دفعة ثانوية عامة 2016

[Duke Tefa]

المشاركة الأصلية كتبت بواسطة zx xz

نصائح عامة بما إنكم دخلتم شوية في المنهج

1-أسئلة المقاومات مبتجيش صعبة كده لكن الأسئلة دي للتدريب
2-أفضل طريقة لحل أسئلة المقاومات هي طريقة النقط
3-أدب العربي وتعليق النصوص مصدرهم الأساسي للمذاكرة كتاب المدرسة
4-تعريف الوحدات الفيزيائة يفضل تفهم ازاي تيجي من القانون بدل ما تتعب نفسك في الحفظ
5-النحو لما بيعوز واضع الإمتحان يجيب حاجة توقع ناس في الإمتحان بيجيب حاجة تخالف القاعدة اللي الناس متعودين عليها ,يعني ايه؟ يعني مثلاً أغلب الناس بتعتبر أي حاجة ب "ال" بعد اسم الإشارة يبقى بدل بس القاعدة دي مش صج دايماً ,شوفوا امتحان 2013
6-متسمعوش صحابكم وهما بيتكلموا عن المدرسين بتوعهم عشان متتوتروش
7-بداية من شهر 11 أو 12 هيبتدي التوتر عندكم يزيد وتحسوا ان السنة بتخلص , دي هواجس هتضيع وقتكم على الفاضي زي ما ضيعت لي وقتي وتوتركم مع ان لسه هيكون فاضل 6 شهور أو اكثر
8- أسئلة كتاب المدرسة مهمة جداً وبتيجي وممكن بالأرقام كمان
9-كتب دليل التقويم بتنزل في المكتبات في شهر 11 و 12 بس انتبهوا انها بتبقى بتاعت السنة اللي فاتت لأن بتاعت السنة بتاعتكم بتنزل في شهر 3 أو 4
10-كتب المراجعة النهائية برضو بتنزل بداية من شهر 11
11-متأجلش حل امتحانات لما تخلص المنهج ,انا عملت كده وفضلت مأجلها كثير واقول المراجعة على كل درس أفضل بس اكتشفت ان حل الإمتحانات بيثبت المعلومة أكثر ده غير انه بيطمنك لأنك بتشوف ان اسئلة الإمتحان مش صعبة وانها كمان بتتكرر , وكما بيعرفك ايه النقص عندكم وايه الحاجات اللي انت محتاج تراجع عليها لوحدها
12-مواد النجاح ( الدين - التربية الوطنية - الإقتصاد ) متأجلوهاش لشهر 5 يا ريت قبل كده بشوية , انا أجلتها وبقيت متوتر جداً لدرجة اني كنت بطلع من الإمتحان بحسب درجات النجاح من كام بس الحمد لله ربنا ستر

جزاك الله كل خير
بس ممكن اعرف ايه هي طريقة النقط ؟