اللغز

[logical]

ما كل هذا التوهان ، ولم كل هذا اللك الذى يدمر الطالب
لماذا لا يقول ببساطة ان " الحجة الاستنباطية هى نموذج للاستدلال الصورى الذى لا علاقة له بالواقع الخارجى ، ويعطى قياس صحيح رغم انه لا ينطبق على الواقع "
كما أنه يعود ثانية ويذكر كذب الحجة رغم اتفاقنا نحن الاساتذة الافاضل على هذا الموقع أنه لا معنى لكذب أى قضية فى أى استدلال استنباطى لعدم اتفاقها مع الواقع الخارجى
، ويا سلام لما تقرى الاستنتاجات اللى فى الاخر ، هو بيقول ايه وبيقول كل ده ليه ؟!!!
، وعلى فكره السؤال حيجى كالاتى :- قد تكون مقدمات الحجة الاستنباطية كاذبة ونتائجها صحيحة دلل بمثال ؟ والطالب لازم يكتب مثال الكتاب
- لأن كلنا عارفين ان فيه ناس مش شغاله الماده ، وبيشوفوا شغلهم بره فى أى مجال تانى ، وبيقعدوا يصحووا معانا زى ما هو مكتوب فى نموذج الاجابة ومالهومش فيه



المنهج مش صعب يا جماعه ، المنهج أهبل ، واللى حطه مش ممكن يكون انسان سوى

[مستر سيد الجندى]

انت عايز توصل لأية من كل ده ... خلاص المنهج بقى أمر واقع وكل اللى انت بتعملة ولا له اى قيمة ... سعاتك ركز فى المنهج واشرحة للطلبة بالطريقة اللى تريحك ولو كان المنهج مش مترتب رتبه انت على مزاجك فى مزكرتك ... ولك مطلق الحرية .
.
وياريت يكون اسلوب سعاتك فى التحاور والنقاش يبقى خارج من مدرس علم نفس بيعلم الاجيال كيفية استخدام الكلمة والتعبير عن الرأى .
.
مش تبقى كل بوستاطك تقول ماحدش هيعرف الفرق بين ايه وايه واماحدش ماعرفش ايه ...
.
يا سيدى الفاضل خذها نصيحه من زميل لك .. ركز فقط فى المنهج ولا تعبث بعقولنا وعقلك حتى تستطيع شرح المادة للطالب بصورة أكثر عقلانيه .
.
افادكم الله .
.
ومعزرة لو كان رأيي ضايقك .. ولكن انا احب كل شئ بصراحة .
..
تحياتى ليك وللجميع

[logical]

المشاركة الأصلية كتبت بواسطة مستر سيد الجندى

انت عايز توصل لأية من كل ده ... خلاص المنهج بقى أمر واقع وكل اللى انت بتعملة ولا له اى قيمة ... سعاتك ركز فى المنهج واشرحة للطلبة بالطريقة اللى تريحك ولو كان المنهج مش مترتب رتبه انت على مزاجك فى مزكرتك ... ولك مطلق الحرية .
.
وياريت يكون اسلوب سعاتك فى التحاور والنقاش يبقى خارج من مدرس علم نفس بيعلم الاجيال كيفية استخدام الكلمة والتعبير عن الرأى .
.
مش تبقى كل بوستاطك تقول ماحدش هيعرف الفرق بين ايه وايه واماحدش ماعرفش ايه ...
.
يا سيدى الفاضل خذها نصيحه من زميل لك .. ركز فقط فى المنهج ولا تعبث بعقولنا وعقلك حتى تستطيع شرح المادة للطالب بصورة أكثر عقلانيه .
.
افادكم الله .
.
ومعزرة لو كان رأيي ضايقك .. ولكن انا احب كل شئ بصراحة .
..
تحياتى ليك وللجميع

حضرتك بتتكلم كلام مرسل ، ياريت حضرتك توضح إمتى انا اتكلمت باسلوب جارح ، او تلاعبت بعقل حد ، انا بقف على الاخطاء المنطقية اللى بتقابلنى ، وبعرضها على أهل العلم عشان نتناقش و الفايده تعم ، وباشكر اللى بتعلم منه

[mode moon]

عزيزي logical حضرتك بتعبر عن معظم اراؤنا تقريبا في الافيون الجديد ده اللي مليان عك ولخبطه وبموضوعيه وبدون تجريح / والمشاكل اللي انت بتعرضها اللي عارف لها حلول يتفضل والفايده تعم علي الكل

[logical]

خالص الشكر لك أيها الأخ الفاضلmode moon
على الدعم والمساندة ، لاننى خشيت فعلاً أن أكون قد تسببت بإزعاج الزملاء الافاضل ، وكل نيتى أن اشارك ما أتوقف أمامه من نقاط المنهج لمناقشتها مع الزملاء و محاولة الوصول لحل لها ( وهو ما حدث مسبقاً ) ، حتى لا نتعرض لأى موقف محرج مع طالب متميز ، شكراً

[وائل سعيد مصطفى]

[b]انا معك عزيزى لوجيكال ان المنهج مليان عك هو فعلا عك واللى واضع النهج فعلا بقول كلمة من الشرق وكلمة من الغرب وانت بتعبر عن رأينا فعلا وللا احنا المفروض نرضى بالواقع حتى ولو كان عك عبر بحرية وانت كلامك صح
/b]

[ayman deef]

المفروض اننا نبقى شايفين بس مش شايفين وعارفين ان ده منهج غير واقعى وغير مخطط له بعنايه بس لازم نبقى وطنيين ونسكت

[logical]

المشاركة الأصلية كتبت بواسطة وائل سعيد مصطفى

[b]انا معك عزيزى لوجيكال ان المنهج مليان عك هو فعلا عك واللى واضع النهج فعلا بقول كلمة من الشرق وكلمة من الغرب وانت بتعبر عن رأينا فعلا وللا احنا المفروض نرضى بالواقع حتى ولو كان عك عبر بحرية وانت كلامك صح
/b]

اشكرك صديقى وائل ، ليس لتدعيم رأيى ، ولكن لتدعيم حريتى فى التعبير عنه

[logical]

المشاركة الأصلية كتبت بواسطة ayman deef

المفروض اننا نبقى شايفين بس مش شايفين وعارفين ان ده منهج غير واقعى وغير مخطط له بعنايه بس لازم نبقى وطنيين ونسكت

هل تعتقد يا استاذ أيمن أن السكوت على الخطأ وتخريج جيل لا يفهم أبسط أسس المنطق هو من الوطنية فى شىء ؟

[ايهاب_فكرى]

فعلا انا مؤيد للراىْ القائل بإن المنهج كله عك فى عك ليس لمحتواه ولكن لطريقة عرضة وصياغته وده واقع فعلى ولكن لماذا التعقيد طالما كان بالإمكان التبسيط ؟ ولما الأمثلة العقيمة والمفترض من الأمثلة التوضيح ؟ وبالفعل لو نظرنا فى التصحيح فهناك عدد كبير من المعلمين سوف يلتزمون بنموذج الاجابة وهو لم يدرس المنهج فى الأساس والطالب فى الغالب هاتكون إجابته صحيحة ولكن لابد وان تخالف نموذج الإجابة لان أمهر المعلمين صاغوا مذكراتهم بالاسلوب البسيط والصحيح النابع من صميم علمهم وتجاوزوا الفاظ الكتاب بصراحة انا شايف ان اللى بيحصل مش لصالح المادة بل بالعكس ده مجهود غير عادى لتنفير الطلاب منها وده ياجماعة رايىْ الشخصى مع احترامى لكل الزملاء الأفاضل

[محمد الكيال]

المنهج ليس كله سلبيات وليس كله عك كما ذكرتم وليس جيد ايضا
لكن لا أطلب تغييره تمام لأن على الأقل به جزء المنطق يبين مدرس من اخر
انا لى فى الكتاب مطلبين ان تحققوا اصبح الكتاب غايه الروعه
الأول : فى الفلسفة حذف الموضوع التانى وفى المنطق حذف الموضوع الرابع
الثانى : تصحيح الأخطاء العلميه بالموضوعات
وجهة نظر تحت القبول والرفض
ارجو عدم المصادمة مع بعضنا البعض حتى نستطيع التواصل اعرف ان المنهج يستفز البعض وهذا ما جعلنى اتجنب الحديث نظرا لحاله التوتر

[logical]

المشاركة الأصلية كتبت بواسطة محمد الكيال

المنهج ليس كله سلبيات وليس كله عك كما ذكرتم وليس جيد ايضا
لكن لا أطلب تغييره تمام لأن على الأقل به جزء المنطق يبين مدرس من اخر
انا لى فى الكتاب مطلبين ان تحققوا اصبح الكتاب غايه الروعه
الأول : فى الفلسفة حذف الموضوع التانى وفى المنطق حذف الموضوع الرابع
الثانى : تصحيح الأخطاء العلميه بالموضوعات
وجهة نظر تحت القبول والرفض
ارجو عدم المصادمة مع بعضنا البعض حتى نستطيع التواصل اعرف ان المنهج يستفز البعض وهذا ما جعلنى اتجنب الحديث نظرا لحاله التوتر

اختلاف الرأى دايماً مسألة إيجابية بنستفيد منها كلنا ونتعلم ، إذا كانت فى إطار الموضوعية والبعد عن الانفعال العاطفى

[وائل سعيد مصطفى]

يا جماعة دا المنهج فيه حاجات ملهاش عناوين وبيجيب فى احيان كتير المثال قبل الشرح وبعدين كتير من الامثلة فى غاية التفاهة والدش اللى ملوش لزمة انا شايف ان المنهج سئ جدا رغم انه موضوعاته جميلة جدا بس يا خسارة

[وائل سعيد مصطفى]

انا بسأل الزملاء عن حاجة قابلتنى هو فى الموضوع الاول فى المنطق على أى اساس بيقول ان القضية
الثعابين مؤذية قضية كاذبة
والقضية الثعابين شعبية قضية كاذبة
هو مش ده استنباط ومينفعشى نحكم على قضاياه بالصدة او الكذب حسب الواقع
اذن استفسارى هو على اى اساس حكم على القضايا دى بالكذب
وشكرا

[logical]

المشاركة الأصلية كتبت بواسطة وائل سعيد مصطفى

انا بسأل الزملاء عن حاجة قابلتنى هو فى الموضوع الاول فى المنطق على أى اساس بيقول ان القضية
الثعابين مؤذية قضية كاذبة
والقضية الثعابين شعبية قضية كاذبة
هو مش ده استنباط ومينفعشى نحكم على قضاياه بالصدة او الكذب حسب الواقع
اذن استفسارى هو على اى اساس حكم على القضايا دى بالكذب
وشكرا

ملاحظه عظيمه يا استاذ وائل ، انا عملت عليها موضوع كامل اهوه

http://www.thanwya.com/vb/showthread.php?t=661795

وده ابسط دليل ان المنهج فى ايدين مش متخصصه اتمدت فيه ، وبتخلى الواحد مش عارف يكدب ولا يقول ايه للطلبه ، ازاى يقنعهم بحاجه هو عارف انها غلط !!