خلاف بين مصر والسعودية حول حل أزمة سوريا

[أ/رضا عطيه]

المشاركة الأصلية كتبت بواسطة الزعيم _ 2

مرحبا بعوده الأخ والصديق العزيز / رضا الجوهري..(جدو عبده)
بعدما حدث اليوم في الإنتخابات البرلمانيه / مرحله أولي
هناك حرب من الداخل وخيانه من فصايل معروفه
هل خلافاتنا في الداخل أهم .. ولا خلافاتنا في الخارج
---------------------------------------------------------------------
الناس مش واخده بالها إنها كده بتعيد الكره .. والبلد هاتروح مره تانيه
خلوا بالكم إن الفصيل الديني بيتحرك كله بالأمر ومحدش يقدر يخالف
وكلهم راحوا .. في الوقت إللي بيمصمصوا شفايفهم وبيحاولوا بكل قوة
إنهم يخلوك ماتروحش ولو بالفلوس .. وفي الآخر مش هانلوم إلا نفسنا
الدور إللي فات ماكناش فاهمين .. المره دي هانلاقي الدواعش ركبوا
علي نفسنا .. والبلد معدش فيها روح ولا نفس .. وشوفوا ليه أمريكا
الشيطان الأعظم إتحكمت في تخفيض سعر البترول .. يعني محدش
هايساعدك تاني .. ياريت نفهم بقي .. لو وقعنا مره تانيه
مش هانقوم .. مش هانقوم

عزيزى أشرف

أخر ماتوقعته منك أن تردد مايردده النخب المكلماتية والنخب الحزبية المصلحجية وخوارج ومطاريدمصر العربية

هو الرئيس له حزب ؟ طبعا لأ------ يبقى لازم تكون دى النتيجة --- منافسة بلا منافسة

هى القوائم تحمل معارض واحد للحكومة ؟ طبعا لأ ------ يبقى لازم تكون دى النتيجة---- مين اللى هيجبر الحكومة تمنع قطع المياة وتهدى الطماطم شوية

هى اسكندرية والبحيرة نزلت عن بكرة أبيها والباقى لأ؟-----كله فى ميزان واحد--- الحسرة لكل من صرفوا الملايين ولم يقتربوا من حقوق أصحاب مساكن المساكين

هى الفضائيات بتولول من أجل مصر أم من أجل أحزابها ورموزها فى القوائم والفردى ؟

التعالب اللى بتحاول تضع السيسى فى وسط خيبتهم وعزلتهم عن الشارع

بلاش نعمل زيهم ياصديقى لأن الرئيس لم يفعل إلا ماجاء بقرار تعيينه كرئيس - ويدعو الناس للنزول

البلد وقفت وداست على كل كارهينها

فخلى المعلم يعلم ويقرصهم من ودانهم يمكن ينكسفوا شوية ويعرفوا أن الشعب هو صاحب القرار ومش حد تانى

وإذا استفادوا من الدرس الحالى هتشوف فى الإعادة والجولة التانية إن شاء الله الدرس الأهم ----- على طراز بلاد الجمال فى حلايب وشلاتين

أما المعونات فهى أن نعتمد على أنفسنا أو نشوف لنا كفيل يوزع علينا العمل كل صباح وماحدش يعترض

شكرا أستاذنا وجزاكم الله خيرا