عايز تطلع الاول في الثانويه العامه ادخل وهاتدعيلي

[HhhhhOmar khaled]

مبدئيا كده لازم من اول السنه هتعمل شويه حاجات علشان تستريح طول السنه اول حاجه افصل النت من البيت خالص حتي لو خلصت مذاكره ممنوع تدخل علي الفيس تاني حاجه شيل الكمبيوتر او التابلت او اللاب خبيهم مثلا في الدولاب تالت حاجه متسمعش كلام الناس اللي تقولك ريح من اول السنه وكده لان كده كده كله هيزهق في النص فاللي مذاكر من الاول مش هيقدر يضيع تعبه وكل لما تزهق حط هدفك قدامك وبجد بجد لو قريت حتي 10 ايات من سوره الكهف كل يوم هتشوف ربنا هيقف معاك قد ايه في الامتحانات ولما تيجي تنام مثلا تخيل يوم النتيجه وقرايبك في البيت عندكوا وانتوا مستنيين النتيجه وقد ايه فرحتك لما تطلع حلوه ساعتها بس هتنسي تعبك طول السنه تاني حاجه في المذاكره بقا علي الاقل كل يوم مادتين بس تكون واحده حفظ وواحده فهم وتحل مسائل كتير وبالذات كتاب المدرسه لما ايام المراجعه تبدا وتيجي تحل ممكن حاجات تقف قدامك في الحل بس سدقني بعدها هتبقي صاروخ وهتتشجع جدا لما تلاقي نفسك بتحل صح ودا طبعا نتيجه ان انته بدات مذاكره من الاول دا هيريحك جدا في الاخر وحاجه بقي مهمه جدا جدا جدا متقعدش تقارن نفسك بالدحيحه لا شوف انت ذاكرت ازاي وشجع نفسك لان الفرق بينكوا الامتحان يعني انت ممكن تقفله وهما كمان يبقي ايه الفرق بقا بينكوا وحاجه كمان متحكيش لصحابك انت ذاكرت اد ايه وكده وبلاش اصلا تسمعلهم لانهم بيدوك جمل سلبيه ممكن تضيعك وجيب فيديوهات للاوائل علي الجمهوريه واقرا قصصهم وفرحتهم كانت عامله اذاي ساعتها بجد كل دا هيفرق جدا. يلا بقا كل واحد يقولنا هو بيذاكر اذاي وفي النهايه ادعولي ان ادخل طب اسنان واطلع من الاوائل علي الجمهوريه بالله عليكم متكسلوش وادعولي

[mahmoud aBDELGAWED]

انامش متفق معاك ان احنا نشيل النت لاننا بنستخدمه فى تحميل ملازم ومراجعات وامتحانات

[HhhhhOmar khaled]

لا ممكن تخلي اي حد هو اللي ينزلك المراجعات من النت ويصورهالك علشان ممكن مواضيع جانبيه علي النت تشدك وتضيع وقت كبير فيها او علي الاقل لو مدخلتهاش هتفضل شاغله بالك

[ران نيتشان]

ربنا يكرم حضرتك وتحقق اللي بتتمناه
وربنا يعني فعلا كنت محتاجه دفعه للامام مع اني حافظه الكلام ده،بس فعلا مش بنتشجع غير لما نلاقي حد فعلا متفائل امامنا،وربنا يكرمني واجيب طب يارب

[HhhhhOmar khaled]

يارب تدخلي طب وتحققي اللي بتتمنيه بس اهم حاجه تحطي حلمك ادامك وتذاكري كتير اوي علشان الفرحه بتبقي علي قد التعب بجد

[ران نيتشان]

اكيد الفرحه علي اد التعب :]...فقط تذكرونا من دعواتكم دائما ولكم المثل :]

[lian ahmed]

كلامك في منتهى الروعة وجزاكي الله خيرا عليه
بس بالنسبة لموضوع النت لوحدي زي لا معتقدش أنا مش مدمنة ممكن أعد بكتيره أوي نص ساعة بس قبل لمذاكرة أو بعديها قبليها عشان معدش خلال وبعديها كنوع من المكافئة
بالبعكس لو أنا قاومة نفسي وحدد فترة فتح النت كده هحس بالإنجاز وده هيرفع من معنوياتي وده محتاجة وأنا بذاكر وطول ما الواحد بيستخدمه فيما ينفعه فلا ضرر من استخدامه لكن لما أحرم نفسي فجأة من حاجة أنا بحبها أو متعودة عليها معتقدش ان دي فكرة كويس بل بالبعكس ممكن الوضع يزداد سوء كل حاجه واحدة واحدة وبالتديج

[Norhan Mostafa]

ربنا معاكم يا رب
انا 2ث عاوزه اشوف من هنا دكاتره يشجعونا بقي
بالتوفييق