيامه كما يشتمون فيها الأن -- هما هما أصحاب فصيلة (إخ)


الثائر جيفارا

رجل صنع لبلاده وعلم غيره --- المهم أن نتعلم عمليا لا أن ننقل من الكتب لنسردها فى مقالات وتوك شو


سيدة الطرب كوكب الشرق ام كلثوم

صنعت لبلدها ماعجز عن صنعه كبار الساسة ---- وجمعت كل العرب والذين لديهم مناعة للتجمع --- فنسيوا والله واتجمعنا تانى ياقمر وافتكروا فات الميعاد


الممثل الكوميدي عادل امام

[color="rgb(75, 0, 130)"]ممثل مبدع وكوميدى مالوش حل --لكن له فلتات ضيعت الشباب زى حنفى الأبهه واللى جعله الفيلم قدوة للشباب [/color]


الممثل محمد صبحي

روعة الروائع ربنا يحميه- بيدخل فى كل حاجة تفيد بلده ---- ولايتخفى كغيره من النجوم بحثا عن راحة البال


الهاتف النقال

كان فاكرينه تليفون اتصال طلع كل حاجة
كفاية كده صح
هل اجبت بصراحة على الاسئلة؟

وهخبى ليه -هو فيه إيه هيخدوه ولاد الإيه ----الصراحة راحة والأرزاق على الله

لو خيروك ان تكون رئيس جمهوريه فاي بلد تختار عدا مصر؟

إيه ؟؟؟ رئيس جمهورية ---إتهيأ لى أنا زى السمك - سمكة نيلية فى ترعة زراعية لوخرجت م الميه هتتشوى فى تقلية

لكن لو من باب السياحة لشهر وتغيير الجو --- ممكن اليابان ---دول عالم اللى بيتهم فيهم بفساد مابيستناش محكمة ولانيابة فبينفذ الحكم بنفسه فى نفسه --- وابحث هناك عن إجابة للسؤال -- هو دين أبوهم إيه - وفصيلة دم الإحساس عندهم عاليه كدا ليه ؟ ؟


حكمة تؤمن بها

حكمه منزلية لكنها تربوية
إمشى عدل يحتار عدوك فيك ؟

بس ساعتان إجابة

فعلا أسئلة بسيطة وسهله بس أنا اللى مش واخد بالى

ووضحت الحصانة من الأسئلة هههههههههههههه

شكرا جزيلا أستاذه أم فيصل

[الأستاذة ام فيصل]

ماشاء الله عليك أ/ رضا أجوبة اكثر من رائعة

واسفه لو تعبت حضرتك بالاسئله

هددتني ميس هدى تخاصمني لو ان لم اشترك بالمسابقة ههههههه

وانا متأكدة انك ستتميز بالرد عليها

بس حاجه وحدة كنت اتمنى القبول بمنصب رئاسة اي دولة كي نطلب اللجوء فيها بدلا من الاغراب

ميول حضرتك مشابهه لحضرتي حول الشخصيات

جزاك الله خيرا وبارك الله فيك

ومبروك عليك النجاح بمرتبه الامتيار والشرف من الدرجه الاولى

تحياتي وتقديري

[أ/رضا عطيه]

المشاركة الأصلية كتبت بواسطة الأستاذة ام فيصل

ماشاء الله عليك أ/ رضا أجوبة اكثر من رائعة

واسفه لو تعبت حضرتك بالاسئله

تعبكم راحة ياأستاذه

هددتني ميس هدى تخاصمني لو ان لم اشترك بالمسابقة ههههههه

ههههههه- تهديد --- معلشى بنتنا وشكلها ماتعرفشى تهديدات جدو بتبقى زيها إيه



وانا متأكدة انك ستتميز بالرد عليها

بس حاجه وحدة كنت اتمنى القبول بمنصب رئاسة اي دولة كي نطلب اللجوء فيها بدلا من الاغراب

ما أنا اخترت البلد اللى المسئول المكروه أوالفاسد فيها لاينتظر خرو ج الناس عليه حتى يطلب اللجوء لبلد أخر لأن بلد اللجوء عندهم واحدة--- طُخ بنفسه لنفسه والعزاء مقتصر على الأسرة فقط منعا للإحراج ---اللى عندهم دم بزياده مش محتاج للهروب أو اللجوء - يواااااااااااجه ---هو فيه حاجة ضيعت بلادنا إلا المعارضة من خارج الحدود---والمثل بيقول (البعيد عن العين بعيد عن القلب)--- طبعا ماعدا من يضطر بسبب اضطهاد فعلى مشهود ---وربنا يصلح الحال



ميول حضرتك مشابهه لحضرتي حول الشخصيات

جزاك الله خيرا وبارك الله فيك

ومبروك عليك النجاح بمرتبه الامتيار والشرف من الدرجه الاولى

مبروك علينا عودة الروح للمنتدى هو دا الامتياز وهو دا الشرف بجد

تحياتي وتقديري

دائما التقدير والاحترام لحضرتك موصول

أدام الله لنا قلوب تمتلأ بالمودة والطيبة للجميع كبيرا وصغيرا

شكرا جزيلا